EISOMO LYA 6
Alio Shubiki Abafire?
1. Alio makuruki agarungi agakwete abafire?
Yesu kayagobile Bethania eli hai na Yerusalemu munywanyiwe Lazaro akaba amazile ebiro bina afire. Yesu agenda mbali Lazaro yabaire azikirwe agenda na Maria na Martha, banyanya Lazaro. Omukanya kagufi abantu bangi bashombokanyia. Tekeleza amashemelerwa ago, Martha na Maria bagizire orwo Yesu yahimbwile Lazaro?—Shoma Yohana 11:21-24, 38-44.
Martha akaba namanya amakuru garungi agakwete abafire. Akaba namanya nk’okwo Yehova naija kuhimbura abafire babase kutula orundi omunsi.—Shoma Yobu 14:14, 15.
2. Abafire balibata kanya aka?
Mungu akagambila Adamu: “Okw’oli itaka, oligaruka omw’itaka.”—EMBANDIZO 3:19.
Abantu bakatondwa kuruga omwitaka. (Embandizo 2:7; 3:19) Ichwe tuli batondwa abaina omubili gwe nyama n’obwamba. Titwina mwoyo ogutalikufa omumibili yaitu eye nyama n’obwamba. Alwekyo taliyo kichweka kyonakyona ekiligugenderera kutura omumuntu kayafiire, orwo tulikufa obwongo bwaitu nabwo nibufa nituba tutakiina bitekelezo. Kityo, Lazaro orwo yahimbwirwe taragambire kyonakyona orwo yabaire ali mufu orwenshonga abafu tibalikumanya kyonakyona.—Shoma Ezaburi 146:4; Mwegesa 9:5, 6, 10.
Isi, Mungu nashasa abantu omumuliro ogututali hwao kabafire? Orwenshong’Ebibulia neyegesa eti abafu tibalikumanya kantu konakona. Enyegesa y’omuliro ogutali hwao neye bishuba. Enyegesa egyo nekola abantu batekeleza Mungu kubi omukintu okyo atalikukola. N’ekitekelezo ekyo ekyokushaasa abantu omumuliro ni kitamisa muno Mungu.—Shoma Yeremia 7:31.
3. Isi, abafire twakufumora nabo?
Abafu tibali kubasa kugamba anga kuulila. (Ezaburi 115:17) Kyonka abamalaika ababi bakubasa kugamba mbekola nk’abantu abafire. (2 Petero 2:4) Yehova natutanga tutalengesa kugamba n’abantu abafire.—Shoma Obwijukiro bwe Biragiro 18:10, 11.
4. Nibaa abarahimburwa?
Embaga ya abantu abali omunyanga nibaija kuhimburwa babase kutura orundi omunsi. Kyonka abantu abandi abatashoboire kumanya Mungu kyonka bakakora ebibi nabo nibaija kuhiburwa.—Shoma Luka 23:43; Ebikorwa 24:15.
Abarahimburwa nibaija kweg’amazima ahabi kwete ali Mungu n’okwelekya omwesigo gwabo ali Yesu no kumuhuliriza. (Okushurulirwa 20:11-13) Balinya abarahimburwa marabakakora ebirungi balabasa kushemelerwa oburora eirai lyona omunsi.—Shoma Yohana 5:28, 29.
5. Okuhimbuka nikutwegesaki ali Yehova?
Mungu akakora kibasikane kugira eshubi eyo kuhimburwa orwo yatwekile omwanawe atuferekelere. Kityo, okuhimbuka nikworekya engonzi n’obufura bungi bwa Yehova. Abafire orwobarahimburwa, wakwenzire kubonowai?—Shoma Yohana 3:16; Abaroma 6:23.
