Nanga, Ebibliya erhayigiriza oku Mariya ye nyina wa Mungo, erhahema Abakrisu kumushenga cangwa kumukuuza. * Leka rhulole:

• Ntanaliguma Mariya acigerere awaza oku ye nyina wa Mungo. Ebibliya enaderha oku aburhire “Omwana wa Mungo,” arhali Mungo.—Mark 1:1; Luka 1:32.

• Ntanaliguma Yesu acigerere aderha oku Mariya ali nyina wa Mungo cangwa oku akwanene kukuuzwa. Aliko, agalwire omukazi wali walonzeze ku kuuza Mariya kwa bula ali nyina wa Yesu, aderha mpu: “Nanga, abagwerhe omwishingo bali bala banayunva omwazi gwa Mungo banagugundira!”—Luka 11:27, 28.

• Omwazi “Nyina wa Mungo” na “Theotokos” (God-bearer) birhabonekana omu Bibliya.

• Ebinwa mpu “Mwamikazi w’Embingu” binabonekana omu Biblia aliko birhayerekezwa oku Mariya, liba liderhere mungo w’obubeshi wagendaga ashengwa n’abantu balahire Yehova. (Yeremiya 44:15-19) “Omwamikazi w’Embingu” hali amango akaba Ishtar (Astarte), Mungo w’e Babuloni.

• Abakrisu b’oburhanzi barhagendega bashenga Mariya, nta naliguma bamukuuzize. Hali mwandisi muguma waderhere oku Abakrisu b’oburhanzi “balekere emigenzo bula bali bagwerhe obuba oku bakakuuza Mariya banava baja omukushenga k’obubeshi.”—In Quest of the Jewish Mary.

• Mungo abaho kurhenga mira. (Zaburi 90:1, 2; Isaya 40:28) Arhajira entondero, ebi biderhere oku arhajira nyina. Biderhere oku, Mariya arhakagalire kuheka Mungo omu nda yage; Ebibliya enaderha okuli eli ederha oku n’Embigu arhalikwiramo.—1 Wafalme 8:27.

Mariya—Nyina wa Yesu arhali “Nyina wa Mungo”

Mariya aburhwagwa eli ali muyahudi, kandi aliri w’omu mulala gw’Omwami Dawidi. (Luka 3:23-31) Abwene emigisho minene kwabula ali agwerhe obuyemere bukomere n’okucihana. (Luka 1:28) Mungo acishogaga ye mpu abe nyina wa Yesu. (Luka 1:31, 35) Mariya na Yusufu baburhire abandi bana.—Marko 6:3.

Naciro ankaba Ebibliya enaderha oku Mariya abere omwanafunzi wa Yesu, nta bindi bintu binene bamuderhereko.—Matendo 1:14.