Omu gulu lyoshi, mashanja manene maherhe akavulindi kalerherwe n’epolitike. Omu 2022 echigusho ch’okulonza emyazi chiyirikwa Pew Research Center chahulirize mu bihugo 19 chabugana oku, “bantu bakulu 65% bayerekene k’omu chihugo chabo hali akavulindi, changwa kavulindi kanene omu bihugo byabo ahakagarhi k’abantu b’echila chama n’echila.”

 Nawe wabwene gurhe epolitike yi yagenderera kucha abantu oku bandi ah’olamire si? Bichi birhumire aliko? Hali obufumu si? Lola gurhe Ebiblia ebiderhereko.

 Ebiblia yalilebere k’omu siku zerhu, ziyirikirwe “siku zizinda,” abantu bakagwarhire oborhere burhakabazigira bayunvikana.

•   “Omu siku zizinda nji haba ebihe bidarhi bikomere okubilembera. Bulala abantu nji baba bekazize, . . . barhalonzeze obunvikane chiro.”—2 Timoteo 3:1-3.

 Chiro akaba bantu banene bali barhabala oburhegesi kulwisa echola chibazo, chagambene burundu. Abantu baherhe amawazo mali tofauti n’amababo banabona ku bikomere, kwanza birhakashobokana abantu bakole omu buguma omu kumala ebibazo. N’ebyola byoshi biyemezeze ebye Biblia yabaga yaderhere kurhenga mira.

•   “Omuntu ayinjire arhegeka owindi omu kumubabaza.”—Muhubiri 8:9.

 Chiro akaba ntyo, Ebiblia eyerekene obufumu bwamala echola chibazo—oburhegesi burhegekerwe n’omuntu oherhe obuhashe b’okumala ebibazo abantu baherhe mu zinola siku.

 Ebiblia eyerekene omurhegesi muguma okwanene kanuni: Yesu Kristu. Yesu aherhe obuhashe, oburhwali, n’obulonza b’okulerhera abantu boshi omurhula.

•   “Omu siku zage, abanya-kunali nji bashishagira, n’omurhula nji gwaba gunene.”—Zaburi 72:7.

•   “Amashanja moshi nji mamukolera.”—Zaburi 72:11.

 Yesu ali murhegesi okwanene bulala arhulagireko, analonzeze arhabale abantu, ahanene balala bakolerwe n’oluhinzo.

•   “Bulala nj’ayokola omukene oli walaka bamurhabale, omurhindi, n’orhaherhe owakamurhabala. Nji ayunvira omurhindi n’omukene obonjo, nji achungula akalamo k’omukene. Yehova nji abachungula oku bali babarhindibuza n’okubalibuza, n’eshagama yabo nji yagwarha akachiro oku masu mage.”—Zaburi 72:12-14.

 Yiga binene oku bilolere Obwami bwa Mungu, oburhegesi b’omu mbingu Yesu ali arhambula. Lola nyungu zichi bwakulerhera gurhe wakashigikira obola bwami.

•   Lola evideo Obwami bwa Mungu Bili Bichi?

•   Osome omwazi “Ufalme wa MunguSerikali Yenye Haina Rushwa.” (Obwami bwa Mungu—Burhegesi Burhali mu Bituliyo)