AKAMPANYE K’OLWIBUKO
Yesu Nji Amala Obukene
Amango Yesu aliri oku gulu, aliyerekene obuzigire bwenene oku bantu, ahanene abakene n’abali omu milago. (Matayo 9:36) Ahana chiro n’akalamo kage oku nyungu y’abandi. (Matayo 20:28; Yohana 15:13) Hano hofi, kandi ayerekana obuzigire bwage oku bantu omu kukolesa oburhwali bwage yewe nka Mwami w’Obwami bwa Mungu, n’okumala obukene oku gulu.
Ebiblia ekoleseze oluderho lukwirire omu kufasiriya ebi Yesu nji ajira:
• “Leka aderhere abantu b’ehali y’eshishi, leka achungule bagala b’omukene.”—Zaburi 72:4.
Gurhe rhwakayerekana ku rhuherhe eshukrani oku bi Yesu arhujirire n’ebinji arhujirira kandi hano hofi? Omu binwa bili omu Luka 22:19, Yesu alibwirire abanafunzi bage bagende bayibuka olufu lwage. Che chirhuma buli mwaka, Abahamirizi ba Yehova banajira embuganano y’okuyibuka olufu lwa Yesu. Rhukuhamagere nj’oyinje kw’eyola mbuganano y’okuyibuka olufu lwa Yesu Lwamungu Siku 24, Mwezi gwa 3, 2024.