MUYORHE EYI MUMENYERE EBILI BYABA!
Obuhindule Buli Bwaharabisya Ebintu Bwenene—Bichi Ebiblia Ebiderhereko?
Omu gulu lyoshi, bantu banene yibahurana n’amahindule mali maharabisya ebintu bwenene. Yunva eby’amala maraporo mayerekene:
“Omu siku zigeke zigerere, evile nkulu ye Chine echizindire kurhoga mw’envula nene bwenene hamagera myaka 140 erharhoga ntyo. Kurhangira Lweboso kugera Lwakasharhu envula yalilugire bwenene. . . (kugera ku 744.8 mm).”—AP News, Siku 2 Mwezi gwa 8, 2023.
“Lwakane eshorha bayirika Khanun yalerha envula nene n’echihusi chinene omu sud ye Japon obwakabiri. N’eju y’eyola nvula bantu ba 2 bafa. . . . Echihusi chalihekere envula erhalwise metre 0.6 omu misozi y’omu chihugo che Taiwan.”—Deutsche Welle, Siku 3 mwezi gwa 8, 2023.
“Obuhindule bwageraga [omu Nouvelle-Ecosse] oku buzinda bw’eboso, bwalerhwaga n’envula nene yarhengaga omu eneo y’Atlantic omu Canada mu myaka 50.”—BBC News, Siku 24 mwezi gwa 7, 2023.
Bichi Ebiblia yalilebere oku bilolere ebihe bili nk’ebyola?
Echimenyeso “ch’Esiku z’Obuzinda”
Ebiblia eyerekene oku rhulamire omu chihe chiyirikirwe “siku z’obuzinda.” (2 Timoteo 3:1) Yesu alilebere oku mu manola mango merhu rhwabona “ebintu biyubahisize,” changwa ebihe biyubahisize. (Luka 21:11) Okuhindamuka kw’ehali y’ehewa kwarhumire ebihe byahindamuka omu kuntu kuyubahisize nk’oku abantu barhakawazize chiro.
Empavu Erhuhere Obulangalire
Ebiblia erhubwirire okw’ebyola bintu byoshi biyubahisize bili byagera oku gulu zene bikwakene kurhuha obulangalire. Bulagurhe? Yesu aderhere ntya: “Amango nji mwabona ebyola bintu byarhengerera, mumenye k’Obwami bwa Mungu buli hofi.”—Luka 21:31; Matayo 24:3.
Ebi rhuli rhwabona byarhengerera, biyerekene ku hano hofi Obwami bwa Mungu bwakwiza ebintu byoshi by’oku Gulu, biheberwe mu n’omugenderano gw’amenji (Cycle de l’eau).—Yobu 36:27, 28; Zaburi 107:29.
Yomenya okuntu Obwami bwa Mungu nji bwamala ebibazo byoshi oku gulu, olole omwazi“Ni Nani Atakayeiokoa Dunia?”(Inde Nji Wayokola Egulu?)