Ua aʻo mai ʻoe mai ka Paipala no Iēhova. Ua hoʻoikaika ʻoe i kou aloha no Iēhova. No laila, pono ʻoe e holomua i ka hoʻoikaika ʻana i ke aloha no ke Akua. (1 Petero 2:2) Inā holomua ʻoe i kāu hoʻopaʻa Paipala, hiki iā ʻoe ke hoʻokokoke aku iā ia a e ola mau loa.​—E heluhelu iā Ioane 17:3; Iuda 21.

Hoʻoikaika ʻia kou manaʻoʻiʻo ma muli o kou ulu ʻana i ka ʻike no Iēhova. Hoʻohauʻoli ʻoe i ke Akua me ka manaʻoʻiʻo ikaika. (Hebera 11:​1, 6) Kōkua kou manaʻoʻiʻo iā ʻoe e mihi a e hoʻololi i kou ola.​—E heluhelu iā ʻOihana 3:19.

I kou hoʻomau ʻana i kāu hoʻopaʻa Paipala, makemake ʻoe e kaʻana like i ka nū hou maikaʻi me ka poʻe a pau. E aʻo mai ana ʻoe e hoʻohana i ka Paipala e wehewehe i kou manaʻoʻiʻo no Iēhova a me ka nū hou maikaʻi.​—E heluhelu iā Roma 10:​13-15.

Kaʻana like ka nui o ka poʻe i ka nū hou maikaʻi me nā hoaloha a me ka ʻohana. E noʻonoʻo pono i ka mea āu e ʻōlelo ai. Hiki iā ʻoe ke haʻi iā lākou no nā ʻōlelo paʻa a ke Akua. Mai haʻi iā lākou, hewa kā lākou hoʻomana. E hoʻomanaʻo ana lākou i kou aloha ma mua o kāu ʻōlelo.​—E heluhelu iā 2 Timoteo 2:​24, 25.

I kou hoʻomau ʻana i kāu hoʻopaʻa Paipala, e hoʻoulu ana ʻoe i ka pilina me ke Akua. He pilina makamae kēia. Hiki iā ʻoe ke komo i loko o ka ʻohana o Iēhova, kou Makua aloha.​—E heluhelu iā 2 Korineto 6:18.

Hiki iā ʻoe ke holomua i kou pilina me Iēhova i ka hoʻomau ʻana i ka hoʻopaʻa Paipala. (Hebera 5:​13, 14) E noi aku i kekahi Hōʻike no Iēhova e hoʻopaʻa Paipala me ʻoe. Hiki iā ʻoe ke hoʻohana i ka puke What Can the Bible Teach Us? Ke aʻo ʻoe mai ka ʻŌlelo a ke Akua, e waiwai nō ana kou ola.​—E heluhelu iā Halelū 1:​1-3; 73:​27, 28.

ʻO ka nū hou maikaʻi maiā Iēhova mai. ʻO Iēhova ke Akua hauʻoli. Hiki iā ʻoe ke hoʻokokoke aku iā ia i kou hoʻokokoke ʻana aku i kona poʻe. (Hebera 10:​24, 25) Inā holomua ʻoe e hoʻohauʻoli iā Iēhova, e loaʻa ana iā ʻoe ke ola maoli nō, ʻo ia hoʻi, ke ola mau loa. ʻO ka mea maikaʻi nō ka hoʻokokoke ʻana aku iā Iēhova.​—E heluhelu iā 1 Timoteo 1:11; 6:19.