SIKU 21, MWEZI GWA 1, 2022
REPUBLIQUE DEMOCRATIQUE DU CONGO
Okuyumbakwa kw’Enju Zihyahya ze Beteli y’omu République Démocratique du Congo
Akasi k’okuyumbaka enju zihyahya ze Beteli, yikakolwa e Lubumbashi omu République Démocratique du Congo; eyola munda yeyaja yaba nshingiriro y’ebiro by’omurhabi g’omu Congo. Bakozi 260 ntya b’oku Beteli yibachirheganya kuhwanza hamirayo omu Mwezi gwa 5, 2022, na bandi 131 banayorha eh’Ebeteli enarhula e Kinshasa. a Eyindi shantiye yarhonderwe kuyumbakwa hofi n’ah’Ebeteli ye Kinshasa eba. Bipangirwe oku bakozi 48 ntya b’oku Beteli babaja mw’ezola nju zihyahya zili zayumbakwa ahola Kinshasa. Bahwanza kuhamiramo enyuma yo Mwezi gwa 1, 2024. Ezola nju zihyahya zoshi zarhabala mw’akala kasi k’okuhubiri kali kayololoka omu Congo.
Akasi k’okuyumbaka enju ntanzi mu nju esharhu z’amabiro zayumbakwa e Lubumbashi, kali kagenderera
Omu mwaka gw’akasi gwa 2021, bene-berhu b’omu République Démocratique du Congo bawongweze mafunzo me Biblia marhalukire 250 000. Bantu barhalukire Omuliyoni (1 000 000) bahikire oku Lwibuko l’Olufu lwa Kristu. Bunola, hali bakozi b’oku Beteli 394 bali oku Beteli ye Kinshasa.
Bulala birhalishobokene okugalihya Ebeteli ahola Kinshasa, bene-berhu balonza efasi omu zindi vile. Babona efasi nyinja bwenene e Lubumbashi yakayumbakwa kw’ebiro bihyahya by’omurhabi, n’ezindi nju zakakenerwa amango mayinjire.
Ekulembe: Bakozi 300 ntya b’oku Beteli bahwanza hano hofi-hofi kuhamira omu nju zihyahya e Lubumbashi. Ekulyo: Epla eyerekene gurhe nji byashusha halona rhumala kuyumbaka
Echiriba cherhu che Lubumbashi chili ku bilometre 2 300, kurhenga e Kinshasa. Chiherhe hegtare 12; mwaba muli enju z’okulamamo, amabiro, n’enju nzibu-zibu y’okubika mw’ebintu, eyindi yakakolerwa m’orhwasi rhunene kuheba han’echumbi ly’okuliramo, hali n’efasi y’okuhumukirako n’okusharhirako.
Rhwahwanzaga kuyumbaka omu Mwezi gwe 11, 2020, aliko eproje yahurana bibazo binene eju ye Korona.
Mwene-werhu Robert Elongo, w’omu Komite y’Omurhabi gwe Congo (Kinshasa) ashambere: “Emipaka yalifungirwe. Birhaliri byashobokana okuyambusa ebikoleso by’okuyumbakisa, n’echola charhuma amakasi marhanzi-rhanzi malegama.”
Chiro akaba ntyo, Mwene-werhu Elongo aderhe mpu, “Mu mwaka muguma gonyine, akasi karhanzi-rhanzi kamagera mu 40%.”
Yibyabonekana kweri ku Yehova ali agisha eyola proje. Yirhwasalira omu kuntu ezila nju zihyahya zihe abaturanyi obuhamirizi bwinja, zinalerhere ezinola lya Yehova Mungu obukuze.—Matayo 24:47.
a Omurhabi g’omu République Démocratique du Congo, goguyimangiire akasi k’echiteokrasi omu Congo (Kinshasa) n’omu Congo Brazza.