SIKU 21, MWEZI GWA 1, 2022
E RUSSIE

Okulangalira Yehova Yikwakomeza Obwemere bwa Bene-berhu na Bali-berhu b’omu Vile ye Karpinsk

ZIHA

Hano hofi, Etribinale nkulu y’omu Karpinsk ye Region ye Sverdlovsk yacha olushinja lwa Mwali-werhu Darya Dulova, na Venera Dulova, Mwene-werhu Aleksandr Prianikov na mukage, Mwali-werhu Anastasiya Prianikova, na Mwali-werhu Svetlana Zalyaeva. Prokirere arhaza derha gurhe byaba

Okuntu Ebintu Byaliri Byakulikirana omu Siku

Omu Siku 27 Mwezi gwa 1, 2020

Aleksandr, Darya, na Venera balishobekerwe omu lwindi lushinja
Omu Mwezi gwa 2, 2020

Bashuba kusidaka Aleksandr, Darya, na Venera
Omu Siku 30 Mwezi gwa 3, 2020

Abakulu basaka enju z’abasidakirwe n’okunyegabo amaapareye mabo m’elektronike
Omu Siku 19 Mwezi gwa 5, 2020

Anastasiya na Svetlana nabo bayongerwa m’olola lushinja. Mu boshi ntaye walikwanene kurhenga ah’alamire
Omu Siku 29 Mwezi gwa 4, 2021

Amasambo marhondera

Emyazi Migeke Ebalolere

Venera Dulova

Aburhwaga omu: 1968 (Rejiyo ye Sverdlovsk Karpinsk)

Engani: Alembwaga na nyina na nakulu. Anasiima kuluka, okusoma, n’okuyiga. Nyina na nakulu bafaga ey’arhaza kuyeneza myaka 17. Ashabwaga omu 1990. Agwerhe bana basharhu

Aliri achibaza bulagurhe abantu banafa, na bichi bilingire abana bage omu mango mayinja. Ahwanza yiga Ebiblia n’Abahamirizi ba Yehova ey’agwerhe myaka 28. Abatizwa omu 1998

Ebi Aderhere

Mu njira zihe wachibwenere m’oburhabale bwa Yehova mw’echila chihe?

Bani haguma n’abantu b’omulala baliri bampinga, bakala bali barhulagako. Bani anansingiza n’okumpira omurhima oku ngenderere tu. . . . Yehova anashuba kurhurhabala kugerera ebinwa binja bya bene-berhu na bali-berhu b’ekiroho.

Amango basaka enju yani ob’oburhanzi, han’aho nawaza: ‘Hoshaho namarhondera amasambo, nanga mani nkaba! Bye bichi ebi si berhu we!’ Aliko mwira wani ampanula okw’ahali h’okuwaza ntyo, nyibuke oku, ‘Indi muhimanyi kuguma na Yesu.’

Aleksandr Prianikov

Aburhwaga omu: 1987 (omu Teritware ye Khabarovsk, Udinsk)

Engani: Asima emiziki bwenene. Anaziha omuziki oku chuma chiyirikwa accordeon. Aliri akola akasi k’elektrisite omu Izine. Bunola anakola amakaro m’okupamba enju

Arhulaga achizera oku Mungu abaho. Alisimisizwe bwenene n’echilagane cha Mungu chiderhere oku abantu barhakachifa. Abatizwa omu 2004. Ashaba mukage, Anastasiya, omu 2011

Ebi Aderhere

Mu njira zihe beneberhu bakurhaberemo mw’ebila bigeregezo?

Mwene-werhu muguma alintabere imbwaze ku Zaburi 139:1. Aja afasiriya mpu “Yehova akuzigiire bwenene, anabona anayibukire byoshi onawawaza, ok’onachiyunva, eby’onaderha, n’ebijiro byawe. . . . Mwami Daudi alimenyere oku Yehova analaga ku buli muguma werhu. . . . Anabona ahanene ebi rhwagereremo omu kalamo kerhu biyerekene rhuli bande kanuni. Rhurhahira rhukachiyunva nka rhuli rhwenyine.” Ebyola binwa byampuma oku murhima bwenene. Buli lusiku inanyunva ku Yehova ali eburhambi bwani.

Anastasiya Prianikova

Aburhwaga omu: 1987 (omu Region ye Sverdlovsk, Karpinsk)

Engani: Yewe na mwene-wabo mukulu balembwaga na nyina yenyine. Asima kuyimpa n’okusona

Asima echilagane che Biblia chiderhere eju y’amango mayinjire m’omurhula. Anabona okwe Biblia eli mw’amahano menja, m’obwengehe. Abatizwaga omu 2002. Ashabaga omu 2011

Ebi Aderhere

Gurhe obwira bwawe haguma na Yehova bwakomere mu chinola chihe ch’ebigeregezo?

Mu myaka esharhu y’olushinja, obwemere bwani bwakomere bwenene. Obulangalire bwani mu Yehova bwakulire. Inambona oku ayinji ebintu byoshi gurhe bili na ntacho chakamugamba. Mango maguma eyi byabonekana nka lero ntako omuntu achigala kulwisa ebibazo, anarhabala byanagalikana. Echindi nabwene, ok’obupinzani yi bwaluga ku nanyunva indonzeze kukolera Yehova kandi bwenene.

Mw’echila chihe choshi bene-berhu na bali-berhu bali balibuzwa omu Russie, bikomeze obwemere bwenene okubona gurhe Yehova agenderere kubashishikala n’okubarhabala oku buzigire. Obwemere bwabo bwageregezwe buli bwalerha “erenge, obukuze n’olukengo” oku zino lya Yehova.—1 Petro 1:7.

EMYAZI YAMENYESEZWE