Nanga, egulu nji lirhalimbuka, lidwikwe cangwa bahebeko elindi. Ebiblia enayigiriza oku abantu nji balama oku igulu esiku n’amango.

• “Abashinganyanya nji balagwa egulu, kandi nji balilamako esiku n’amango.”—Zaburi 37:29.

• “[Mungu] ahebere egulu oku fondasiyo ekomere; nj’erhakanyeganyega esiku n’amango.”—Zaburi 104:5.

• “Egulu lilama esiku n’amango.”—Mhubiri 1:4.

• “Owalemaga egulu, alishimikaga oku fondasiyo ekomere arhalilemeraga busha alilemaga yibalilamako.”—Isaya 45:18.

Mungu arhakayemera abantu baharabika egulu n’omusi guzingire, entambala cangwa ecindi cintu. Yewe “nj’alimbula boshi banaharabika egulu.” (Ufunuo 11:18) Gurhe nj’abikola?

Mungu nj’akulako oburhegesi bw’abantu bwafundirwe kulanga egulu, ahebeko Oburhegesi bwage butakatifu bw’embingu. (Danieli 2:44; Matayo 6:9, 10) Yesu, Omwana wa Mungu nj’aba mwami w’obo Bwami. (Isaya 9:6, 7) Amango Yesu aliri oku igulu akolere ebisomerene akolesa emisi oku bintu Mungu alemaga. (Marko 4:35-41) Yewe nka mwami w’Obwami bwa Mungu, nj’arhegeka ebintu byoshi Mungu alemaga. Nj’ashuba kukola, anajire buhya egulu lyosi lishushe n’eparadizo ya mira.—Matayo 19:28; Luka 23:43.

Nanga da. Byoshi birhenga na gurhe abantu bayumva kubi ebiyandikirwe omu 2 Petro 3:7, haderhere: “Embingu n’egulu bya zene bibikirwe omuliro.” Leka rhulole bintu bibiri byakarhugwasa kuyumva ec’ebyola biderhere:

1. Amango Ebiblia yamakolesa emyazi “embingu,” “egulu,” n’ “omuliro” yalonza kuderha bintu binene. Omufano Mwanzo 11:1 haderhere intya: “Egulu lyoshi lyagenderere kuba n’olulimi luguma.” Hanola, “egulu” liyerekeza oku cilemwa muntu.

2. Ebili omu 2 Petro 3:7 hayerekana ec’omwazi embingu, egulu n’omuliro biderherwe hano biderhere. Emisitari ya 5 na 6 enayerekeza oku siku za Nowa. Ago mango abantu babi balimbukire aliko egulu lyerhu lirhaheraga. Envula nene y’omusiku za nowa yaharabise abantu babi, cangwa “egulu.” (Mwanzo 6:11) Ago mango kandi yaharabisize “embingu”—cangwa abarhegesi bago mango. Abantu babi bowe bo balimbukaga arhali eli gulu lyerhu. Nowa n’omulala gwage bowe balokokaga elimbuka lyago mango baja balama oku igulu enyuma yeyo nvula nene cangwa egarika.—Mwanzo 8:15-18.

Elimbuka cangwa “omuliro,” guderherwe 2 Petro 3:7 nji lyakulaho abantu babi arhali egulu. Mungu arhulaganyize “embingu n’egulu bihyahya” ah’ “obushinganyanya nji bwaba.” (2 Petro 3:13) “Egulu lihyahya,” cangwa abantu benja nji baba bali barhegekwa n’ “embingu mpyahya,” cangwa oburhegesi buhyahya​—Obwami bwa Mungu. Amango obo bwami bwarhegeka, egulu nji lyahinduka Paradiso.—Ufunuo 21:1-4.