Ka Byakashoboka Obukungu bwe Gulu Bugabanwe Kangana-ngana?
Chihugo oku chindi, abantu banahamuka banaja omu mabarabara, bayerekane oku bagayire, banalahire emikoleseze y’obukungu babwene nk’erhakwanene. Ebyo bibazo byajire bikaliha kandi mw’eyi Korona, bulala abantu bagayire okubona akalamo kashuba kubakomerera eju y’ekonfinema, ekrize awo echibula ch’ebintu, birhayorohere abalwere babukwe, eyi abakene yibakoboka bwenene oku abachire bowe barhalagire.
Hali amango ebibazo by’obukene bili byatesa abantu nji byahwa si? Nechi. Ebiblia efasiriye ebi Mungu nji akola omu kumala ebibazo rhuli rhwahurana.
Ebibazo by’obukungu Mungu nji amala
Echibazo: Abantu bafundirwe kupanga okuntu obukungu bwakakoleswa yi buli muntu apata ebyakenere.
Obufumu: Mungu akula oburhegesi bw’abantu anahira h’obwage, buyirikirwe Bwami bwa Mungu. Nji bwaba bushingirire embingu aliko bwanarhegeka egulu lyoshi.—Danieli 2:44; Matayo 6:10.
Okuntu nji byaja byaba: Bulala oburhegesi bwa Mungu bonyine nji bwaba burhegekere egulu lyoshi, nji bwapanga ebintu byoshi omu bulyo bushinganene. Abantu barhakachilibuka n’obukene changwa mpu bayubahe gurhe balama. (Zaburi 9:7-9, 18) S’ahubwe nji basimira akasi kabo, n’okulama akalamo kenja haguma n’emilala yabo. Ebiblia elaganyize: “Nji bayumbaka enju banazilamemo, nji basima emizabibu banalye amalehe mayo. Nji barhayumbaka mp’owindi ye yilamagemo, nji barhahinga mpu abandi babilye.”—Isaya 65:21, 22.
Echibazo: Abantu barhakagala kubuza ebinarhengerera (evenements), byanalerha amalibuko n’okurhuma babula ebi balonzeze.
Obufumu: Kugerera Obwami bwage, Mungu amala byoshi binabuza abantu omurhula.
Okuntu nji byaja byaba: Mungu nji ashishikala abantu, omu kuntu eyi ntacho chakachiba, chikarhuma abantu babula ebibakenere omu kalamo haguma n’emilala yabo. Omufano, amavita, echibula ch’ebilyo, n’amalwala m’okuyahukira nji byaba birhachiliho. (Zaburi 46:9; 72:16; Isaya 33:24) Mungu aderhere: “Abantu bani nji balama ahantu h’omurhula gugenderere, omu fasi ziherhe obulanzi, z’okuhumukiramo omu bubegere.”—Isaya 32:18.
Echibazo: Abantu b’obuhugu n’obwikazize babazigana kurhindibuza abandi.
Obufumu: Abantu nji balama omu Bwami bwa Mungu nji bayiga kuyereka abandi obuzigire b’okuli ahali h’okulwira oku nyungu zabo.—Matayo 22:37-39.
Okuntu nji byaja byaba: Omu bwami bwa Mungu buli muntu nji ayerekana obuzigire b’okuli, bulala “burhalonza enyungu z’obwikazize.” (1 Wakorinto 13:4, 5) Ebiblia ederhere: “Nta bubi changwa obuligo boshi-boshi nji bwakolwa oku musozi gwani gushesibwa, bulala kweri egulu lyoshi nji lyaba liyunjwire okumenya Yehova a nka kula amenji mashukulira enyanja.”—Isaya 11:9.
Ebiblia eyerekene oku rhuli omu siku zizinda z’ebili mw’eli gulu n’oku hano hofi Mungu ayeneza echilagane chage ch’okumala ebibazo by’obukene. b (Zaburi 12:5) Omu kulindira amango byaba, amakanuni me Biblia makakurhabala ogale kulembera ebibazo by’efuranga oherhe zene. Omufano, olole emyazi “Jinsi ya Kuishi Ukiwa na Pesa Kidogo” (Okuntu Wakalama na Lugeke Onaherhe) na “Namna ya Kuwa na Mawazo ya Muzuri Juu ya Feza.” (Wakagwarha Olugero oku Bilolere Okuntu Onabona Efranga)
a Yehova lili zino lya Mungu liyerekenwe omu Biblia.—Zaburi 83:18.
b Y’obona bulagurhe wakachizera Ebiblia, olole omwazi “Biblia Ni Kitabu Chenye Kinatusaidia Kupata Kweli.” (Ebiblia Eli Shoko Rhwakalonzeza m’Obukweri)
