Omutonzi waitu aina obumanyi kukilao ichwe. Atweitaileo muno nkaishe muntu eina engonzi. Kandi akatutonda katumwesiga. (Yeremia 10:23) Kityo, nk’okwo abana bagonza enyorekelela y’abazaile babo nikwo ichwe twetaga enyorekelela ya Mungu. (Isaya 48:17, 18) Ekanuni z’Ebibulia nzitua enyorekelela nungi eli nkebigemuro kuluga ali Mungu.​—Shoma 2 Timoteo 3:16.

Emiku amoi nekanuni za Yehova nizitwegesa emiikalile ya kanya aka nanokwo tulabasa kubona emigisha akanya komumaisho. Kitusaine kuikya okwo Mungu alikutwolekya orwokuba niwe mutonzi waitu.​—Shoma Ezaburi 19:7, 11; Okushurulirwa 4:11.

Ekanuni z’Ebibulia zina amazima agomusingi. Omulubaju akanya akandi emiku nayo ehonderwa olwenshonga zitali zimoi. (Obwijukilo bw’Ebilagiro 22:8) Kitusaine kutekamu abandi ambani kabamanya nk’okwo ekanuni z’Ebibulia niyo nyorekeleza yaitu. (Emigani 2:10-12) Aalwekyo, Ebibulia netwegesa okwo Mungu niwe yatuhaile obulola obwotwinabwo. Ekanuni egyo nebasa kutwebembera omumilimu yaitu, omumaka gaitu, norwo tuba tuli omulugendo. Netushoborora kugenderera kwekebela tutaita bandi anga kweita ichwe.​—Shoma Ebokorwa 17:28.

Yesu akashoborora ekanuni eibili ez’omusingi. Eya mbele  neshoborora ebikoite aha kigenderero kyobulola bwa abantu nk’okwenda Mungu, kumumanya, amoi nokumukolela omubweyendezi. Ekanuni egyo neyokwegendeshereza akanya konakona orwo tuba ntugonza kulamula ekyo tulakola. (Emigani 3:6) Balinya abalikuijuka kukoza ekanuni egyo, baliba banywanyi ba Yehova. Nabo balishemelerwa mungu, kandi baina eshubi y’obulola obutaliaga.​—Shoma Matayo 22:36-38.

Ekanuni eyakabili netujuna kugila emikalile milungi amoi nabandi. (1 Abakorinto 13:4-7) Okukola ekanuni egyo eyakabili kisainekugendeshereza okwo Mungu akolela abantu.​—Shoma Matayo 7:12; 22:39, 40.

Ekanuni z’Ebibulia nizijuna amaka kwikalage omungonzi. (Abakolosai 3:12-14) Kandi, amaka gakulindwa orwokwijuka nk’okwo obushwele kisaine bungendelele eirai lyona.​—Shoma Embandizo 2:24.

Orwokuhondera emyegeso y’Ebibulia, nitulindwa omumwoyo, omubitekelezo. Nk’okwo tubona komuntu aba naiga omukozi agonza omukozi alikwegendesheleza n’ekanuni z’Ebibulia. Abo nibo balinya enkora mazima, kandi betuma. (Emigani 10:4, 26; Abaheburania 13:18) Nikwo nk’okwo Ekigambo kya Mungu kitwegesa okuridhika nebintu ebyelazima, kandi kushemelerwa obunywanyi amoi na Mungu kukila ebintu byona.​—Shoma Matayo 6:24, 25, 33; 1 Timoteo 6:8-10.

Okwegendesheleza n’ekanuni z’Ebibulia nikulinda obulola bwaitu. (Emigani 14:30; 22:24, 25) Nk’okwo okuhondera emiku ya Mungu elikututanga obutamile kutulinda nokuhutala anga n’endwara ezili kuletwa etamilo. (Emigani 23:20) Yehova natujubula kunywa ebitamiza omukwebalila. (Ezaburi 104:15; 1 Abakorinto 6:10) Ekanuni za Mungu nizitutatira twekebele omubikorwa byaitu, nebitekelezo byaitu. (Ezaburi 119:97-100) Kyonkai Abakristo abamazima tibalikworobera miku ya Mungu orwo kubona omugasho. Nibakola batyo kaborobera Yehova nokumugonza.​—Shoma Matayo 5:14-16.