Liguma mu buli mwaka, Abahamirizi ba Yehova haguma n’emiliyoni y’abantu banahamagala omu gulu lyoshi, banajira olwibuko l’olufu lwa Yesu, nk’oku anahanaga erhegeko. (Luka 22:19) Okujira ntyo kunarhurhabala rhugwarhe eshukrani bwenene oku chintu Yesu arhujirire omu kuyemera ahaana akalamo kage ebe nchungu oku bantu boshi. Kandi okujira olola Lwibuko kunarhuyereka bichi eyola nterekero erhumalire, ahanene mu chinola chihe n’omu mango mayinjire.—Yohana 3:16.

 Obe eyi waja oku Lwibuko lwa gunola mwaka changwa nanga, bichi wakajira y’oyunguka n’olufu lwa Yesu bunyanterekero? Yesu yenyine aliyigirize oku rhukwanene kujira bintu bibiri by’akamaro:

1.  1. Oyige oku bilolere Mungu na Yesu. Mango maguma eyi Yesu ali asalira Eshe w’omu mbingu, aderha ntya: “Kanola k’akalamo k’esiku n’amango: bagerere ahabakumenya, woyo Mungu muguma w’okuli, n’eyi warhumaga, Yesu-Kristu”.—Yohana 17:3.

2.  2. Okolese eby’oli wayiga. Yesu alikazize ahanene oku rhukwanene kukolesa enyigirizo zage oku kalamo kerhu. Omufano alimalisize amahubiri mage m’oku musozi mamenyikene bwenene, omu kusingiza buli yeshi ‘onayunva eby’aderhere n’okubijira.’ (Luka 6:46-48) Kandi, mango maguma aderha ntya: “Akaba muyinji ebila bintu, buli busime emwenyu akaba munabikola.”—Yohana 13:17.

 Wakasiima oyige binene oku bilolere Mungu na Yesu si? Wakasiima opate empanulo zinja zakakurhabala ogale kukolesa eby’oli wayiga si? Tala biguma omu biwakajira byanakurhabala.

 Eprograme y’okuyiga Ebiblia omu kuganira rhunajira haguma n’abantu buzira kubalipisa, yarhabere bantu banene bagale kusuzuma bwinja ebili omu Biblia, banabikolese omu kalamo kabo.

•   Olole oku site yerhu ye Enternete epaje Okuyiga Ebiblia y’Omuntu Ali Ayerekezwa, y’omenya binene oku bilolere ogola mupango.

•   Olole evideo Rhukuyegereze oku Funzo Lyawe lye Biblia. Y’omenya gurhe biba amango omuntu ali ayiga Ebiblia haguma n’Abahamirizi ba Yehova.

 Abahamirizi ba Yehova banajira embuganano kabiri omu boso oku fasi banaja kuharamizya zinayirikwa Chumbi ly’Obwami. Kw’ezola mbuganano rhunayiga Ebiblia n’okulola gurhe rhwakakolesa omu kalamo kerhu eby’ederhere.

 Abantu boshi banayemererwa kuja kw’ezola mbuganano. Birhakuhemere mpu mpaka obe Muhamirizi wa Yehova y’ozijako. Omu kukulikiza nk’oku ehali yawe eli, byakashoboka ozijeko masu oku masu, changwa wakazijako kugerera evideokonferanse. (Buhanga b’okujira embuganano haguma n’abantu bali hale, kugerera enternete)

•   Olole evideo Bichi Binakolwa Aha Rhuna Kusanyikira? y’obona omu kucha bufi, ebi wakabona amango wamaja oku mbuganano zerhu.

•   Olole epaje y’oku site yerhu ye Enternete ederhere Embuganano z’Abahamirizi ba Yehova, y’omenya ngahe embuganano zinajirirwa hofi n’ah’olamire.

 Hali evideo n’emyazi minene byakakurhabala omenye binene oku bilolere enyigirizo za Yesu na bichi olufu lwage bunyanterekero lurhumaliire.

 Omufano, y’omenya nka gurhe olufu lwa muntu muguma lwakachungula amamiliyoni m’abantu, osome omwazi “Yesu Anatuokoa Namna Gani?” (Gurhe Olufu lwa Yesu Lwakarhuchungula?) na “Sababu Gani Yesu Aliteseka na Kufa?” (Aliko Si, Bulagurhe Byalihemere Yesu Alibuke Anafe?) changwa olole evideo Bichi Byarhumaga Yesu Afa?