Okukolesa eby’eteknoloji kwakajira echikwabamalira omu bunyumpa bwenyu, changwa kandi bubayirhire. Gurhe nawe bihumire oku mulala gwawe?

•  Ebi okwanene omenye

•  Ebi wakajira

•  Ebi abandi bashabene banaderha

•  Obwerekezi bw’enganiro

• Okukolesa eby’eteknoloji omu bulyo buyengehere kwakajira echi kwabamalira. Omufano, balume baguma na bakabo bankolesa eteknoloji yi bahanza baganira ezuba lyoshi amango barhali haguma.

  “Emesaje ngeke ederherempu ‘Inkusima’ changwa ‘Yinakuwaza’ yakakola binene.”—Jonathan

• Okukolesa eteknoloji omu bulyo burhayengerhere kwakayirha obunyumpa. Omufano, baguma banakolesa ebikoleso byabo nk’etelefone changwa etablete esa zoshi, omu kuntu ebichanchi n’obulagirire bakayerekene ku banyabana babo byanageha.

  “Inyinji oku haliri hagera ebisanzi bani ali achiyunva akasimire anderhese nka ntaliri natrogonya etelefone yani.”—Julissa

• Bantu baguma banaderha mpu bakaba bali baganira na banyabana babo eyi banali bakolesa etelefone aho h’anahola. Musomi muguma w’emilamire y’abantu haguma n’abandi (sociologiste) oyirikirwe Sherry, aderhere okw’echola chi bayirika “Ebilorho by’okugala kukola byoshi oku liguma.” Bigalagere, oku echola chiyirikirwe mpu kugala kukola byoshi oku liguma, kurhali kwinja. Aderhere oku omu bukweri, “obuhashe b’okukola echintu bwinja bunapunguka buli kuchanga akasi mw’akandi.” *

  “Okuganira na bani kujira akachiro bwenene, aliko arhali amango ali akola n’ebindi. Okuba ali akola ebindi nk’okuyandika emesaje kunarhuma nachiyunva nk’arhasimire abe haguma nani s’asimire abere n’etelefone yage hoshaho.”—Sarah.

Ebi okwanene omenye: Okukolesa eteknoloji kwakarhabala changwa kuyirhe obunyumpa bwawe.

Opange bichi by’engenzi. Ebiblia ederhere: “Mulolereze ebintu biherhe akamaro bwenene.” (Wafilipi 1:10) Ochibaze, ‘Ebichanchi n’obulagirire nyono n’owerhu rhunaha ebintu by’eteknoloji, binarhuheka ebichanchi n’obulagirire rhwakahanene si buli muguma n’owindi?’

“Bigayisize okubona omulume na mukage buli muguma y’akolesa etelefone yage n’obola bali balya oku restora; bantu babiri aliko buli muguma achishwekere oku chikoleso chage. Rhurhasimire rhukaba baja b’eteknoloji rhukayibagira ech’akamaro, k’okuderha obuguma bwerhu buli muguma nowindi.”—Matthew

Ochihirire h’emipaka. Ebiblia ederhere: “Muchilange okuntu yi mwachiheka kurhabaga nka bantu barhaherhe bwengehe, mukolese ebisanzi byenyu bwinja nk’okubyakashobokana koshi.” (Waefeso 5:15, 16) Ochibaze, ‘Nakachihirira h’echihe ch’okuhanza nashubiza oku mesaje zirhavire zahema okuhuduka, ahali h’okulema nayurukira nashubiza buli mesaje oku yanahika si?’

“Nabwene oku kuba kwinja okuleka etelefone yani omu silencieux n’okushubuiza oku mesaje amango makwanene, birhava bivire byaba mpu bintu bya buli mango bakurhumire emesaje, changwe bakuhamagale oku telephone eyi bintu bihemere okuhuduka.”—Jonathan.

Nka byakashoboka, oleke akasi oku kasi. Ebiblia ederhere: “Hali echihe chiba chihirirwe ho ku buli chintu.” (Muhubiri 3:1) Ochibaze ebila bibazo: ‘Akasi kani kali kavogera omulala gwani kugerera etelefone yani si? Akaba ntyo kubili, gurhe ebyola bili byahuma oku bunyumpa bwani? Gurhe nyabana wani akaderha owa mubaza?’

“Kugerera eteknoloji, birhuyanguhire okukola amango moshi n’echihe chena chihe. Che chirhumire nalikwanene indwise okwani koshi yi ntahanza nakolesa n’okutorogonya etelefone buli kachanchi amango rhuli na mukani.”—Matthew.

Mushambale na nyabana gurhe mwakakolesa eteknoloji. Ebiblia ederhere: “Muleke buli muguma agenderere kulonza arhali enyungu yage yenyine, si n’enyungu y’owindi.” (1 Wakorinto 10:24) Oganire na nyabana wawe okuntu anabona onakolesa eteknoloji, na bichi wakahindamula akaba bihemereko. Wakakolesa echigabi obwerekezi bw’enganiro chili mu gunola mwazi.

“Nyono na bani rhurhabishana chintu, rhunabwirana nka rhubwene oku owindi y’akolesa etelefone changwa etablete bwenene, rhweshi rhunabona oku echola chakaba chibazo, n’eju y’echola buli muguma analaga oku ch’owindi awazize.”—Danielle

Eby’okwanene omenye: Obe eyi oyerekene oku we rhegekere eby’eteknoloji s’arhali bye bikurhegekere.