1. Nitwetaga kubona tutai eipendeleo ly’okushaba ahali Yehova?

 TUMEPEWA pendeleo la pekee sana​—kumkaribia Muumba wa mbingu na dunia katika sala. Fikiria jambo hilo: Tunaweza kummiminia Yehova moyo wetu, muda wowote na katika lugha yoyote, bila kufanya mpango mapema. Tunaweza kusali kwake hata iwe tumelazwa hospitalini, au tumefungwa gerezani, tukiwa na uhakika kwamba Baba yetu mwenye upendo atatusikiliza. Tunalithamini sana pendeleo hili.

2. Omukama Daudi akolekyatai nk’okwo akaba nayetaho munoi eipendeleo ly’enshara?

² Mfalme Daudi alithamini pendeleo la sala. Alimwimbia hivi Yehova: “Sala yangu na itayarishwe kama uvumba mbele zako.” (Zab. 141:1, 2) Katika nyakati za Daudi, uvumba mtakatifu uliotumiwa na makuhani katika ibada ya kweli, ulitayarishwa kwa uangalifu sana. (Kut. 30:34, 35) Daudi alipotaja uvumba, alionyesha kwamba alitaka kufikiria kwa makini mambo ambayo angemwambia Baba yake wa mbinguni. Sisi pia, tunatamani sana kufanya hivyo. Tungependa sala zetu zimfurahishe Yehova. Tunapaswa kuhisije kuhusu kusali kwa Yehova?

3. Nitwetagwa kugira milebereki orwo tulikushaba ahali Yehova, na kubaki?

³ Tunaposali kwa Yehova, tunapaswa kuepuka kufanya hivyo kwa njia isiyo ya adabu. Badala yake, tunasali tukiwa na mtazamo wenye heshima sana. Fikiria kuhusu maono yenye kustaajabisha ambayo Isaya, Ezekieli, Danieli, na Yohana walipata. Maono hayo yanatofautiana, lakini yote yana jambo moja linalofanana. Yote yanamwonyesha Yehova akiwa Mfalme mwenye utukufu. Isaya alimwona Yehova “akiwa ameketi kwenye kiti cha ufalme kilicho juu na  kilichoinuliwa.” (Isa. 6:1-3) Ezekieli alimwona Yehova akiwa ameketi kwenye gari la kimbingu, lililozungukwa na “mwangaza mkali . . . kama wa upinde wa mvua.” (Eze. 1:26-28) Danieli alimwona “Mzee wa Siku” akiwa amevaa mavazi meupe na miali ya moto ilikuwa ikitoka kwenye kiti chake cha ufalme. (Dan. 7:9, 10) Na Yohana alimwona Yehova akiwa ameketi kwenye kiti cha ufalme kilichozungukwa na kitu kilichoonekana kama upinde wa mvua wenye rangi ya kijani ya zumaridi. (Ufu. 4:2-4) Tunapotafakari utukufu wa Yehova usio na kifani, tunakumbushwa kuhusu pendeleo letu la pekee la kumkaribia katika sala na umuhimu wa kufanya hivyo kwa heshima kubwa. Lakini tunapaswa kusali jinsi gani?

4. Ebigambo by’ambandizo eby’enshara yobulebero ebili kuzoka omuli Matayo 6:9, 10 nibitwegesaki?

⁴ Soma Mathayo 6:9, 10. Katika Mahubiri ya Mlimani, Yesu aliwafundisha wanafunzi wake jinsi ya kusali kwa njia inayomfurahisha Mungu. Baada ya kusema “basi, salini hivi,” Yesu alitaja kwanza mambo muhimu ambayo yanahusiana moja kwa moja na kusudi la Yehova: kutakaswa kwa jina lake; kuja kwa Ufalme ambao utawaangamiza wale wote wanaompinga Mungu; na baraka ambazo Yehova atawaletea wanadamu duniani wakati ujao. Tunapotaja mambo hayo katika sala zetu, tunaonyesha kwamba mapenzi ya Mungu ni jambo muhimu kwetu.

5. Isi, nikigasha kushaba ebintu ebikukweteho?

⁵ Katika sehemu inayofuata ya sala hiyo, Yesu anaonyesha kwamba ni jambo linalofaa kusali kuhusu mambo ya kibinafsi. Tunaweza kumwomba Yehova atupatie chakula chetu cha siku hiyo, atusamehe dhambi zetu, atulinde kutokana na majaribu, na kutukomboa kutoka kwa yule mwovu. (Mt. 6:11-13) Tunapomwomba Yehova vitu hivyo, tunaonyesha kwamba tunamtegemea na kwamba tunataka kupata kibali chake.

6. Isi, ebintu ebilikugambwa omunshara yobulebero nibyo tuli kwetagwa kushaba byokai? Tugambire.

⁶ Yesu hakutaka wafuasi wake warudie  kutaja maneno ya sala hiyo kama yalivyo. Katika sala nyingine ambazo Yesu alitoa, alitaja mambo tofauti ambayo yalimhangaisha wakati huo. (Mt. 26:39, 42; Yoh. 17:1-26) Sisi pia tunaweza kusali kuhusu jambo lolote linalotuhangaisha. Tunapohitaji kufanya uamuzi, tunaweza kusali tupate hekima na uelewaji. (Zab. 119:33, 34) Kabla ya kushughulikia mgawo mgumu, tunaweza kusali tupate ufahamu na utambuzi. (Met. 2:6) Wazazi wanaweza kusali kwa ajili ya watoto wao, watoto wanaweza kusali kwa ajili ya wazazi wao, na sisi sote tunapaswa kusali kwa ajili ya wanafunzi wetu wa Biblia na wale ambao tunawahubiria. Bila shaka, sala zetu hazipaswi kuwa maombi tu.

7. Kubaki omu nshara zaitu nitwetaga kuhaisiliza Yehova?

⁷ Tunapaswa kukumbuka kumsifu Yehova katika sala zetu. Mungu wetu ndiye anayestahili kabisa kusifiwa. Yeye ni “mwema na [yuko] tayari kusamehe.” Pia, yeye ni “mwenye rehema na huruma, si mwepesi wa hasira, [na ana] upendo mwingi mshikamanifu na uaminifu.” (Zab. 86:5, 15) Bila shaka, tuna sababu nzuri za kumsifu Yehova kwa sababu ya sifa zake na mambo anayofanya.

8. Nitubasa kusiima Yehova aha rwenshonga yabintuki? (Ezaburi 104:12-15, 24)

⁸ Zaidi ya kumsifu Yehova katika sala zetu, tunachochewa kumshukuru kwa sababu ya mambo mazuri anayotuandalia. Kwa mfano, tunaweza kumshukuru kwa ajili ya rangi maridadi zinazopatikana kwenye maua, aina mbalimbali za vyakula vitamu, na ushirika wenye kuburudisha pamoja na marafiki wapendwa. Baba yetu mwenye upendo anatupatia vitu hivyo na vingine vingi, ili tuwe na furaha. (Soma Zaburi 104:12-15, 24.) Jambo muhimu zaidi, tunamshukuru Yehova kwa ajili ya chakula kingi cha kiroho anachotuandalia, na tumaini zuri ajabu la wakati ujao.

9. Nikihai ekyakubasa kutujuna kwijuka kusiima Yehova? (1 Abatesalonika 5:17, 18)

⁹ Inaweza kuwa rahisi sana kusahau kumshukuru Yehova kwa ajili ya mambo yote mazuri anayotufanyia. Ni nini kinachoweza  kukusaidia kukumbuka kumshukuru? Unaweza kuandika orodha ya mambo hususa unayoomba na baada ya muda kuyachunguza ili kuona jinsi ambavyo Yehova ameyajibu. Kisha, utoe sala na kumshukuru kwa msaada wake. (Soma 1 Wathesalonike 5:17, 18.) Fikiria jambo hili: Tunafurahi na kuhisi kwamba tumethaminiwa wengine wanapotushukuru. Vivyo hivyo, tunapokumbuka kumshukuru Yehova kwa kujibu sala zetu, hilo linaufurahisha moyo wake. (Kol. 3:15) Hata hivyo, kuna sababu gani nyingine muhimu ya kumshukuru Mungu wetu?

10. Omukuhonderana na 1 Petero 2:21, kubaki twina enshonga y’okusiima Yehova arw’okutuma Yesu omu nsi?

¹⁰ Soma 1 Petro 2:21. Tunapaswa kumshukuru Yehova kwa kumtuma Mwana wake mpendwa ili atufundishe. Tunajifunza mengi sana kumhusu Yehova na jinsi ya kumfurahisha kwa kujifunza kuhusu maisha ya Yesu. Tukionyesha imani katika dhabihu ya Kristo, tunaweza kuwa na uhusiano wa karibu pamoja na Yehova Mungu, na kufurahia amani pamoja naye.​—Rom. 5:1.

11. Kubaki nitushaba ahali Yehova kuraba aibara lya Yesu?

¹¹ Tunamshukuru Yehova kwamba tunaweza kusali kwake kupitia Mwana wake. Yesu ndiye njia ambayo Yehova hutumia kujibu maombi yetu. Yehova husikiliza na kujibu sala zinazotolewa kupitia jina la Yesu. Yesu alisema hivi: “Lolote mtakaloomba katika jina langu nitalifanya, ili Baba atukuzwe kuhusiana na Mwana.”​—Yoh. 14:13, 14.

12. Twina nshongaki endijo eyo kusiima Yehova arw’omwanawe?

¹² Yehova hutusamehe dhambi zetu kwa msingi wa dhabihu ya fidia ya Yesu. Maandiko yanamfafanua Yesu kuwa “kuhani mkuu [ambaye] ameketi kwenye mkono wa kuume wa kiti cha ufalme cha Ukuu mbinguni.” (Ebr. 8:1) Yesu ni ‘msaidizi wetu kwa Baba.’ (1 Yoh. 2:1) Tunashukuru sana kwamba Yehova ametupatia Kuhani Mkuu mwenye huruma ambaye anaelewa udhaifu wetu na ambaye “hutuombea”! (Rom. 8:34; Ebr. 4:15) Sisi ni wanadamu wasio wakamilifu, basi bila dhabihu ya Yesu hatuwezi kumkaribia Yehova katika sala. Bila shaka, utakubali kwamba hatuwezi kamwe kumshukuru Yehova kikamili kwa zawadi yenye thamani ambayo ametupatia, yaani, zawadi ya Mwana wake mpendwa!

13. Omu kiro orwo yabaire atakafire, Yesu akolekyatai nk’okwo nagonza abegesibwabe?

¹³ Usiku kabla ya kifo chake, Yesu alisali kwa muda mrefu kwa ajili ya wanafunzi wake, akimwomba Baba yake awalinde “kwa sababu ya yule mwovu.” (Yoh. 17:15) Kwa kweli, Yesu aliwapenda sana! Baada ya muda mfupi, yeye mwenyewe angekabili jaribu gumu; hata hivyo, alihangaikia hali njema ya mitume wake.

14. Nitubasa kwolekya tutai nk’okwo nitugonza barumuna baitu nabanyanyaichwe?

¹⁴ Kwa kumwiga Yesu, hatukazii fikira tu mahitaji yetu wenyewe. Badala yake, tunasali kwa ukawaida kwa ajili ya ndugu na dada zetu. Tunapofanya hivyo, tunatii amri ya Yesu kwamba tupendane na tunamwonyesha Yehova jinsi tunavyowapenda waabudu wenzetu. (Yoh. 13:34) Kusali kwa ajili ya ndugu na dada zetu si kupoteza muda. Neno la Mungu linatuambia kwamba “dua ya mtu mwadilifu ina nguvu nyingi.”​—Yak. 5:16.

15. Kubaki barumuna baitu nabanyanyaichwe nibetaga enshara zaitu?

 ¹⁵ Waabudu wenzetu wanahitaji sala zetu kwa sababu wanakabili majaribu mengi. Tunaweza kumwomba Yehova awasaidie wavumilie magonjwa, majanga ya asili, vita vya wenyewe kwa wenyewe, mateso, au hali nyingine ngumu. Pia, tunaweza kusali kwa ajili ya ndugu na dada wanaojidhabihu ili kuwatolea msaada wale wenye uhitaji. Huenda unawafahamu kibinafsi baadhi ya ndugu na dada wanaokabili changamoto hizo. Kwa nini usiwataje kwa jina katika sala zako za kibinafsi? Tunaonyesha upendo wa kweli wa kindugu kwa kumwomba Yehova awasaidie wavumilie.

16. Kubaki nitwetaga kushaba aha rwenshonga yabalinya abali kutwebembera?

¹⁶ Wale wanaoongoza kutanikoni wanathamini sana tunapowataja katika sala zetu na sala hizo huwasaidia. Ilikuwa hivyo kwa mtume Paulo. Aliandika hivi: “Pia, msali kwa ajili yangu, kwamba ninapofungua kinywa changu nipewe maneno, ili niweze kuzungumza kwa ujasiri ninapojulisha siri takatifu ya habari njema.” (Efe. 6:19) Leo pia, kuna ndugu wengi wanaoongoza kati yetu ambao wanafanya kazi kwa bidii. Tunaonyesha kwamba tunawapenda kwa kumwomba Yehova abariki kazi yao.

17-18. Nitubasa kushabwa tushabe aha rwenshonga y’abandi omukanyaki, kandi nitwetagwa kwijukaki?

¹⁷ Nyakati nyingine, tunaalikwa kutoa sala kwa niaba ya wengine. Kwa mfano, dada anayeongoza funzo la Biblia anaweza kumwomba dada aliyeambatana naye atoe sala. Huenda dada huyo hamfahamu vizuri mwanafunzi, basi huenda akapendelea kutoa sala ya mwisho baada ya funzo. Kwa njia hiyo, inaweza kuwa rahisi kwake kutoa sala inayolingana na mahitaji ya mwanafunzi huyo.

¹⁸ Huenda ndugu akaombwa kutoa sala kwenye mkutano wa utumishi wa shambani au kwenye mkutano wa kutaniko. Ndugu wanaopewa pendeleo hilo wanapaswa kukumbuka kusudi la mkutano huo. Sala haipaswi kutumiwa kulishauri kutaniko au kutoa matangazo. Katika mikutano mingi ya kutaniko,  jumla ya dakika tano hutengwa kwa ajili ya wimbo na sala, basi ndugu anayetoa sala hahitaji kutumia “maneno mengi,” hasa mwanzoni mwa mkutano.​—Mt. 6:7.

19. Nikihai ekiratujuna kwetekateka aha rwenshonga y’ekiro kya Yehova eky’eiramu?

¹⁹ Kadiri siku ya Yehova ya hukumu inavyozidi kukaribia, ndivyo sala inavyopaswa kuwa jambo muhimu hata zaidi maishani mwetu. Kuhusiana na hilo, Yesu alisema hivi: “Basi, endeleeni kukesha sikuzote mkiomba dua ili mfanikiwe kuponyoka mambo yote hayo ambayo lazima yatukie.” (Luka 21:36) Naam, kusali kwa ukawaida kutatusaidia tuendelee kuwa macho kiroho ili tuwe tayari siku ya Yehova itakapofika.

20. Enshara zaitu nizibasa zitai kuba nk’obunuma obuli kunukage?

²⁰ Tumezungumzia nini? Tunathamini sana pendeleo letu la sala. Mambo muhimu zaidi tunayopaswa kutaja katika sala zetu ni mambo yanayohusiana moja kwa moja na kusudi la Yehova. Pia, tunamshukuru Mungu kwa ajili ya Mwana wake na Ufalme wake, na tunasali kwa ajili ya waabudu wenzetu. Na bila shaka, tunaweza kusali kwa ajili ya mahitaji yetu ya kimwili na ya kiroho. Tunapofikiria kwa makini kuhusu mambo tunayotaja katika sala zetu, tunaonyesha kwamba tunathamini pendeleo hili la pekee. Maneno yetu yatakuwa kama uvumba wenye harufu tamu kwa Yehova​—‘yanayomfurahisha Yeye.’​—Met. 15:8.