EMISOLE ENABAZA
Aliko Si Okudukangana Kuvire Kwabiha?
“Inanzigana kuyunva enderho z’echinkaziga omu kuntu birhachinsomeza. Bikala biba bishushire nka ntachibazo.”—Christopher, myaka 17.
“Omu busole bwani nadukangene kanene. Yaliri ngeso eyorohere kugendereza aliko ekomere okugala kuleka.”—Rebecca, myaka 19.
Ebibazo by’okuwazako
Gurhe onachiyunva eyi wayunva abandi yibadukangana?
Intazigana kulaga nabyo—inanyunva nka nta chibazo.
Inamba nka nabiyunva kubi bugeke—aliko buzinda nanabirhola ntyo tu.
Inambibona oku bintu bigayisize—Intakapima chiro najira ntyo.
Kangana gurhe ozigana Kudukangana?
Haba n’eliguma
Mango maguma-maguma
Ahanene
Oku bwawe woyo, gurhe onabona okuderha echinkaziga?
Bibaho tu
Kubi bwenene
Bulagurhe bili by’akamaro rhubiderheko
Onabona okudukangana oku kweri chibazo si? Hali oku wakaderha mpu ‘Arhali bwenene. Nk’okubinali koshi hali bibazo binene omu gulu bilazize arhali echola ch’echibazo. N’olekere n’echo buli yeshi anadukangana!’ Aliko si bukweri obola?
Olahire oyemere, Hali bantu banene banachilanga n’echibaderha. Hali n’ebibaba bamenyere abandi barhenji birhuma. Omufano:
Ebidusi birhali mpu binwa konyine. Ebinwa byerhu binayerekana bichi bili ahakagarhi kerhu. Okuderha echinkaziga kwakayerekana ok’oli muntu orhalaga n’okwabandi bachiyunva. Aliko si intyo k’onoko k’onaba?
Ebiblia ederhere: “Ebinarhenga omu bunu binarhengerera omu murhima.”—Matayo 15:18.
Ebidusi binazingisa oluderho nka kuzingisa ehewa. Bichi byarhuma oja wadwanziza abandi, nawe wenyine onachidwanzize?
Okudukangana kwakarhuma abandi bakugwarha kw’amawazo mabihire. Echitabu Cuss Control chiderhere: “Obulyo rhunaderha kwakayerekana bera-berhu nabo baba bantu nyabachi, olugero l’obukenge bwerhu oku bantu b’omulala gwerhu n’abarhukola nabo, gurhe rhuba n’abandi, gurhe rhwakaba nka rhupatire akasi kenja, na gurhe byakabera abarhuturanire.” Chishubire kuderha: “Ochibaze woyo wenyine gurhe wakabere bwinja haguma n’abandi nk’orhagendaga wavumagula abandi.
Ebiblia ederhere: “Mukabulire . . . ebidusi.”—Waefeso 4:31.
Okudukangana kurhakarhuma bakukenga nk’okoli wawaza. Omu chitabu chage How Rude! Dr. Alex Packer aderhere ntya: “Birhasimisa okuyunviriza abantu bazigana kudukangana.” Ayongera oku ebinwa bili mw’ebirhobola-shinda “birhayemerera omuntu abonekane nk’ojira obwirhegerezi, omurhima guwaza, obwenge, changwa olukogo. Akaba ebinwa byawe biba by’echinkaziga, by’entalagire, bidwangire, byabuzira kurhanga kuwaza, intyo k’obwenge bwawe nabo bwanakoomera.”
Ebiblia ederhere: “Murhayemeraga echinwwwa chibolere charhenga omu bunu bwenyu.”—Waefeso 4:29.
Ebi wakajira
Ochihirire h’omuhigo. Chakarhuma orhapima kuleka enderho zirhalizo mu mwezi muguma chiro ahubwe na buzira kuguyeneza? Wakalolereza gurhe oli wagenderera omukuhira eprograme oku kalendriye. Y’ohikira oku muhigo gwawe, hali entambu okwanene orhole. Omufano:
Oyake ebintu by’okuchisimisa byakayunjuza obonko bwawe oluderho lubi. Ebiblia ederhere: “Enkomezi zibi zinayirha engeso zinja.” (1 Wakorinto 15:33, Amahugulo m’eshishi) “Enkomezi” zirhahirirwe mw’abantu bonyine si n’eby’onachisimisa mo nk’amavideo onalola, e jeux onasharha omutelefone, n’emiziki onayunviriza. Kenneth, myaka 17, aderhere: “Biyorohere bwenene okuyimpa olwimpo oli waziha n’okuyibagira kangana gurhe luli mw’ebidusi—okwenge konyine yi lwa bombola bwinja.”
Ochiyerekane ok’okala okulire. Hali abanakolesa ebidusi banawaza mpu bya rhuma babonekane oku bakulire. Aliko kuchibesha bwenene. Abantu bakulu “bajira obuhashe b’okukengera bukoomezwe kurhegera echibi n’echinja,” kw’Ebiblia ederhere. (Waebrania 5:14) Barhachihirira h’ebyabo-byabo mpu yi “basomeza” abantu konyine.
Kweri, enderho zibi zinazingisa obwenge n’okurhuma omuntu ayorha aherhe amawazo marhakwirire. Obubi bukala bulugire bwenene omu gulu! “Nawe orhashubaga kubuyongera k’obwindi. Ojire echawe chigabi omu kukwiza emiderhere abantu bakahanza bayunva oku bandi. Wachiyunva bwinja woyo wenyine n’abandi nabo banakuyunve okola konako.” Intyo kw’echitabu Cass Control chiyerekene.
