Nkabaga abera bawe boshi banakolesa ama réseaux sociaux, n’oku ziderhako buli mango. Chiro nkabaga banakubonerera bulala woyo nta konte ojira. Bichi okwanene kumenya oku bilolere eyola hali? Na bichi okwanene kujira?

 Arhali wenyine bili byahikira. Bazere banene barhayemerera abana babo bakolese ama réseaux sociaux. Nkabaga barhegerere ok’okukolesa amola ma réseaux sociaux kunayerekeza kw’ebila bintu:

•   omulago omu bwenge n’ebindi bibazo by’omu bwenge.

•   okulola epornografi, okurhumirana amafoto changwa amamesage mayerekene eby’obumaguza n’obuhambazi kugerera enternete.

•   okurhayunvikana ahagarhi k’abera.

 Misole minene yachibiruka yalekere kukolesa ama réseaux sociaux. Bowe bonyine barhegerere oku zakarhuma bakola bintu binene bibi kulusha ebinja. Lola emifano y’ebyahikire baguma:

•   Priscilla abwene oku kwaliri kuchizimba akasanzi akakoleseze omu kukola bindi bintu binene.

•   Oku réseaux sociaux aliri akolesa, Jeremy aliri abona ebintu birhakwanene ey’arhakanagala kubilahiza bonekana byachihira omu konte yage.

•   Bethany aderhere oku aliri aseza obwenge oku bintu abandi baliri Bakola.

 “Nabona kunvute e aplikasiyo yani ye réseaux sociaux, nanasiima okubona najirire ntyo. Kweri ntayunvaga nyikumbwire nanasiima okupata bisanzi binene by’okuchiseza oku bintu by’akamaro.”​—Sierra.

 “Ntalisimire okuntu naliri naba oku réseaux sociaux esaa zoshi n’okuntu naliri nachiyunva omukubona eby’abandi baderhere okubinehibagako. Birhalinyorohere okuvuta ekonte yani, aliko inyusa kuyivuta ntya nachiyunva bwinja bwenene. Naligwerhe murhula gunene bwenene buzira yowe.”​—Kate.

 Okenge esheriya z’abazere bawe. Obayereke ok’okala okulire omu kuntu wakakenga esheria zabo buzira kugaya changwa okulunduma.

 Akanuni k’Ebiblia: “Ebihwinja binagwarha oburhe juba-juba, aliko abengehe Banalindira n’okuchigala bowe bonyine.”​—Mezali 29:11, Easy-to-Read Version.

 Hali abakakuhanula mp’okolese e réseaux sociaux buzira abazere bawe okumenya changwa ofungule ekonte omu bwibisho. Okujira ntyo gali magosa! Okujira ebintu omu bwibisho kwakarhuma walama omu buba n’okuchiyunva munya-magosa. kandi bakamenya byanakubuza omurhula n’okurhuma barhachikunihira haba n’akatyu.

 Akanuni k’Ebiblia: “Bulala rhulonzeze okuntu rhwachiheka, rhube eyi rhuli banihirwa omu bintu byoshi.”​—Waebrania 13:18.

 Oyandike esimikiro yawe. Kuguma n’eyila misole rhwayunvirheko, nawe wakawaza oku mpanvu zinene zakarhuma wayaka ama réseaux sociaux. Akaba wabwene ok’okukolesa ama réseaux sociaux kurhali kwinja, orhalekanga kuzikolesa bulala abazere bawe bakubuzize, s’ozileke bulala woyo wenyine wachishogere kujira ntyo. Eju y’echola nk’eyenyu misole ekubazize oku bilore ezola reseau orhachiyunva bikubabeze, kandi barachilema bakuchekera.

 Eby’okwanene omenye: Okwanene kuganira n’abazere bawe, onalonze echimupateneko charhuma esimikiro yabo n’eyawe yaba nguma. Na ntyo, mu kanola kasanzi wakarhanga kulama buzira réseaux sociaux.