EISOMO LYA 8
Kubaki Mungu Najubura Ebibi n’oBushasi?
1. Ebibi bikabanza bitai?
Mungu ajubuire abantu bentware omu kanya kangi babase kubona nk’okwo tibabasa kumara bwemba byabo
Ebibi bikabanz’omunsi orwo Shetani yagambire ebishuba bya mbele. Shetani tarabandize ali mubi orwoyatonzirwe. Akaba ali malaika omugororoki, kyonka “taba wa mazima” anga tarayemereire mumazima. (Yohana 8:44) Akagira amairu go kwenda kwegashanizibwao okwo owo kwegashanizibwao; ni Mungu wenka. Shetani akabeiy’omukazi wa mbele Eva yamwohya aikirize wenene ataikiriza Mungu. Adamu nawe akahondera Eva omubushengi obwo. Oburamuzi bwa Adamu bukareta amashasi n’orufu.—Shoma Embandizo 3:1-6, 19.
Shetani orwo yayohize Eva atahuliriza Mungu akabanza obushengi aha butwazi bwa Mungu anga nka Mungu niwe alikugasha kutwala. Abantu bangi bahondeire Shetani n’okwanga Mungu kaba mutwazi wabo. Kityo, Shetani abaire “mutwaziw’ensi egi.”—Shoma Yohana 14:30; 1 Yohana 5:19.
2. Isi, okutonda kwa Mungu kukaba kwina akamogo?
Emilimo yona eya Mungu migorogoki. Abantu amoi n’abamalaika bakatondwa baina obushobora bwo kuhuliriza ebiragiro bya Mungu. (Obwijukiro bw’Ebiragiro 32:4, 5) Mungu akatutonda twin’ejuburo eyo kuronda kukora ebirungi anga ebibi. Ejuburo egyo netua akanya akokworekya engonzi zaitu ali Mungu.—Shoma Yakobo 1:13-15; 1 Yohana 5:3.
3. Kubaki Mungu alekile abantu kabagendelera kushasha?
Yehova ayehaile akanya kokwegumisiiliza aha bushengi obulikushenga Obukamabwe. Kubaki? Kibase kuzoka nk’okwo taliyo kyona kyona ekya kugoshoka ahabutwazi bw’abantu butainamu Yehova. (Mwegesa 7:29; 8:9) Omumyaka 6,000 ekyo kizokire kyamazima. Abatwazi bensi balemirwe kuiyao endashana, obushuga, amazima kubura, n’endwara.—Shoma Yeremia 10:23; Abaroma 9:17.
Butali nka bukama bwa bantu, Obukama bwa Mungu nibwija kuletera abantu abali kubwikiriza omugasho. (Isaya 48:17, 18) Akanya akali hai Mungu naija kwiyao obukama bw’abantu. Abantu abalatul’omunsi, nibalinya abalikwikiliza kutwarwa Mungu.—Isaya 11:9; Shoma Danieli 2:44.
4. Okulindirira kwa Mungu nikutua kashangoki?
Shetani akolekya nk’okwo taliyo muntu ayakubasa kukolela Mungu omungonzi. Isi, wakwenzire kwanga ebishuba ebyo? Wakubasa kuk’olotyo! Okulindilila kwa Mungu kutuhaile akashang’akokworekya nkatuli orubaju rwo bukama bwa Mungu anga obukama bw’abantu. Nitubasa kworekya tuly’orubaju lw’obukamaki kuraba omitulire yaitu.—Shoma Yobu 1:8-12; Emigani 27:11.
5. Nitubasa kuronda Mungu kuba Mutwazi waitu tutai?
Oburamuzi bweitu mbwolekya katulaba ntwenda Mungu kaba Mutwazi waitu
Nitubasa kuronda Mungu kuba Mutwazi waitu omukwega emyegashanize y’amazima eli kuruga omuKigambo kye Ebibulia. (Yohana 4:23) Nitubasa kumwanga Shetani kaba mutwazi waitu omu kutantara esiasa, nendashana nk’okwo Yesu yakozire.—Shoma Yohana 17:14.
Shetani nakoza obushobora bwa inabwo kusindika abantu kaba gira emitulire mibi n’okukora ebili kushasa abandi. Katuli kulekera ebintu ebyo, batai baitu abandi na batani baitu, nibabasa kutushekelela no kutuhakanisa. (1 Petero 4:3, 4) Kityo, aliyo oburamuzi obwo tulakola. Isi, tulayema amoi nabalinya abalikwenda Mungu? Isi, tulahondera emiku yawenene ey’obumanyi nengonzi? Katulakola tutyo tulayolekya nk’okwo Shetani akabeiya orwo yayolekize ati taliyo muntu aya kubasa kuhondera Mungu kaya kugira amatangwa.—Shoma 1 Abakorinto 6:9, 10; 15:33.
Engonzi za Mungu ezo ainazo aha bantu nizolekya nk’okwo ebibi n’obushasi nibija kuwao. Abali kuronda obutwazi bwa Mungu nibaija kushemelerwa oburola eirai lyona omunsi.—Shoma Yohana 3:16.
