Emyegeso egi y’Ebibulia eyotwegile omukatabo aka egumisize engonzi zawe ali Mungu. Engonzi ezo nzetaga kugendelezibwa. (1 Petero 2:2) Ili obase kubona obulola bweirai lyona, osaine kugendelelea kwilila hai na Mungu no kushoma ekigambokye.​—Shoma Yohana 17:3; Yuda 21.

Okwo olikugenderera kugila obumanyi ali Mungu nikwo omwesigo gwawe gulagila amani muno. Omwesigo nguija kukujuna kushmeleza Mungu. (Abaheburania 11:1, 6) Nigwija kukwinegeza koyechuza no kuindula emitulire yawe.​—Shoma Ebikorwa 3:19.

Nitumanya okwo olikwenda muno kugambira abandi ebyo oyegile. Ichwe chwena ntushemelerwa kugambila abandi amakuru garungi. Okwo olikugenderera kushoma Ebibulia, noija kumanya kugyejunisa, nokumanyisa abandi amakuru garungi ga Yehova.​—Shoma Abaroma 10:13-15.

Abantu bangi babanza kulangilila amakuru garungi ali banywanyi babo anga aboruganda lwabo. Ogile amagezi. Kushaga kubagambila nk’okwo edini yabo ti ya mazima, obagambire abikwete ashubi za Mungu. Kandi oijuke nk’okwo abantu buli kanya mbashemelerwa ebigilo byawe kushaga nebyo oligukamba.​—Shoma 2 Timoteo 2:24, 25.

Kwega Ekigambo kya Mungu nkubasa kukujuna kwilila hai na Mungu. Anzindo, nobasa kugila obunywanyi bwa hai amoi na Mungu. Kandi, nobasa kuungila aliwenene okagya omukichweka ky’ekaye.​—Shoma 2 Abakorinto 6:18.

Wakubasa kumanye bingi ebya Mungu omu kugenderera kwega ekigambo kya Mungu. (Abaheburania 5:13, 14) Nobasa kushaba Omujulizi wa Yehova ayege Ebibulia amo naiwe omu kutumia ekitabo Ebibulia Netwegesaki? Okwo olagenderera kwega kuruga omu Kigambo kya Mungu, nikwo alagenelela kugoshoka omu mitulire yawe.​—Shoma Ezaburi 1:1-3; 73:27, 28.

Alio amakuru garungi agalikuruga ali Yehova Mungu aina ebyera. Nobasa kumwilila ai omukwema amaoi na abantu bawenene. (Abaheburania 10:24, 25) Orwo olikugenderera kwekaza kushemereza Yehova, noyekaza kubona obulola obuli bwamazima, obulola bwe eilai lyona. Kwilila hai nikyo kintu kilungi muno ekyo oshobora kukola.​—Shoma 1 Timoteo 1:11; 6:19.