MUYORHE EYI MUMENYERE EBILI BYABA!
Edini Yilyachiheba omu Vita ly’omu Ukraine—Bichi Ebiblia Ebiderhereko?
Yunva kw’eyila myazi eyerekene gurhe abakulu b’edini bali bachiheba omu vita lye Ukraine:
“Patriarche (Mushamuka w’Echisisi) Kirill, mukulu w’Edini lye Orthodox ly’omu Russie, arhazi yerekana oku kuli kubi echihugo che Russie okurhera Ukraine. . . . Edini lyage ligenderere kuyeneza hoshi emyazi y’obubeshi oku bilolere echihugo che Ukraine, na Putin, prezida we Russie, ali akolesa eyola myazi omu kuyerekana oku agwerhe empanvu zinja z’okulwisa echola chihugo.”—EUobserver, Siku 7, Mwezi gwa 3, 2022.
“Patriarche Kirill . . . aderhere oku kuli kwinja bwenene e Russie okurhera e Ukraine bulala elyola vita nalyo eli yindi njira y’okulwisha echaha.”—AP News, Siku 8, Mwezi gwa 3, 2022.
“Lwakwanza, omukulu w’edini lye Orthodox ly’omu Ukraine, oyirikwa métropolite Épiphane wa Burhanzi w’omu Kiev, agisha abuntu mpu ‘balwise abasoda be Russie babarherere’ . . . [Ashuba] kuderha oku, chirhali chaha okuyirha abasoda be Russie.”—Jerusalem Post, Siku 16, Mwezi gwa 3, 2022.
“Rhwabo [Conseil ukrainien des Églises et des organisations religieuses (UCCRO)] (Lubaga lw’amadini n’amakanisa m’omu Ukraine) rhushigikire Abasoda b’omu Ukraine n’abantu boshi bali barhulwirako, rhubagishire balwise abanzi barherere e Ukraine, rhunali rhwabahunira.”—Myazi ya UCCRO a, ya Siku 24, Mwezi gwa 2, 2022.
Gurhe owazize? K’amadini manachiyirika oku mali makulikira Yesu Kristu, makwanene kuheba abantu babo omurhima baje oku vita? Bichi Ebiblia ederhere?
Engani ziyerekene okuntu amadini manachiheba omu vita
Engani eyerekene oku buli mango amadini manaderha k’okuja omu vita chirhali chibazo, kuli kwinja, na chiro kuli kw’akamaro, omu kulonza kulerha omurhula. Hamagera myaka minene, eyi Abahamirizi ba Yehova bali babishula obola bulyalya bw’amadini. Hala mifano miguma eyerekene ntyo, erhengere omu bitabu byerhu.
“Zile Krusedi—Uwongo Wenye Msiba” (Ekrwazade, Bubeshi Bulerhere Obuhanya) ogola mwazi guyerekene okuntu Edini ly’Akatolika lye Roma lyalijirire esemba-semba zinene omu zino lya Mungu na Kristu.
“Kanisa Katoliki Katika Afrika” (Edini ly’Akotolika omu Afrike) guderhere omufano guyerekene kw’edini lyaligambirwe kumala evita ly’obuko oku bwindi, chiro n’esemba-semba.
Emyazi “Je, Dini Inapaswa Kulaumiwa?,” (Edini Likwanene Kurhungwa Omudoke Si?) na “Fungu la Dini Katika Vita vya Binadamu,” (Eby’Edini Lyajirire omu Mavita m’Abantu) na “Dini Yajiunga” (Edini Linachihira Mubyo), efasiriye oku mu mavita manene abakulu b’edini ly’Akatolika, Orthodox, n’Abaporo bayinjire barhabala enyunda zombi z’abali balwa.
Amadini me Chikristu makwanene kuchiheba omu vita si?
Ebi Yesu ayigirizaga: “Okwanene kuzigira omuturanyi wawe nk’oku wenyine ochizigira.” (Matayo 22:39) “Mugenderere kuzigira abashombanyi benyu.”—Matayo 5:44-47.
Jaga wawaza: Edini lyakachihala oku lili lyakenga erhegeko lya Yesu lilolere obuzigire nobo lili lyaheba abantu babo omurhima baje kuyirha abandi omu vita? Y’obona echishubizo, osome emyazi “Wakristo wa Kweli na Vita” (Okuntu Abakristu b’Okuli Banabona Evita) na “Je, Inawezekana Kuwapenda Adui Zako?” (Byakashobokana Okuzigira Abashombanyi Bawe Si?)
Ebi Yesu aderhaga: “Obwami bwani burhali chigabi ch’echila gulu. Nk’obwami bwani bwaliri chigabi ch’echila gulu, abakozi bani bakalwire yintahirwa omu fune z’Abayudi.” (Yohana 18:36) “Balala boshi banakolesa engorho nji bayirhwa n’engorho.”—Matayo 26:47-52.
Jaga wawaza: Akaba Abakristu barhalikwanene kulwa chiro mpu yibalanga Yesu, ka hali eyindi mpanvu yakaja yarhuma balwa evita si? Osome omwazi “Je, Ukristo Unaunga Mkono Vita?” (Abakristu Bakwanene Kuchiheba omu Vita Si?) y’obona gurhe Abakristu b’omu myaka egana ya burhanzi balikulikire oku bwimana omufano n’enyigirizo za Yesu.
Bichi nji byahikira amadini mali chiheba omu vita?
Ebiblia eyigirize oku Mungu alahire amadini manachihala mpu bali bakozi ba Yesu nobo barhali bakenga enyigirizo zage.—Matayo 7:21-23; Tito 1:16.
Echitabu cha Ufunuo chiyerekene oku Mungu abwene k’olufu lwa “boshi bayirhirwe oku gulu” luli oku rhwe ly’amadini. (Ufunuo 18:21, 24) Y’omenya binene, osome omwazi “Babiloni Mukuwa Ni Nani” (Babiloni Mukulu Yende?)
Yesu aliderhere oku amadini moshi Mungu anashomba nji malimbulwa eju y’ebijiro byabo bibi, nka kulala omurhi gubolere gunaburha amalehe mabolere, “gunakubwa n’okukabulwa omu muliro.” (Matayo 7:15-20) Osome omwazi “Misho wa Dini ya Uwongo Unakaribia!” (Obuzinda bw’Amadini m’Obubeshi Buli Hofi) y’omenya gurhe nji byaba.
Emunda efoto zarhengaga, ekulembe kuja ekulyo: Photo by Sefa Karacan/Anadolu Agency/Getty Images; Maxym Marusenko/NurPhoto via Getty Images
a UCCRO, changwa Conseil ukrainien des Églises et des organisations religieuses (Lubaga lw’amadini n’amakanisa m’omu Ukraine), chili chigusho cha makanisa 15 maheberwemo aba Orthodox, Abagiriki n’Akatolika ke Roma, Abaporo, n’amakanisa machiyirika mpu Baevanjeliste, Abayudi n’Abesalamu.