Alio abantu abagorogoki omudini zona. Makuru garungi kumanya nk’okwo Mungu nabona abantu abo kandi abeteileo. Kyonkai, kintu kyokushasha kumanya nk’okwo edini ezindi zigendesheleize ebintu ebibi. (2 Abakorinto 4:3, 4; 11:13-15) Nk’okwo ebyombo bya amakulu bilikugamba, edini nanka nizegendesheleza omubugaidi, okwita amaanga ga bantu, omubita, okukola abana kubi. Ekintu ekyo nkibajunaaza muno abatu ba Mungu abagorogoki!​—Shoma Matayo 24:3-5, 11, 12.

Norwo edini eyamazima elikuhaisiliza Mungu, edini eyebishuba nemujunaaza. Neyegesa ebintu ebitali kuzoka muBibulia, amoi nemyegeso yebishuba ekoite ali Mungu nekoite ahabafu. Kyonkai Yehova nayenda abantu bege amazima agakoite aali wenene.​—Shoma Ezekieli 18:4; 1 Timoteo 2:3-5.

Amakuru agarungi ni nk’okwo Mungu tabeiwa na dini ezilikwekola kumushemereza okwo nzigonza ebintu ebyensi amoi na Shetani. (Yakobo 4:4) Ekigambo kyaMungu nikyeta edini zoona ezebishuba “Babiloni rubamba.” Babiloni kikaba kili kikale ekye irai, mbali edini zebishuba zabandize orwa mbele orwo Egarika ya Noa yaoile. Akanya akalaija Mungu naija kuhwerekereza edini ezebishuba zona ezili kubeia abantu amoi nokubashasha.​—Shoma Okushurulirwa 17:1, 2, 5, 16, 17; 18:8.

Alio amakuru agarungi agandi. Yehova takebilwe bagorogoki bawenene abenaganagile omudini zebishuba omumaanga gona. Natelanisa abantu abo kuraba akwega amazima.​—Shoma Mika 4:2, 5.

Yehova ayeteileo abantu abalikwenda ebirungi na amazima. Nabatekamu omwoyo (nabatamu ekiika) baluge omudini ezebishuba. Abantu abali kugonza Mungu nibetamu ekihika kuhinduka nokubanza kukola ebyo Mungu alikwenda. Niba mushemereza.​—Shoma Okushurulirwa 18:4.

Abantu abagorogoki bakashanduka orwo baulile amakulu garungi kuruga omuntumwa, omukaline yambele. Bakega emiand’emiyai yemikalile kuruga ali Yehova emianda yawenene, ekigendelelelokye, n’eshubi ye. Bakatutelao emianda mirungi kanya aka orwokuba baketabuka amakulu agalungi omukwebembeza Yehova omumitulire yabo.​—Shoma 1 Abatesalonike 1:8, 9; 2:13.

Yehova nanyegeza balinya abali kuleka edini zebishuba bemeamoi neka yawenene eya abegashanizi bamazima. Kolaikiriza kunyegezibwa na Yehova, oraba munywanyi wa wenene olashemelerwa obumoi amoi nabegashaniza ba Yehova omungonzi, nokubona obulola obutaliaga.​—Shoma Mariko 10:29, 30; 2 Abakorinto 6:17, 18.

Eiramu elilikwija elikwete aha dini yebishuba, makuru garungi ngaija kuleta emilembe, turuge amukubonabonesibwa kwenaku omunsi egi. Edini eyebishuba teliabisa lundi anga kushorola abantu olundi. Abantu bona abalitula balitelanisibwa amoi, nenyegasha niza eya Mungu omoi owamazima.​—Shoma Okushurulirwa 18:20, 21; 21:3, 4.