Okuderha oku echisimba chigale kubablala, kushera, changwa chirhegere ebichizungulukire, bili byangombwa chiyorhe chichere. Omufano, amahembi m’echinyamugofu makazinga, byanachikomerera kulambagira, kuganira, n’okurhegera empumulo. Chechirhumire “orhakafa wabwene echisimba chizingire,” ku musomi muguma w’eby’enyama mpu ye Alexander Hackman aderhere. “Bijira okuntu binalwisa y’ahabili harhabizingisa.”

Jaga wawaza: Hackmann n’ababo basomi bayigire obuhanga echinyamugofu charpentiye (Camponotus rufifemur) chinakolesa omu kuchesa amahembi macho. Barhegera oku echinyamugofu chinakula buli zinga oku mahembi macho, omu kukunja okugulu kwacho kwanaba nka pense nguma ntya, kisha chanaja chihanza chakulula buli hembi mweyola pense. Obugimbi bugangalabere bwa mw’eyola pense bwanaja buhwanza bwakula obuchafu bune-nene; Orhuntu rhutyuli-tyuli rhwanakulwa n’obugimbi bugeke-geke buli nka chichanura chilembere, bungana-ngana n’obuba oku mahembi macho. Naho orhuntu rhutyungunira nka kusharhula oluviri l’omuntu kali 80, rhwanaja rhwakulwa n’obuli nka buroso bulembere.

Intyo kw’echinyamugofu charpantiye chinashuka amahembi macho

Hackmann n’ababo babwene oku obola buhanga echola chinyamugofu chinakolesa omu kuchesa amahembi macho bwakakoleswa omu ma endistri. Omufano, obuhanga buli nk’obola bwakakoleswa omu ruzini omu kuchesa orhuntu nk’orhusinga rhutyuli-tyuli rh’okukolesa omu by’elektronike, bulala mw’ebyola ehizinga hityu busha hyakarhuma birhakola.

Gurhe obwene si: Obuhashe bupangire bwinja ntyo bw’echinyamugofu sharpantiye bwabagaho omuku chihinduliza tu? Changwa bwakaba eyi bwalemwaga?