Nechi. Omu binwa bya Yesu mwaliyunvikene mo oku abanafunzi bage bakaja oku bitaro kubukwa, amango aderha mpu “abantu baherhe amagala maguma-guma barhakenere omunganga, s’aliko abalwala bowe nechi.” (Matayo 9:12) Chiro akaba oku Ebiblia chirhali chitabu ch’echinganga, ehanire amakanuni ku balala balonzenze basimise Mungu.

Ebibazo okwanene ochibaze

1. Inanyunvirhe bwinja obulyo baderhere oku bambuka si? Ebiblia erhuhanwire rhulonze emyazi yakachizerwa ahali h’okufa cha kugwarha “obwemere mu buli chinwa.”—Mezali 14:15.

2. Bimpemere impate ewazo ly’owindi munganaga changwe ahubwe n’owa kasharhu si? Byakahema “bahanuzi banene,” n’ahanene akaba ehali oli mo ekomere.—Mezali 15:22.

3. Okuntu bambuka si kuheberwe mw’erhegeko ly’Ebiblia liderheere “okuchilanga. . . n’eshagama”?—Matendo 15:20.

4. Obushake bwakolesezwe si omu bipimo changwa omu kuntu babuka? Ebiblia elahize “obushake.” (Wagalatia 5:19-21) Omu kulonza kumenya akaba bili mw’eby’obushake wakachibaza ebibazo bili nk’ebila:

• Oyula onabuka anakolesa obushake si?

• Abuka eyi achizerere oku obola bulwalala bulerherwe na ba mungu bagayire si changwa oku banzi babali bakuloga?

• Bihemere enterekero, okugashaniza (k’okuderha okuyimpa-yimpa omu kuhamagala abazimu changwa ba mungu balebe), eyindi-yindi migenzo y’echishetani changwa orhuntu y’akolesa si omu kurheganya obufumu?

5. Navire nakabya kuhangayikira amagala mani si? Ebiblia ehanwire: “Muleke okugwarha olugero kwenyu kumenyikane oku bantu boshi.” (Wafilipi 4:5) Okugwarha olugero kwakurhabala oseze obwenge oku “bintu by’akamaro bwenene” nk’ebintu by’ekiroho.—Wafilipi 1:10; Matayo 5:3