Evita ly’omu Ukraine, haguma n’okuhindamuka kw’ehali y’ehewa bigenderere kurhuma ebilyo byabula oku gulu lyoshi. Ahanene omu bihugo bikenere emunda bikomerere bantu banene kupata eby’okulya bitosheze.

•   “Evita, okuhindamuka kw’ehali y’ehewa, okupanda kw’ebeyi ly’ebintu nk’egaze, akaribira n’ebindi bintu, kwarhumire ebilyo byaba bigeke n’okubipata kukomere.”—António Guterres, secretere w’Obuguma bw’Amashanja (UN), Siku 17, Mwezi gwa 7, 2023.

•   “Abantu baguma basomere baderhere oku bulala e Russie yarhengere omu mapatano m’okuguza ebilyo (engano) ebyola byarhuma okupata eby’okulya kwakomera, n’ebeyi ly’ebilyo lyapanda bwenene omu bihugo bikenere ahanene omu bihugo bili omu Afrike y’enoro n’eby’omumazikiro me Afrike.”—Atalayar.com, Siku 23 Mwezi gwa 7, 2023.

 Rhuganire oku bye Biblia ederhere oku bilolere okubula kw’ebilyo n’oku bilolere amango mayinjire.

•   Yesu alilebere ntya: “Bulala eshanja nji lyazuka lyanalwisa eshanja n’obwami bwanalwisa obwami, kandi nji haba echibula ch’ebilyo.”—Matayo 24:7.

•   Echitabu cha Ufunuo chiderhere oku bilolere balume bane b’omufano bali bagenda oku farasi. Muguma mubo ashushanyize Evita. Owindi omukulikire ashushanyize enzara, k’okuderha, amango byakakomerere abantu okupata akalyo, n’amango abantu bakaguzize ebilyo oku beyi livire lyakabya. “Nabona efarasi y’omukara, n’owaliyiyikereko aligwerhe omunzani omu fune. Nayunva echintu chili nka mulenge . . . Gwaderha, ‘Mulengo muguma gw’engano gugule dinari nguma (omushahara g’olusiku loshi)! Milengo esharhu y’obulezi nayo egule dinari nguma.’”— Ufunuo 6:5, 6, Tafsiri ya Ulimwengu Mupya.

 Obulebi bwe Biblia oku bilolere echibula ch’ebilyo buli bwayenera zene mu kanola kasanzi Ebiblia eyirikire “siku z’obuzinda.” (2 Timoteo 3:1) Y’omenya binene oku bilolere “esiku z’obuzinda” na balume 4 bali bagenda oku efarasi baganirirwe omu Ufunuo, olole evideo Ulimwengu Umebadilika Tangu Mwaka wa 1914 (Egulu Lyahindamukire Kurhenga Mwaka gwa 1914), osome n’omwazi “Wale Wapanda-Farasi Ine​—Ni Nani?.” (Balume Bane Bali Bagenda oku Farasi—Bali Bande?)

•   Ebiblia egwerhe amahano menja makakurhabala ohime ebibazo, biheberwe mu n’echibazo ch’okupanda bwenene kw’ebeyi ly’ebilyo changwa chiro n’echibula ch’ebilyo. Wabona mifano miguma omu mwazi “Namna ya Kuishi na Pesa Kidogo” (Okuntu Wakalama na Lufuranga Lugeke).

•   Kandi Ebiblia erhuhere obunihire oku ebintu byaba binja. Elaganyize akasanzi amango “embeke . . . inji zafulagira (zaba zinene bwenene) oku masongi m’emisozi” na buli muntu nj’apata ebilyo binene by’okulya. (Zaburi 72:16) Y’omenya binene oku bilolere obunihire bwe Biblia bw’amango mayinjire na bulagurhe okwanene kubunihira, osome omwazi“Tumaini Bora la Wakati Ujao” (Obulangalire Bwinja Bwenene bw’Amango Mayinjire).