Yehova akaheleza abantu ensi. Ensi bwikalo bwaitu. Kityo, abantu bambele, Adamu na Eva, tibatonzilwe bagye kwikara omwiguru, orwokuba Mungu akaba yatonzile abamalaika kabaikala omwiguru. (Yobu 38:4, 7) Ahalwekyo, Mungu akateka omuntu wambele omuparadiso enungi; eyayetwaga ebustani ya Edeni. (Embandizo 2:15-17) Yehova akaheleza Adamu amoi nabana aboyakuzaile eshubi nungi eyokushemelerwa oburora eirai lyona.​—Shoma Ezaburi 37:29; 115:16.

Ambandizo, ebustani ya Edeni yonkai niyo yabaire eli Paradiso. Abantu bambele abo, bakuzalangaine baijuza ensi. Akanya akakuondeileo, bakwijwize ensi yona n’okugikola keba paradiso. (Embandizo 1:28) Ensi telihwelekerizibwa nakati. Eligenderera kuba bwikalo bwabatu ebilo byona.​—Shoma Ezaburi 104:5.

Adamu na Eva tibayorobaire Mungu. Kityo, bakabingwa omubustani egyo. Aho Mungu ababinga omubustani egyo eparadiso ehwerekerera. Kandi, tialio muntu wenawena owokugigarulao. Ebibulia negambeti: “Ensi eli omu mikono y’ababi.”—Yobu 9:24.​—Shoma Embandizo 3:23, 24.

Isi, Yehova alemirwe kugobeshereza ekigenderero kye? Chei! Wenene n’omushobola byona. Niwenene wenkai alikubasa byona. Taina kulemwa. (Isaya 45:18) Naija kugarura abantu omumitulire mirungi nk’okwo yabaire agendereile.​—Shoma Ezaburi 37:11, 34.

Eparadiso eligarurwa omunsi Yesu orwo alija ali Mukama owo Bukama bwa Mungu. Kandi alija ashube arwane  ebiita ebilikwetwa Arimagedoni. Alyebembera abamalaika ba Mungu kabahwerekereza abantu bona ababi. Ahanzindo Yesu alikoma Shetani omukifungo emyaka 1,000. Abantu ba Mungu balirokoka ebita ebya Arimagedoni. Orwokuba Yesu alibalinda. Balishemelerwa oburora omuParadiso.​—Shoma Okushurulirwa 20:1-3; 21:3, 4.

Mungu aliiyao obushasi omunsi maki? Yesu akatwolekya “akabonero” orw’ekilo kyenzido kililila hai. Ebintu ebili omunsi kanya aka nibyolekya nk’okwo ebilo ebi nebya “amaheleruka.”​—Shoma Matayo 24:3, 7-14, 21, 22.

Omubutwazi bwa Yesu obw’emyaka 1,000 olwaliba alimukama wensi kuruga omwiguru, kwiyao obushasi bwa abantu bwona. (Isaya 9:6, 7; 11:9) Kandi, Yesu alitwal’ensi ali Muheleza Mukuru. Alyogya entambala za abantu abagorogoki bona. Kityo, kuraba ali Yesu Mungu naija kwiyao endwara, okugurusha, n’okufa.​—Shoma Isaya 25:8; 33:24.

Balinya abalikuhuliriza Mungu nibo balitura omuParadiso. (1 Yohana 2:17) Yesu akatuma entumwaze kuhiga abantu abalikwenda kuhuliriza ebyo Mungu alikwenda. Kanyaka Yehova natekateka embaga ya abantu, abaleikala omunsi eli Eparadiso. (Zefania 2:3) Omumajumba ga Abajulizi ba Yehova, abantu begelamu okwo balaba bashaija, bakazi, anga bazaile barungi. Abana amoi n’abazaile babo nibegashaniza amoi n’okwega okwo barashemelerwa amakuru agarungi.​—Shoma Mika 4:1-4.