Kunywa Erhaba Cili Caha?

ZIHA

Ecishubizo c’Ebiblia

Ntaco Ebiblia enaderha okubiyerekere kunywa erhaba * cangwa oku bundi bulyo likoleswamo. Aliko kandi, egwerhe empanulo zinayerekana oku Mungo arhayemera ebintu n’ebijirwa byakajirira kubi omubiri, ebyo byanarhuma Mungo abona oku okunywa erhaba cili caha.

Kukenga akalamo. “Mungo. . . Ye wahaga abantu boshi akalamo n’okuyisa.” (Matendo 17:24, 25) Okuba akalamo eli kado erhengere emwa Mungo, ntacintu naciguma rhukwanene kukola cakaharabisa akalamo kerhu, halimo n’okunywa erhaba. Kunywa erhaba cili ciguma omu cinarhuma habaho olufu lurhakacilangwa oku igulu lyoshi.
Kusima abandi. “Okwanene kusima abandi nkok’ ocisima wenyine.” (Matayo 22:39) Kunywera erhaba omu cigusho c’abantu kurhali kuyerekana ubuzigire. Bala boshi banasima kuba bali haguma n’abanywi berhaba banayisa omusi gw’erhaba banashimanana n’ebibazo bilikuguma n’ebyanywi b’erhaba bashimanana nabyo.
Okulonza kuba mutakatifu. “Rhuhane emibiri yerhu nkacirhambo cigumaguma, citakatifu kandi ciyemewe emwa mungo.” (Waroma 12:1) “Leka rhuciceseko ezinga lyoshi ly’omubiri n’elyomurhima, rhushingananise akalamo kerhu omu kukenga Mungo.” (2 Wakorinto 7:1) Kunywa erhaba birhali bintu Mungu alonzeze kandi binarhuma omuntu aba azingire kwabulala abanalinywa banywa obulozi bw’enikotini bunajirira omubiri kubi.

Hali ec’Ebiblia enaderha, okubiyerekere kucisimisa omuntu akolesa Marijuwana cangwa ezindi doroge?

Ntaco Ebibiliya yaderhere oku biyerekere Marijuwana cangwa amazino m’edoroge. Aliko egwerhe empanulo zinaderha oku kucisimisa wakolesa ebyola bintu bili bibi. Aliko, zinola mpanulo zili ahala shishi zakarhugwsa:

Obulonza bw’okugala kuheba obwenge bwerhu oku musitari. “Okwanene kusima Yehova Mungu wawe . . . n’obwenge bwawe bwoshi.” (Matayo 22:37, 38) “Mugenderera kujira obwenge.” (1 Petro 1:13) Omuntu arhakagala gurhegeka obwenge bwage amango ali akolesa erhaba cangwa amango lyamuhekere omurhima. Ngasi mango obwenge bwage buba buyereze oku gurhe akabona erhaba ah’okuwaza oku bintu bigwerhe akamaro.—Wafilipi 4:8.
Okukenga amarhegeko ma leta. “Rhugende rhwakenga leta haguma n’abarhegesi.” (Tito 3:1) Omu bihugo binene, amarhegeko gabuzanya kukolesa edroge. Akaba rhwalonza kusimisa Mungu, rhukwanene kukenga amarhegeko ma leta.—Waroma 13:1.

Erhaba n’Akalamo Kawe

E Organizasiyo ya ONU enalola eby’akalamo yayerekene oku ngasi mwaka, emiliyoni ndarhu z’abantu bafa n’endwala z’okunywa erhaba, n’abandi bali enyanya y’abihumbi ndarhu, barhalinywa aliko bafire kwabulala bayisize omusi gw’abanywi berhaba. Leka rhulole gurhe erhaba linayirha abantu banalinywa nababa bali haguma nabo amango bali balinywa.

Ekansere. Omusi gw’erhaba gubamo ebintu by’eshimi. Encyclopædia Britannica ederha oku hofi “bantu 90 balwere ekansere z’ebicira rhuyisizamo birhenga oku kunywa erhaba.” Omusi gw’erhaba gwakarhuma n’ebindi bicira by’omubiri byalwala halimo obunu, enjira enageramo omuka gwaja omubicira rhuyizizamo, enjira ebugananisa obunu n’estoma, egosi, akamironko, obudiku, epankreya, nezindi.

Endwala z’ebicira rhuyisizamo. Omuntu onanywa erhaba byakamuyorohera kulwala omusonga n’ezindi ndwala zoshi zinafarha omubicira rhunayisizamo. Abazere banayonsa abana babo eyi bali banywa erhaba, abola bana basima kulwala e asma, n’engohola ekomere erhafuma n’okurhuma ebihaha byalahira kukula cangwa kukola.

Endwala y’omurhima. Omuntu onanywa erhaba binayoroha okw’akalwala endwala y’omurhima cangwa analwala endwala ekomere y’omurhima. Omuka gwa monoxide ya Carbone guba omu rhaba gunaja omu shegama,gwanava gwakulamo omuka gwe Oxygene. Omuka gwe Oxygene gukaba gugeke omu shegama, byanarhuma omurhima gwakola bwenene yigubona omuka gwalika omu mubiri.

Abakazi bali bukule. Abakazi banywa erhaba bali bukule kanene baburha abana barhagezeze oku myezi, cangwa banaburhwa eli bagwerhe ebilo bigeke, cangwa ezindi ndwala abana banaburhwa nazo. Abo bana kanene baburhwa eli bagwehe endwala z’okuyisa cangwa banafa.

^ epar. 3 Kunywa erhaba biderherhwe hano kuli kumira omusi gurhengere omu sigareti,omusigara, cangwa omu nkono y’erhaba. Aliko eby’Ebiblia enayigiriza byakagwasa n’abanahekenya erhaba, abanakolesa obugoro n’ebindi bilimo obulozi bw’enikotine.

N'ebila Byakakusimisa

EBIRHUYEREKERE

Oheme Abahamirizi ba Yehova Bakulambagirire

Oheme Abahamirizi ba Yehova Bakulambagirire muganire eju ye Biblia haguma, changwa oheme rhukuyigirize Ebiblia oku busha.

EBISHUBIZO OKU BIBAZO BY’EBIBLIA