Omu siku 24 Mwezi gwa 1, 2023, abasomi be siyanse baderha k’omukuki a gw’esa y’obuzinda bw’egulu gukala guli hofi bwenene n’emidi y’obudufu, echola chiyerekene k’obuzinda bw’egulu buli hofi.

•   “Omukuki gw’esa y’obuzinda bw’egulu’ gushushanyize obuhanya abantu bali balerha omu kuchilimbula bonyine. Lwakabiri, abasomi be siyanse bashegeza embere omukuki gw’eyola sa nk’oku barhasaga kugushegeza haba n’eliguma, eju y’ebili byarhengerera, nk’evita ly’omu Ukraine, okuyubaha oku haba evita ly’amabombe nikleyere, n’obuhanya buli bwalerhwa nʼokuharabiswa kw’ehali y’ehewa y’egulu.”—AFP International Text Wire.

•   “Abasomi be siyanse bayerekana oku Lwakabiri ‘omukuki gw’esa y’obuzinda bw’egulu gwashegezwe embere omu kuntu hayorhere segonde 90 yanaba midi y’obudufu, k’okuderha oku, abantu bali hofi bwenene kuchilimbula loshi bonyine.”—ABC News.

•   “Echigusho ch’abasomi be siyanse omu gulu lyoshi chahanire omukonge oku bishushire bwenene oku abantu bachilimbula bonyine kulusha nk’oku birhasaga kuba.”—The Guardian.

 K’akalamo k’abantu n’eplanete yabo (egulu) bili hofi kulimbulwa si? Ka rhukwanene kuyubaha ebyarhengerera amango mayinjire? Bichi Ebiblia ebirhereko?

 Nk’oku Ebiblia ederhere, “egulu nji lyaberaho esiku n’amango” kandi nji haba abantu ‘balilamako esiku n’amango.’ (Muhubiri 1:4; Zaburi 37:29) Bobola abantu barhakalimbula egulu changwa mpu balihindamule habe hantu harhakalamwa.

 Aliko, Ebiblia eshambere oku bilolere obuzinda. Omufano, ederhere oku “egulu lyagera.”—1 Yohana 2:17.

•   Y’omenya bichi Ebiblia elonzeze kuderha amango eli yaderha oku bilolere obuzinda bw’egulu, osome omwazi “Mwisho wa Dunia Uko Karibu? Apokalipsi Njo Nini?” (Obuzinda bw’Egulu Buli Hofi Si? Apokalipsi Bye Bichi?)

•   Y’omenya bichi Ebiblia ederhere oku bilolere ebili byarhengerera omu gulu, osome omwazi “Mwisho wa Ulimwengu Utakuja Lini?” (Mangochi Obuzinda bw’Egulu Bwayinja?)

 Ebiblia yakarhurhabala rhugenderere kugwarha amawazo menja chiro akaba rhuli rhwahurana ebibazo mu linola gulu. Nka gurhe?

•   Ebiblia ehaanire amahano makarhurhabala omu kalamo. (2 Timoteo 3:16, 17) Omufano, osome omwazi “Jinsi ya Kudhibiti Wasiwasi (Okuntu Wakahima Omulago)” wabona okuntu Ebiblia yakakurhabala ogenderere kugwarha amawazo menja omu mango m’ebibazo.

•   Ebiblia ehaanire obulangalire bwinja oku bilolere amango mayinjire. (Waroma 15:4) Erhufasiriye ebi rhwakalangalira zene n’amango mayinjire, n’echola charhurhabala rhugenderere kugwarha amawazo menja chiro akaba ebili byarhengerera omu gulu.

 Y’oyunguka n’efunzo lye Biblia, rhukuhemere n’obushagaluke okolese ebikoleso byerhu bisharhu rhukolesa omu kuyiga Ebiblia.