Ebiro bikulu by’Abahamirizi ba Yehova bili byahenga bwinja bwenene obula bulwala bwarhengerere bw’ekorona (buyirikirwe COVID-19). Kugerera obulebi bw’Ebiblia, rhumenyere bwinja oku ebyago bili nk’ebila byalikwanene kuhika omu siku z’obuzinda. (Luka 21:11) Amango hamaba obulwala b’okuyahukira, byanarhuhema rhurhole emipango y’okuchilanga rhwewe rhwenyine, n’okulanga abandi nk’oku bihemere.—Mezali 22:3.

Banene bakaba bali bachibaza gurhe bene-berhu na bali-berhu yibajira omu fasi obulwala bwavire bwayalira. Obula bulwala b’okuyahukira bwe COVID-19 bwashaganyize bwenene ebiro by’omurhabi n’ebibaga by’omu Italy, Japon, Corée du Sud, n’ebindi bihugo. Hali ahabyahanzize byagera, byanahema ebiro by’omurhabi bilahire oku boshi balamire embuga w’ebeteli barhachiyinjaga, babe ba kukola changwa bakulambagira. Byahanzize byagera n’ah’abakulu b’eleta balahiza ebigusho bizibu-zibu by’abantu, n’echola chanahema ebiro by’omurhabi bishande eprograme z’embuganano z’omuzunguluko. N’echindi, byahemere ebibaga bihindamule obulyo b’okuhubiri n’okujira embuganano omu fasi ziguma-ziguma. Chiro akaba oku hali ebyola bibazo byoshi, bene-berhu na bali-berhu bagenderere kuchikomeza ekiroho n’okuhirana omurhima buli muguma n’owindi.—Yuda 20,21.

Omu hali zili nk’ezola, bene-berhu babwene ok’okukolesa amala makanuni mali ahala shishi kwakarhabala. Amala mahano makakurhabala woyo n’omulala gwawe akaba nawe wakozezwe ko n’ebyalerherwe n’obula bulwala b’okuyahukira ah’olamire.

• Orhavaga wayubaha. Chiro akaba oku kuli kwinja okuyunva ebili byaderhwa oku bbilolere obulwala b’okuyahukira, ebirhwajira omu kuchilanga bikwanene bibe eyi bipatene n’ebyanabere s’arhali n’obuba konyine.—Mezali 14:15; Isaya 30:15.

• Okulikire eby’Oburhegesi bwahemere n’ebi bwaderhere. Abakulu ba buli hantu bazigana kuhira h’amarhegeko n’okulahiza bintu biguma-biguma omu kulanga amagala m’abantu. Bihemere okumenya n’okukenga eby’oburhegesi bwaderhere.—Waroma 13:1.

• Olwise bwenene oku busafi. Bili by’engenzi okukalaba efune buli kasanzi omu menjii n’esabuni changwa omu kukolesa alikole y’okuyirha emikrobi. Rhukwanene kugenderera kuchesa buli hoshi hazigana kuhumwako, habe emwa berhu changwa oku Chumbi ly’Obwami. Echindi, abakomere eby’echinganga bayerekene oku kukurhali kwinja okulamusana omu kuhanana efune omu bihe bili nk’ebyola, bulala echola chakagenderera kuyolola obulwala. Okubilolere ekorona, Echigusho ch’Amagala omu Gulu lyoshi (OMS) chayongerere abantu amahano.

• Oyerekane Obuzigire Okubandi. Chiro akaba oku rhumenyere rhweshi akachiro k’okuja oku mbuganano n’okuja omu mahubiri, aliko nka rhulwere kuli kwinja rhubere ahambuga yi rhurhayahukiza abandi. Okola kuli kuyereka bene-berhu na bali berhu obuzigire n’okubalanga, chiro n’abaturanyi berhu barhali Bahamirizi.—Matayo 22:39.

• Okulikire Emipango Yarhangire kuhebwaho omu Chibaga. Ahantu obulwala b’okuyahukira buli, kwakaba kwinja ebiro by’omurhabi birhange biche embuganano z’echibaga, n’ebindi bihe by’echiteokrasi byalirheganyizwe. Intyo kubyanalibere hoshi obulwalala bwe COVID-19 bwalivire bukaliha nk’omu Italie, Japon, ne Corée du Sud. Omukulola gurhe ehali eli, abashamuka, bakayereka abantu gurhe bakapata eprograme eli aregistre y’embuganano, n’abahubiri banayikulikira eyi banali emwababo. Abahubiri bakakola okukasi k’okuhubiri, omukuhamagala oku telephone, okuyandika emesaje, imel, n’amaruba.

Ahala shishi hali eby’okulolerako (references) bili mw’amakanuni makarhabala kuchilanga n’obulwala.

• “Ochilange n’Obulwala” Amuka! No. 6 2016, bukurasa 4-6

• “Okuntu Wakajira Amagala Mawe Makwire” Amuka! Mwezi gwa 6 2015, bukurasa 2-7

• “Wakakwiza Amagala Mawe: Siri 4 z’Okulanga Amagala Mawe” Amuka! Mwezi gwa 3 2011, bukurasa 7