MUYORHE EYI MUMENYERE EBILI BYABA!
Okulasha Abantu oku Masomo—Bichi Ebiblia Ebiderhereko?
Omu Siku 24, Mwezi gwa 5, 2022, echinjira chirhakabalwa charhengerera omu vile ngeke eyirikwa Uvalde, Texas, U.S.A. Egazeti The New York Times, eyerekene oku “murhabana muguma ava lasha banafunzi 19 na balimu 2, . . . oku Masomo Madorho [mayirikwa] Robb.”
Ech’okugayisa, ebinjira bili nk’ebyola byayalire bwenene. Egazeti USA Today eyerekene ok’omu Etats-Unis monyine, “bantu 249 balashirwe oku masomo omu mwaka gugerere—nta gwindi mwaka abantu balashirwemo ntyo oku masomo kurhenga omu 1970.”
Bichi birhumire ebyago bili nk’ebila yi byaba? Gurhe rhwakajira amango ebijiro bibi bili nk’ebyola byamaba? Rhwakanihira ku hali amango obubandi nji bwahwa si? Ebiblia ehaanire ebishubizo.
Bulagurhe egulu lyavire lyayunjula m’obubandi ntya?
Ebiblia eyerekene kw’echihe rhulamiremo zili “siku zizinda” amango abantu banene bakabere eyi “barhagwerhe kasisi, bakalihire,” n’eju y’echola bakayinjire bajira obubandi n’obunizi nka binyalubala. Abantu babi baherhe engeso zili nk’ezola balikwanene “kugenderera kuba babi kulushiriza.” (2 Timoteo 3:1-5, 13) Y’omenya binene kubyo, osome omwazi “Je, Biblia Ilitabiri Mitazamo na Matendo ya Watu Leo?” (Ebiblia Yalilebere Okuntu Abantu Banawaza n’Okukola Zene Si?)
Bantu banene banachibaza, ‘bulagurhe Mungu arhakabuza ebyago bikomere nk’okulasha abantu oku masomo birhabagaho?’ Y’obona echishubizo che Biblia, osome omwazi “Mambo Mabaya Yanafikia Watu Wazuri—Sababu Gani?” (Bulagurhe Ebintu Bibi Binahikira Abantu Benja?)
Gurhe Rhwakalwisa Amango Ebintu Bibi Bili nk’Ebyola Byamahika?
“Bulala ebintu byoshi byayandikwaga mira byayandikwaga yi birhuyigiriza, yi kugerera . . . echirhulirizo chirhengere omu Mandiko, rhugwarhe obulangalire.”—Waroma 15:4.
Amakanuni me Biblia makakurhabala kuliswa ebibazo by’elila gulu lili m’obubandi. Y’omenya binene kubyo, olole Amuka! ederhere “Je, Jeuri Itawahi Kwisha?” (Hali Amango Obubandi Nji Bwahwa Si?).
Y’obona empanulo abazere bakakolesa omu kurhabala abana babo bamenye gurhe bakachiheka, amango bali babona n’okuyunva emyazi eyubahisize, osome omwazi “Je, Taarifa za Habari Zenye Kuogopesha Zinawaathiri Watoto Wako?” (Emyazi Eyubahisize, Enakoroga Abana Bawe Si?)
Hali Amango Obubandi Nji Bwanahwa Si?
“Yehova nji abachungula oku bali babarhindibuza n’okubalibuza.”—Zaburi 72:14.
“Nji bachula engorho zabo zibe fuka n’amachumu mabo mabe mihoro. Eshanja nji lirhachifarhira elindi engorho barhakanachiyiga kulwa evita.”—Mika 4:3.
Mungu nji akola eby’abantu barhakagala kukola. Oburhegesi b’Obwami bwage b’omu mbingu nji bwamala entwaro zoshi, n’obubandi boshi-boshi. Y’omenya binene oku billolere eby’Obwami bwa Mungu nji bwakola, osome omwazi “Chini ya Ufalme wa Mungu ‘Amani Itakuwa Nyingi’” (Omu Bwami bwa Mungu, Nji Gwaba Murhula Gonene.)