EMAKALA Y’OMWEGESO 21
Yehova Arakuha Amani
“Orwo ndikuba mujege nirwo ndikugira amani.”—2 KOR. 12:10.
ORUHOYA 73 Tupe Ujasiri
MUHTASARI *
1-2. Abajulizi ba Yehova bangi nibemera changamotoki?
MTUME PAULO alimtia moyo Timotheo, na Wakristo wote kwa ujumla, watimize kikamili huduma yao. (2 Tim. 4:5) Sote tunachukua kwa uzito shauri la mtume Paulo. Hata hivyo, kuna changamoto mbalimbali. Ndugu na dada zetu wengi wanaogopa kushiriki katika kazi ya kuhubiri, hivyo wanahitaji ujasiri. (2 Tim. 4:2) Kwa mfano, wafikirie ndugu zetu wanaoishi katika nchi ambazo kazi yetu imewekewa vizuizi au kupigwa marufuku. Wanaposhiriki katika huduma wanahatarisha uhuru wao!
2 Watu wa Yehova hukabiliana na matatizo mengi mbalimbali yanayoweza kuwavunja moyo. Kwa mfano, wengi wanahitaji kufanya kazi kwa muda mrefu ili kuziandalia familia zao mahitaji ya msingi. Wangependa kufanya mengi zaidi katika huduma, lakini wanakuwa na nguvu chache mwishoni mwa juma. Wengine hawawezi kufanya mengi kwa sababu ya ugonjwa wa kudumu au umri kusonga; huenda hata hawawezi kutoka nyumbani. Na bado wengine hulemewa na hisia za kwamba hawafai. Mary, * dada anayeishi Mashariki ya Kati, anasema hivi: “Ninatumia jitihada nyingi sana kupambana na hisia zangu zisizofaa hivi kwamba ninabaki nikiwa nimechoka sana kihisia. Hilo linanimalizia nguvu na wakati kwa ajili ya huduma yangu, jambo linalofanya nihisi hatia.”
3. Nitwija kuhenjuzaki omu makala egi?
3 Haidhuru tunapitia hali gani, Yehova anaweza kutupatia nguvu za kukabiliana na changamoto za kibinafsi na bado tuendelee kumtumikia kwa kadiri ya uwezo wetu. Kabla ya kuchunguza jinsi Yehova anavyoweza kutusaidia, acheni tuchunguze
jinsi alivyomwimarisha Paulo na Timotheo ili watimize huduma yao licha ya changamoto walizokabili.YEHOVA NATUHA AMANI AGOKUGOBESHELEZA OBUHEREZA BWAITU
4. Paulo akamera changamotoki?
4 Paulo alikabili changamoto nyingi. Alihitaji nguvu hasa alipopigwa viboko, mawe, na kufungwa gerezani. (2 Kor. 11:23-25) Paulo alikiri waziwazi kwamba nyakati nyingine alipambana ili kushinda hisia zisizofaa. (Rom. 7:18, 19, 24) Pia, alivumilia tatizo la kiafya lililokuwa “mwiba katika mwili,” ambalo alitamani sana Mungu aliondoe.—2 Kor. 12:7, 8.
Ni nini kilichomsaidia Paulo kutimiza huduma yake? (Tazama fungu la 5 na 6) *
5. Paulo akagobeshelezaki, okwihamu echangamoto ezoyabaire nayemera?
5 Yehova alimpa Paulo nguvu za kutimiza huduma yake licha ya changamoto zote alizokabili. Fikiria mambo ambayo Paulo alitimiza. Kwa mfano, alipokuwa kwenye kifungo cha nyumbani—chini ya ulinzi huko Roma—alitetea kwa bidii habari njema kwa viongozi wa Kiyahudi na huenda pia mbele za maofisa wa serikali. (Mdo. 28:17; Flp. 4:21, 22) Pia, aliwahubiria Walinzi wengi wa Mfalme, na aliwatolea ushahidi wale wote waliomtembelea. (Mdo. 28:30, 31; Flp. 1:13) Katika kipindi hichohicho, Paulo aliandika barua zilizoongozwa na roho zinazowanufaisha Wakristo wa kweli hadi leo. Zaidi ya hayo, mfano wa Paulo uliimarisha kutaniko la Roma, na kuwachochea ndugu zake waonyeshe “uhodari mwingi wa kulisema neno la Mungu bila woga.” (Flp. 1:14) Ingawa nyakati nyingine Paulo hangeweza kufanya mengi, alifanya yote aliyoweza chini ya hali zake, na hilo ‘kwa kweli lilisaidia kuendeleza habari njema.’—Flp. 1:12.
6. Omu kwigana 2 Abakorinto 12:9, 10, nikihai ekyajunire Paulo kugobesheleza obuherezabwe?
6 Paulo alitambua kwamba kila kitu alichofanya katika utumishi wa Yehova kilitokana na nguvu za Mungu, si zake mwenyewe. Alikiri kwamba nguvu za Mungu ‘zilikamilika katika udhaifu.’ (Soma 2 Wakorintho 12:9, 10.) Kupitia roho Yake takatifu, Yehova alimpa Paulo nguvu za kutimiza huduma yake kikamili licha ya mateso, kufungwa gerezani na changamoto nyingine alizokabili.
Ni nini kilichomsaidia Timotheo kutimiza huduma yake? (Tazama fungu la 7) *
7. Timoteo aketaga kusinga changamotoki abase kugobesheleza obuherezabwe?
7 Mwandamani wa Paulo, kijana Timotheo, alihitaji pia kutegemea nguvu za Mungu ili kutimiza huduma yake. Timotheo aliandamana na Paulo kwenye safari ndefu za umishonari. 1 Kor. 4:17) Huenda Timotheo alihisi hastahili. Labda hiyo ndiyo sababu iliyomfanya Paulo amhimize hivi: “Usiruhusu kamwe mtu yeyote audharau ujana wako.” (1 Tim. 4:12) Zaidi ya hayo, katika kipindi hicho Timotheo alikuwa na mwiba katika mwili, yaani, ‘ugonjwa wa mara kwa mara.’ (1 Tim. 4:12) Lakini Timotheo alijua kwamba roho takatifu ya Yehova yenye nguvu ingempa nguvu alizohitaji ili kuhubiri habari njema na kuwatumikia ndugu zake.—2 Tim. 1:7.
Zaidi ya hayo, Paulo alimtuma kwenye safari nyingine ili kuyatembelea na kuyatia moyo makutaniko. (OKWIHAMU ECHANGAMOTO EZOTULIKWEMERA YEHOVA NATUHA AMANI AGOKUGENDELERA KUBA BESIGWA
8. Yehova nagumisa atai abantube kany’aka?
8 Leo, Yehova anawapatia watu wake “nguvu zinazopita zile za kawaida” ili waendelee kumtumikia kwa uaminifu. (2 Kor. 4:7) Acheni tuchunguze mambo manne ambayo Yehova anatuandalia ili kutuimarisha na kutusaidia tuendelee kuwa waaminifu kwake: Sala, Biblia, ushirika wa Kikristo, na huduma yetu.
Yehova anatuimarisha kupitia sala (Tazama fungu la 9)
9. Eshara nebasa kutujuna etai?
9 Tunaimarishwa kupitia sala. Kama inavyoonyeshwa kwenye Waefeso 6:18, Paulo anatutia moyo tusali kwa Mungu “kila wakati.” Mungu atajibu sala zetu kwa kutuimarisha. Jonnie, anayeishi nchini Bolivia, alijionea msaada huo alipokuwa akipitia mfululizo wa majaribu. Mke wake na wazazi wake wote wawili walikuwa wagonjwa sana kwa wakati uleule. Ilikuwa vigumu sana kwa Jonnie kuwategemeza wote watatu. Mama yake alikufa, na ilichukua muda mrefu sana kwa mke na baba yake kupona. Anapokumbuka mambo hayo, Jonnie anasema: “Nilipokuwa na mkazo sana, jambo lililonisaidia sikuzote lilikuwa ni kutaja mambo kihususa katika sala.” Yehova alimpa Jonnie nguvu alizohitaji ili kuvumilia. Ronald, mzee wa kutaniko nchini Bolivia, aliambiwa kwamba mama yake ana kansa. Mama yake alikufa mwezi mmoja baadaye. Ni nini kilichomsaidia kukabiliana na hali hiyo? Anasema hivi: “Kusali kwa Yehova kunanipatia fursa ya kummiminia moyo wangu na kumweleza hisia zangu. Ninajua kwamba ananifahamu vizuri zaidi kuliko mtu mwingine yeyote, na hata zaidi kuliko ninavyojijua mimi mwenyewe.” Nyakati nyingine, huenda tukahisi tumelemewa au hatujui tusali kuhusu nini. Lakini Yehova anatualika tusali kwake hata tunapokosa maneno ya kuelezea mawazo na hisia zetu.—Rom. 8:26, 27.
Yehova anatuimarisha kupitia Biblia (Tazama fungu la 10)
10. Nk’okwo kilikwolekibwa omu Baheburania 4:12, kubaki okushoma Ebibulia n’okwekonja ebintu ebyo tulikushoma kintu kyomugasho muno?
10 Tunaimarishwa kupitia Biblia. Kama tu Paulo alivyotegemea Maandiko yamwimarishe na kumfariji, sisi pia tunaweza kuyategemea. (Rom. 15:4) Tunaposoma Neno la Mungu na kulitafakari, Yehova anaweza kutumia roho yake ili kutusaidia kuelewa vizuri zaidi jinsi tunavyoweza kutumia Maandiko katika hali zetu. (Soma Waebrania 4:12.) Ronald, aliyetajwa awali, anasema hivi: “Ninashukuru kwamba nilisitawisha zoea la kusoma sehemu fulani ya Biblia kila usiku. Ninatafakari sana kuhusu sifa za Yehova na jinsi alivyoshughulika kwa upendo na watumishi wake. Hilo hunisaidia kupata nguvu tena.”
11. Ebibulia ekagumisa etai mnyanyaichwe ayabahire nashasha aha rwenshonga y’okuferwa mushaijawe?
11 Tunaweza kusitawisha mtazamo unaofaa kuhusu hali zetu kwa kutafakari Neno la Mungu. Fikiria jinsi Biblia ilivyomnufaisha mjane aliyekuwa anaomboleza. Mzee wa kutaniko alipendekeza kwamba angeweza kujifunza mambo ambayo yangemsaidia kwa kusoma kitabu cha Ayubu. Alipoanza kusoma,
mwanzoni alimchambua Ayubu kwa sababu ya njia yake ya kufikiri isiyofaa. Katika mawazo yake alimwambia hivi Ayubu: “Ayubu! Usifikirie matatizo yako mwenyewe tu.” Lakini baadaye alitambua kwamba mtazamo wake ulikuwa unafanana sana na ule wa Ayubu. Hilo lilimsaidia abadili mtazamo wake na kumwimarisha ili akabiliane na maumivu ya kumpoteza mume wake.Yehova anatuimarisha kupitia ushirika wa Kikristo (Tazama fungu la 12)
12. Yehova natugumisa atai kulaba ahali barumuna baitu na banyanyaichwe?
12 Tunaimarishwa kupitia ushirika wetu wa Kikristo. Njia nyingine ambayo Yehova anawaimarisha Wakristo ni kupitia waabudu wenzetu. Paulo aliandika kwamba alitamani kuwa na “ubadilishanaji wa kitia moyo” na ndugu na dada zake wa kiroho. (Rom. 1:11, 12; maelezo ya chini.) Mary, aliyetajwa awali anathamini ushirika wa aina hiyo. Anasema hivi: “Yehova amewatumia ndugu na dada ambao hata hawakujua matatizo yangu. Walisema jambo fulani lenye kutia moyo au kunitumia kadi, na hicho ndicho hasa nilichohitaji. Pia, nimenufaika kwa kuzungumza na dada wengine ambao walikuwa na matatizo kama yangu, na kujifunza kutokana na jinsi walivyokabiliana na matatizo yao. Na sikuzote wazee walifanya nihisi kwamba ninatimiza sehemu muhimu katika kutaniko.”
13. Ntubasa kugumisangana tutai orwotulikuba tuli omu nkiiko?
13 Mahali bora pa kutiana moyo ni kwenye mikutano ya Kikristo. Unapohudhuria mikutano, jitahidi kuwaimarisha wengine kwa kuwaambia kwamba unawapenda na unathamini mambo wanayofanya. Kwa mfano, kabla ya mkutano mmoja, mzee wa kutaniko anayeitwa Peter, alimwambia hivi dada mmoja ambaye mwenzi wake si mwamini: “Huwezi kuwazia jinsi ninavyotiwa moyo ninapokuona hapa. Sikuzote unakuja na watoto wako sita wakiwa nadhifu na wametayarisha maelezo yao.” Kwa shukrani dada huyo alisema hivi huku akitokwa na machozi: “Huwezi kuwazia jinsi nilivyohitaji kusikia maneno hayo leo.”
Yehova anatuimarisha kupitia huduma (Tazama fungu la 14)
14. Okurangilira abandi nikutugumisa kutai?
14 Tunaimarishwa kupitia huduma yetu. Tunaposhiriki na wengine kweli za Biblia tunahisi tumeburudishwa na kutiwa nguvu, iwe watu wanaitikia au la. (Met. 11:25) Dada anayeitwa Stacy amejionea jinsi huduma inavyoweza kututia nguvu. Mtu wa familia yake alipotengwa na ushirika, alihuzunika sana na kujiuliza tena na tena, ‘Je, kuna mambo mengine zaidi ambayo ningeweza kufanya ili kumsaidia?’ Ilikuwa vigumu kwa Stacy kuacha kufikiria jambo hilo. Ni nini kilichomsaidia kukabiliana na hali hiyo ngumu? Huduma yetu! Aliposhiriki katika kazi ya kuhubiri, alianza kukazia fikira watu katika eneo lake waliohitaji msaada wake. Anasema hivi: “Katika kipindi hicho, Yehova alinipa funzo la Biblia lililofanya maendeleo haraka. Hilo lilinitia moyo sana. Jambo ambalo limenisaidia zaidi maishani ni kushiriki katika huduma.”
15. Wayegaki kuruga omu bigambo bya Mary?
15 Baadhi ya ndugu na dada huhisi kwamba hawawezi kufanya mengi katika huduma kwa sababu ya hali zao. Ikiwa hivyo ndivyo unavyohisi, kumbuka kwamba Yehova anafurahi unapofanya yote uwezayo. Fikiria tena kisa cha Mary. Alipohamia katika kutaniko la lugha ya kigeni alihisi kwamba hawezi kufanya mengi. Anasema hivi: “Kwa muda fulani jambo pekee nililoweza kufanya ni kutoa maelezo rahisi, kusoma mstari wa Biblia au kutoa trakti katika huduma.” Jambo hilo lilimfanya ahisi hatimizi mengi alipojilinganisha na wale waliozungumza vizuri lugha hiyo. Hata hivyo, alibadili mtazamo wake. Alianza kutambua kwamba Yehova anaweza kumtumia licha ya
uwezo wake mdogo. Anasema hivi: “Kweli zinazookoa uhai ni rahisi kueleweka, na kweli hizo ndizo zinazobadili maisha ya watu.”16. Balinya abatalikubasa kuruga munju, nikihai ekyakubasa kubajuna kugira amani?
16 Yehova anaona na anathamini tamaa yetu ya kushiriki katika huduma hata ikiwa hatuwezi kutoka nyumbani. Anaweza kutokeza fursa za kuwatolea ushahidi wale wanaotutunza au wahudumu wa afya. Ikiwa tutalinganisha mambo tunayoweza kutimiza sasa na yale tuliyoweza kufanya wakati uliopita, huenda tukavunjika moyo. Lakini ikiwa tunatambua jinsi Yehova anavyotusaidia sasa, tutapata nguvu tunazohitaji ili tuweze kuvumilia jaribu lolote kwa shangwe.
17. Omu kwigana n’ekitabo ky’Omwegesa 11:6, kubaki ntwetaga kugendelera kurangilira norwo abantu baraba batali kushemelerwa?
17 Hatujui ni mbegu gani za kweli tunazopanda ambazo zitaota mizizi na kuanza kukua. (Soma Mhubiri 11:6.) Kwa mfano, Barbara, dada mwenye umri wa miaka 80, anahubiri kwa ukawaida kupitia simu na kuandika barua. Katika barua yake moja, alitia ndani gazeti la Mnara wa Mlinzi la Machi 1, 2014, lililokuwa na makala yenye kichwa “Mungu Amekufanyia Nini?” Bila kujua, alituma barua hiyo kwa wenzi wa ndoa ambao wakati huo walikuwa wameacha kumtumikia Yehova. Walisoma gazeti hilo tena na tena. Mume alihisi kana kwamba Yehova alikuwa anazungumza naye moja kwa moja. Wenzi hao walianza kuhudhuria tena mikutano na mwishowe, baada ya zaidi ya miaka 27, walianza kumtumikia Yehova tena. Hebu wazia jinsi ambavyo Barbara alitiwa moyo na kuimarishwa alipoona matokeo mazuri yaliyotokana na barua hiyo moja!
Yehova anatuimarisha kupitia (1) sala, (2) Biblia, (3) ushirika wa Kikristo, na (4) huduma (Tazama fungu la 9, 10, 12, na 14)
18. Ntubasa kukoraki tubase kugoshorwa n’amani ga Katonda?
18 Yehova anatuandalia fursa nyingi ambazo tunaweza kupata nguvu zake. Tunapotumia maandalizi yake—kama vile sala, Biblia, ushirika wa Kikristo, na huduma—tunaonyesha kwamba tunaamini uwezo wa Yehova na tamaa yake ya kutusaidia. Acheni sikuzote tumtegemee Baba yetu wa mbinguni, ambaye hufurahia ‘kudhihirisha nguvu zake kwa niaba ya wale ambao moyo wao ni kamili kumwelekea yeye.’—2 Nya. 16:9.
ORUHOYA 61 Songeni Mbele, Enyi Mashahidi!
^ ekichweka 5 Tunaishi katika nyakati ngumu, lakini Yehova anatupatia msaada tunaohitaji ili kuvumilia. Katika makala hii, tutachunguza jinsi Yehova alivyomsaidia mtume Paulo na Timotheo kuendelea kumtumikia licha ya matatizo waliyokabili. Tutazungumzia mambo manne ambayo Yehova ameandaa ili kutusaidia kuvumilia leo.
^ ekichweka 2 Baadhi ya majina yamebadilishwa.
^ ekichweka 53 MAELEZO YA PICHA: Akiwa katika kifungo cha nyumbani huko Roma, Paulo anayaandikia barua makutaniko kadhaa na kuwahubiria habari njema watu wanaomtembelea.
^ ekichweka 55 MAELEZO YA PICHA: Timotheo anawatia moyo akina ndugu anapotembelea makutaniko.