Bici Ebiblia Enaderha okubiyerekere gushiba nzara Omuntu ahuna?
Ecishubizo c’Ebiblia
Amango Ebiblia yayandikwaga, gushiba nzara wahuna byali biyemererwe amango omuntu ashunikirwe n’empanvu zikwirire. Aliko amango omuntu agendaga abikora arhashunikirwe n’empanvu zikwirire, Mungu arhagendaga ayemera esala lyage. Aliko zene, Ebiblia erharhegeka cangwa mpw’ebuze abantu kushiba nzara bahuna zene.
Bici byagendaga byarhuma abantu bali omu Biblia bashiba nzara?
Amango bali balonza Mungu abagwase anabayobole. Abantu bagendaga baja eyerusalemu banashiba nzara kusudi bayereke Mungu gurhe ebi bali bahuna bibarhengere oku murhima. (Ezra 8:21-23) Hali amango Paulo na Barnaba bagendaga bashiba nzara bahuna kusudi bahebeko abazehe b’ekutaniko.—Matendo 14:23.
Amango amawazo mabo malolere oku Ndaganyo za Mungu. Amango Yesu abatizwa, amalire esiko 40 arhalya acitayarisa kukola obulonza bwa Mungu omu kasi kali kamulingirize.—Luka 4:1, 2.
Amango abantu bali bacihana ebyaha byabo bya mira. Kugerera omulebi Yoweli Yehova abwirire Abaisrali babi intya: “Mungalukire n’omurhima gwenyu goshi, mulire, muboroge munashibe nzara.”—Yoweli 2:12-15.
Amango bali oku lusiku lw’okuhemera ebyaha obonjo. Omu marhegeko Yehova ahaga Abaisraeli, halirimo erhegeko libahemere kushiba nzara oku lusiku lw’okuhemera ebyaha obonjo. * (Walawi 16:29-31) Kushiba nzara k’olu lusiku byali bikwanene kwabulala byagenda byayibusa Abaisraeli oku bali banyabyaha tena bakenere kubabalirwa na Mungu.
Mpanvu zihe zibi zirhuma abantu bashiba nzara kusudi bahune?
Kulonza abandi bababone. Yesu ayigirize ok’okushiba nzara y’omuntu ahuna birhakwanene kumenywa n’abandi, bikwanene kuba ahagarhi y’omuntu na Mungu.—Matayo 6:16-18.
Kucijira mutakatifu. Kushiba nzara kusudi omuntu ahune birharhuma ajira engeso nyinja cangwa mpw’ayunve ali enyanya y’abandi.—Luka 18:9-14.
Kuwaza okw’ebyaha onakola oku bulonza byakababalirwa. (Isaya 58:3, 4) Mungu agendaga ayemera okushiba nzara aliko guherekezwe n’obukenge n’okucihana ebyaha omuntu akolere.
Emigenzo y’amadini. (Isaya 58:5-7) Mungu ali nka Muzere orhacisimira abana bamusima kwabulala lili rhegeko aliko eli birhabarhengere oku murhima.
Bubuno si kushiba nzara y’omuntu ahuna lili rhegeko oku Bakirisu?
Nanga. Mungu agendaga ahuna Abaisraeli kushiba nzara yi bahuna oku lusiku lw’okuhemera ebyaha obonjo, aliko Yesu abikulireko amango ahana encungu yage oku bantu bacihana kurhenga oku murhima gwabo. (Waebrania 9:24-26; 1 Petro 3:18) Abakirisu barhayobolwa n’amarhegeko ma Musa tena ebyagendaga byakolwa oku lusiku lw’okuhemera ebyaha obonjo nabyo byaliri mwamola marhegeko ma Musa. (Waroma 10:4; Wakolosai 2:13, 14) Obola sasa ngasi Mukirisu akacishoga akaba akashiba nzara yahuna cangwa cangwa nanga—Waroma 14:1-4.
Abakirisu bayinji ok’okushiba nzara y’omuntu ahuna cirhali cintu c’engenzi omu kuhuna Mungu. Ebiblia erhaderha oku kusudi omuntu ashagaluke birhenga oku kushiba nzara. Abakrisu b’okuli baba bashagalukire kwabulala bayerekana engeso zili kuguma n’eza Yehova, “Mungu oshagaluka.”—1 Timoteo 1:11; Muhubiri 3:12, 13; Wagalatia 5:22.
Eby’abantu babona kubi oku biyerekere kushiba nzara
Ebibafarha kubi: Paulo ahuninire abakirisu bashabene kushiba nzara.—1 Corinthians 7:5, King James Version.
Okuli: Omu mwandiko gwa mira okushiba nzara birhabonekana omu 1 Wakorinto 7:5. * Bibonekene oku abayandikaga bayongezemo omwazi kushiba nzara arhali mogo mustari honyine, banaguyongeze omu Matayo 17:21; Marko 9:29; na Matendo 10:30. Ebiblia za zene zinakulamo ogu mwazi guderhere kushiba nzara.
Ebibafarha kubi: Abakirisu bakwanene kucishibya nzara bayibuka esiku 40 Yesu amalaga omu jangwa enyuma y’okubatizwa.
Okuli: Nta naliguma Yesu arhegekere abakirisu kubijira intyo, nta namusitari na muguma guyerekene okw’abakirisu bagendaga babikola. *
Ebibafarha kubi: Abakirisu bakwanene kushiba nzara bayibuka olufu lwa Yesu.
Okuli: Yesu arharhegekaga abanafunzi bage naliguma kushiba nzara yibayibuka olufu lwage. (Luka 22:14-18) Amango Yesu aderha oku abanafunzi bage nji bashiba nzara olusiku nj’afa, lirhaliri rhegeko aliri hana kwaliri kuderha ebi nji byagereka konyine. (Matayo 9:15) Ebiblia yahanire empanulo oku Bakirisu bali nzara kulya embere y’okuja kuyibuka olufu lwa Yesu.—1 Wakorinto 11:33, 34.
^ epar. 8 Mungu abwirire Abaisrael intya: “Mukwanene kucibabaza,” cangwa“akalamo kenyu,” oku lusiku lw’okuherako obonjo. (Walawi 16:29, 31; King James Version) Omwazi gukolesezwe ahala guyerekeza oku gushiba nzara omuntu y’ahuna. (Isaya 58:3) Ebiblia eyirikwa the Contemporary English Version ehindula eyi myazi intya: “Mukwanene kujayo eli murhalire yi muyerkena oku muhangayikisizwe n’ebyaha byenyu.”
^ epar. 19 See A Textual Commentary on the Greek New Testament, by Bruce M. Metzger, Third Edition, page 554.
^ epar. 21 Okubiyerekere okushiba nzara esiku 40, ecitabu the New Catholic Encyclopedia ciderha intya: “Omu myaka y’oburhanzi okushiba nzara bacitayarisa Pasaka birhagendaga byaja enyanya y’eboso aliko kanene esiku ngeke zagendaga ebiri cangwa olusiku luguma. Esiku 40 ziderhwa oburhanzi omu mukutano gwa garhano gwaberaga Nicaea (325), naciro banene bacibaza akaba habyarhangiriraga.”—Second Edition, Volume 8, page 468.
N'ebila Byakakusimisa
EBIRHUYEREKERE
Oheme Abahamirizi ba Yehova Bakulambagirire
Oheme Abahamirizi ba Yehova Bakulambagirire muganire eju ye Biblia haguma, changwa oheme rhukuyigirize Ebiblia oku busha.