EMISOLE ENABAZA
Okusimira-simira Kuli Kuchisimisa Kurhaherhe Chibazo Si?
Okusimira-simira byebichi?
Bantu baguma banawaza ok’okusimira-simira kuli kuyerekana oku wafirire omunyere changwe omusole kugerera ebinwa changwa ebijiro. Kuli kubi si okuyereka omuntu oku wamufirire? Hali amango kurhakaba kubi. “Nk’okala oyeneze ebihemereho embere omuntu ashambazane, onayunvirhe osimire muntu mulebe, gurhe kwindi wakaja wamenya akaba naye anakusimire?” Ku munyere muguma mpu ye Ann aderhere.
Aliko mu gunola mwazi, rhwaganira oku buko b’okusimira-simira b’okuyerekana nka wafirire owenyu aliko eyi ntanamuhigo gusezeze oherhe.
“Okulaga oku muntu bwenene bulala osimire kurhondera obwira b’okufirana, chili chintu chiguma. Aliko chirhali kuguma n’okujira omuntu achizere oku kweri omu simire na buzinda wanamuyirhisa omuma, omu kuba gasi waliri wamusharhisa konyine.”—Deanna.
Chirhuma baguma basima kusimira-simira?
Bantu baguma banabona nka kuchiyunvisa ok’omuntu naye alimo. “Ey’orhegera ok’owenyu y’ashumwa-shumwa ku woyo, hali oku wakayunva ey’orhakabaga ajire ntyo.” Ku munyere muguma mpu ye Hailey aderhere.
Aliko nka wamayereka omuntu nk’omusimire n’obo yi gasi nanga, eyi oli wayerekana oku orhalagire chiro orhanakengere okuntu abandi banachiyunva omu murhima. N’ahola eyi wamachihira kw’echisobe charhuma abandi bachibaze akaba onaba sawa. Ebiblia ederhere: “Obunganyi bunasimisa omuntu orhaherhe obwenge buli sawa.”—Mezali 15:21.
Hailey aliherhe empanvu y’okumalisa, “Okusimira kwakarhondera nka ntachibazo kugwerhe, aliko kunazigana kuhwa eyi bibazo.”
Ngahe echibazo chili?
Okusimira-simira kunakuhezeza erenge.
“Omuntu onasimira-simira anayinja kubonekana oku arhali muntu mwinja, anachili mw’elyana-lyana. Onachiyunva oku arhali mpu akusimire kweri n’omurhima goshi, si hali echali akulonzako konyine.”—Jeremy.
Ebiblia ederhere: “Obuzigire . . . Burhaba b’obwikazize.”—1 Wakorinto 13:4, 5.
Eby’okuwazako: Binwa changwa bijiro nyabachi byakarhuma omuntu abonekana oku ali asimira-simira?
Okusimira-simira kunalumiza ey’oli wasimirana naye.
“Eyinabuganana n’omuntu osima kusimirana, intasima chiro kuba haguma naye. Inambona nk’ali anderhesa okwenge konyine indi munyere. Omuntu osimira-simira aba eyi kweri arhaderhere mpu andagire ko; aba eyi achilagireko gurhe naye akachiyunvisa bwinja konyine.”—Jaqueline.
Ebiblia ederhere: “Muleke buli muguma agenderere kulonza, arhali enyungu yage yenyine si n’ey’owindi muntu.”—1 Wakorinto 10:24.
Eby’okuwazako: Wachigerere kunihira mpu hali omuntu wakufirire, na buzinda wanabugana oku wachibehyeze si? Akaba nechi, gurhe walichiyunvirhe buzinda? Gurhe wakajira y’orhababaza owindi ntyo?
Okusimira-simira kunakuyirhira okunji wakabere amango m’okusima nyakusima.
“Onasimira-simira ali muntu ntakafa nasimire nshabane naye changwa chiro mpu anshambaze. Bichi byakambwira changwe binihize akaba kweri lero asezeze si changwa nanga?”—Olivia.
Omu Biblia, omwandisi w’ezaburi Daudi aderhere ntya: “Inanchiyasya n’abantu banabisha gurhe baba.”—Zaburi 26:4.
Eby’okuwazako: Omuntu onasimira-simira abonekene oku ali muntu oba gurhe? Omuntu oba ntyo yi wakachifija musimane naye si?
N'ebila Byakakusimisa
EMISOLE ENABAZA
Indi Tayari Kushambaza Changwa Kushambazwa Si?
Njira erhano zakakurhabala omenye akaba oli tayari kushambaza changwa kushambazwa n’okushaba changwa okushabwa.
EMISOLE ENABAZA
Bwira Konyine Si Changwa Hali n’Echindi?—Chigabi cha 1: Bichi Indi Nabona Bili Nka Byakunsimira?
Tala amahanao makakurhabala orhegere akaba omuntu yakusimira oku mushambazane changwa alonzeze kuba mwira wawe konyine.
EMISOLE ENABAZA
Bwira Si Konyine Changwa Hali n’Echindi?—Chigabi cha 2: Bichi Inanjira Byakayerekana Nkandi Nasimirana?
Hali oku mwira wawe akarhola oku hali chindi si burhali bwira konyine? Yunva kw’agala mahano.
EMISOLE ENABAZA
Bichi Inkwanene Imenye Okubilolere Okuyandikirana Emesaje?
Okuyandikirana emesaje kwakajira echi kwajira oku bwira bwawe, n’erenge lyawe. Olole nka gurhe
