Mwezi gwa 7, 2022, ebijiro by’obubandi bibabeze bwenene by’okukolesa ebunduki byajirirwe omu gulu lyoshi:

•   “Politisiye muguma w’omu Japon omenyikene bwenene [Shinzo Abe waliri ministre murhanzi] ayirhirwe, n’echola chababaza abantu bwenene omu chihugo chabo n’ omugulu lyoshi, ahanene bulala obubandi buli nk’obo burhazigana kuba omu Japon, na bulala bajira amarhegeko maserere oku bilolere okukolesa ebunduki.”—Siku 10, Mwezi gwa 7 2022, The Japan Times.

•   “Abantu bababezwe bwenene omu Danemark okubona omubandi akalasha balume basharhu baliri bagula ebintu omu vile ye Copenhague.”—Siku 4, Mwezi gwa 7, 2022, Reuters.

•   “Omu Afirique du Sud: mubandi muguma achizindire lasha bantu 15 baliri oku hoteri omu vile ye Soweto.”—Siku 10, Mwezi gwa 7, 2022, The Guardian.

•   “Omu Etats-Unis bantu barhalukire 220 balashirwe n’okufa kurhangira amafungo marhondera omu Siku 4 mwezi gwa 7.”—Siku 5, Mwezi gwa 7, 2022, CBS News.

 Rhwakanihira si oku hali amango obubandi buli nk’obola nji bwanahwa? Bichi Ebiblia ebiderhereko?

 Ebiblia eyirikire chinola chihe rhulamiremo “siku zizinda,” echihe abantu bakwanene kuba bakalihire, baherhe oburhe, bali bakola ebintu nka binyalubala. (2 Timoteo 3:1, 3) Ebijiro by’obubandi bili nk’ebyola bili byarhuma abantu balama omu buba. (Luka 21:11) Aliko Ebiblia, elaganyize kw’echihe ch’obubandi rhulamiremo nji chahwa, amango “abantu nji balama ahantu h’omurhula gugenderere, omu fasi ziherhe obulanzi, z’okuhumukiramo omu bubegere.” (Isaya 32:18) Nka gurhe obubandi nji bwahwa?

 Mungu nji amala abantu babi n’okuharabisa amabunduki moshi.

•   “Oku bilolere abantu babi, nji bashigulwa oku gulu.”—Mezali 2:22.

•   “Amala amavita moshi oku gulu. Amacha omu muherho n’okuchagulanga echumu; Amadwika emitugari y’evita.”—Zaburi 46:9.

 Mungu nj’ashigula omuzi gw’amabi omu kuyigiriza abantu kulama omu murhula.

•   “Nta bubi na nta buligo bw’echikolwe chiro n’ehityu oku musozi gwani guchesibwa, bulala kweri egulu lyoshi nji lyaba liyunjwire okumenya Yehova nka kula amenji maba mayunjwire enyanja.”—Isaya 11:9.

•   Chiro na mumano mango, Mungu ali ayigiriza abantu kuchiyasa obubandi n’amabunduki, “bali bachula engorho zabo zibe fuka n’amachumu mabo mabe mihoro y’okutaya.”—Mika 4:3.

 Y’omenya binene oku bilolere echilagane Ebiblia ehaanire oku nji haba egulu lirhali mu buba, osome omwazi “Je, Inawezekana Kuishi Bila Woga”? (Byakashobokana Okulama Buzira Buba Si?)

 Y’omenya echinji chamala obubandi burundu, osome omwazi “Hatimaye Amani Duniani!” (Lero Omurhula Gwamaba oku Gulu)