Mungu nagonza abantu bashemelerwe oburora omunsi. Akatonde’nsi na byona ebilimu orwenshonga nagonza abantu. Kanya kake alaleta emilembe omubantu bona omunsi. Naija kwiyao ebintu byona ebilikukola abantu kabashasha.​—Shoma Yeremia 29:11.

Tihaliyo butwazi bwonabwona oburabasize kwiyao, obukuutu, endwara, anga orufu. Kyokai aliyo amakuru garungi. Kanya kake, Mungu araiyaho obutwazi bwa abantu n’okutao obutwazo bwa wenene. Abantu omubutwazi bwa Mungu barashemelerwa emilembe nemitulire mirungi.​—Shoma Isaya 25:8; 33:24; Danieli 2:44.

Obushasi burawao orwo Mungu arahwelekereze abantu ababi omunsi. (Sefania 2:3) Ekyo kirakoleka maki? Ekigambo kya Mungu kikaranga okubao kw’ebintu ebibi ebilikushasa abantu kanya aka. Ebintu ebyo mbyolekya nk’okwo akanya kokuhwerekereza ebyo kairira hai.​—Shoma 2 Timoteo 3:1-5.

Ntwetaga kwega ali Mungu kuruga omuKigambo kye, Ebibulia. Egyo nink’ebarua kuruga aliishe ichwe alikutugonza. Netugambira nk’okwo twakubasa kushemelerwa oburora kanya aka. Na n’ebyo twakukora tubase kushemelerwa oburora eirai lyona omukanya komaisho. Nikwo abandi tibashemelerwe kolayenda kushobokerwa Ebibulia. Kyonka orwokuba Mungu natushubiza akanya karungi omumaisho, otajubura bandi bakuhukure mwoyo, otega makuru ago.​—Shoma Emigani 29:25; Okushurulirwa 14:6, 7.