EISOMO LYA 2
Mungu Nowai?
1. Kubaki twegashanize ali Mungu?
Mungu Ow’amazima niwe Mutonzi we’bintu byona. Taina mbandizo anga ndekerelo. (Ezaburi 90:2) Niwe ntambuko ya makuru garungi agali omuBibulia. (1 Timoteo 1:11) Orwokuba Mungu niwe yatutonzile kitusaine kwegashaniza ali wenene wenka.—Shoma Okushurulirwa 4:11.
2. Mungu ali atai?
Taliyo muntu alaboine Mungu orwokuba wenene mwoyo. Mungu taina mubili gwabwamba nk’ebintu ebitonzirwe ebili omunsi. (Yohana 1:18; 4:24) Kityo, nitubasa kumanya okwo Mungu ali omukuleba ebintu ebyo yatonzire. Nk’okwo ebiraba n’orwakyo lwa bulingeli bilikushurula engonzi n’obumanyi bwa Mungu, obuango bwe nsi, na amani ga Mungu.—Shoma Abaroma 1:20.
Nitubasa kwega bingi ahabikwete ali Mungu omukushoma Ebibulia. Ebibulia netushoborora ebintu ebyo Mungu alikwenda nebyo alikutamwa, no’kwo alikweulira abantu orwo balikumutamisa anga kumushemereza.—Shoma Ezaburi 103:7-10.
3. Isi, Mungu aina eibara?
Yesu akagamba: “Isheichwe asingiire omwiguru, eibara lyawe lihabwe ekitinwa.” (Matayo 6:9) Norwo Mungu aina amabara gangi age bitiinwa kyonka aina eibara limoi lyonka. Omundimi zingi tilikugambwa kumo. Kyonka umuRuhaya ni “Yehova” kyonka abantu abandi mbagamba “Yahweh.”—Shoma Ezaburi 83:18, “Tafsiri ya Ulimwengu Mpya.”
Eibara lya Mungu baliilemu omuBibulia zingi nambali lyabale liandikirwe bakatekao amabara g’ebitinwa nka Mukama anga Mungu kyonka orwo Ebibulia yaandikirwe, eibara elyo likazoka nk’emirundi 7,000. Yesu akakora eibara lya Mungu limanyike orwo yabaire nayegesa abantu ebikwete ali Mungu.—Shoma Yohana 17:26.
4. Isi, Yehova atwetaileo?
Nk’okwo ishe manaogu okwo ain’engonzi nikwo na Mungu okwo alikutugondeza akanya karungi akali kwija
Orwokuba ntushasha muno kanyaaka isi ekyo nkyolekya nk’okwo Yehova ali Mungu atatwetaileo? Abantu abandi mbabona Mungu natuleka tushashe abase kutulengesa kyonka ago ti mazima.—Shoma Yakobo 1:13.
Mungu akaha omuntu ejuburo y’okukora oburamuzi. Nitusima muno egyo ejuburo yokuramura kukolera Mungu. (Yoshua 24:15) Kyonka abantu abandi balonzile kukolela abantu abandi ebibi niyonshonga aliyo amashasigangi. Yehova nashasha kalikubona abantu nibakola kubi.—Shoma Embandizo 6:5, 6.
Yehova ni Mungu atwetaileo. Nayenda tushemelerwe emiikalile. Omukanya akali hai naija kwiyao amashasi nabali kugaleta. Omukanyaaka ain’enshonga nungi yokuleka abantu kabashasha. Tulayega enshong’ezo omu Ishomo lya 8.—Shoma 2 Petero 2:9; 3:7, 13.
5. Nitubasatuta kwilira hai na Mungu?
Yehova natunyegeza twilile hai na wenene kuraba omunshara. Nashemelerwa buli wenawena. (Ezaburi 65:2; 145:18) Mwangu owo kuganyira namanya ekihika kyaitu kyo kumushemereza. Norwo akanya akandi tulikushobya. Ahalwekyo norwo tutalibagorogoki nitubasa kushemelerwa kugira obunywanyi na Mungu.—Shoma Ezaburi 103:12-14; Yakobo 4:8.
Orwokuba atuhaile oburora, kisaine tumwende kushag’okwo tulikwenda abantu abandi. (Mariko 12:30) Okwo olikworekya engonzi zawe ali Mungu omukwegabingi ebikwete ali wenene n’okukola ebyo alikwenda nikwo orailila hai nawe muno.—Shoma 1 Timoteo 2:4; 1 Yohana 5:3.
