EISOMO LYA 3
Isi, Nikwo Amakuru Garungi Nigaruga Ali Mungu?
1. Nowai ntabuko y’Ebibulia?
Amakuru agarungi aga nk’okwo abantu balirola erai lyona. (Ezaburi 37:29) Ebibulia eina orubala tw’ebitabo 66. Mungu akabaa obushobora abashaija enyesigwa 40 kuandika Ebibulia. Ebitabo bitano ebyambele bikaandikwa na Musa emiaka 3,500 eyarabileo. Ekitabo kyenzindo kikaandikwa nentumwa Yohana emiaka 1,900 eyaingwile. Abaandiki be Bibulia bakahandika ebitekelezo byowai? Bakahandika ebitekelezo bya Mungu, nk’okwo Mungu yabagambilaga kulabila aha mwoyo gutakatifu. (2 Samweli 23:2) Bakaandika ebitekelezo bya Mungu ti bitekelezo byabo. Kityo Yehova niwe ntabuko y’Ebibulia.—Shoma 2 Timoteo 3:16; 2 Petero 1:20, 21.
2. Twakubasa kwesiga tutai nk’okwo Ebibulia ney’amazima?
Ntumanya nk’okwo Ebibulia ekaruga ali Mungu orwenshonga ekarangage ebintu byomumaisho. Tihaliyo muntu ayakubasa kukola atyo. (Yoshua 23:14) Mungu omushobola wa byona abasa kuranga amazima akanya kalikwija aka bantu.—Shoma Isaya 42:9; 46:10.
Kityo, nitushubila ekitabo kuruga ali Mungu kibe kyamazima. Kandi, nikwo Ebibulia eli. Abantu embaga baina endimi zingi kyonkai norwo Ebibulia yahandikirwe karai neyolekya omubugororoki ebikwete aha sayansi, kandi, nabahandiki bayo 40 tibahabyangana. * Tebyo byonkai, Ebibulia neyolekya engonzi za Mungu, kandi, neshobola kuindura emikalile ya bantu. Ebintu ebyo nibibolekya embaga ya abantu nk’okwo Ebibulia n’Ekigambo kya Mungu.—Shoma 1 Abatesalonika 2:13.
3. Ebibulia eina makuruki?
Ebibulia neyolekya amakuru garungi nk’okwo Mungu aine kigendelero kye ngonzi aha bantu. Ebihandikirwe mbishurula nk’okwo okutula kwa bantu omunsi eli paradiso okwoyanagirwe na nk’okwo eparadiso elagarulawao.—Shoma Okushurulirwa 21:4, 5.
Kandi, Ebibulia einamu emiku, emihango, n’emihano. Tibyo byonkai, Ebibulia neshurula obuntu bwa Mungu alwokutugambira nk’okwo yakozire n’abantu. Kityo, Ebibulia nebasa kutujuna kumanya Mungu. Neyolekya nk’okwo okwo wakubasa kuba munywanyiwe.—Shoma Ezaburi 19:7, 11; Yakobo 2:23; 4:8.
4. Nobasa kushobokelwa Ebibulia otai?
Akatabo aka karakujuna kushobokelwa Ebibulia korakola nka Yesu okwoyakozire. Akashulura Amaandiko n’okugashobolora “abashoboza kushobokerwa Ebihandiko Bitakatifu.”—Shoma Luka 24:27, 45.
Amakuru garungi agokuruga ali Mungu nigashemelera muno. Kyonka abandi tibakugashemelerwa, n’abandi nibagatmwa. Otahukuka mtima. Enshubi yawe eyokushemelerwa oburola erai lyona, kili aliwe kumanya Mungu.—Shoma Yohana 17:3.
^ ekichweka 3 Olebe akatabo Kitabu kwa Ajili ya Watu Wote.
