Amakuru garungi kuruga ali Yehova Mungu w’ebyera, alikwenda amaka kagagila ebyera. (1 Timoteo 1:11) Wenene niwe yabandisize obushwere. Obushwere obuli kwikirizibwa n’emiku yensi nibyo bulikugasha omu maka kugira amashemelerwa, abana omumaka nibabasa kugira obwikarage. Abakristo kibasaine kukunira emiku y’ensi zabo orwo bali kuandikisa obushwere bwabo.​—Shoma Luka 2:1, 4, 5.

Mungu nabonata obushwere? Mungu nayenda obushwere bube bwokugenderera aha mushaija n’omukazi. Yehova nayenda abakazi na abashaija babe bagorogoki omu bushwere bwabo. (Abaheburania 13:4) Natamwa okutanukana. (Malaki 2:16) Kyonka, Mungu najubula Omkristo kutanukana n’okushwera anga kushwerwa orundi k’omuntu yakukora obusiani.​—Shoma Matayo 19:3-6, 9.

Yehova akatonda abashaija na abakazi babase kugobeshelezangana omubushwere. (Embandizo 2:18) Omushaija niwe mutwe gwe eka, alwekyo kimsaine kutekateka ametage g’eka ya wenene agobunyama, nokubegesa abikwete ali Mungu. Aseine kwenda mukazi wawenene n’okuiyayo arwenshonga y’omukaziwe. Omushaija n’omukazi basaine kwendangana n’okukunilangana. Orwo kuba talio mushaija anga mkazi agobaine kisaine kwega kuganyilangana ili obushwere bugire ebyera.​—Shoma Abaefeso 4:31, 32; 5:22-25, 33; 1 Petero 3:7.

Kamulaba mwine ebyemba omu bushwere bwanyu, nywena msaine kwekaza kukolelana omungonzi. (1 Abakorinto 13:4, 5) Ekigambo kya Mungu tikikujubula kwangana kuba muanda gwo kumara ebyemba ebilikuzoka omubushwere.​—Shoma 1 Abakorinto 7:10-13.

Yehova nayenda mugile amashemelerwa. Nabaa emiano milungi abikwete okwo mwakushemelerwa obusigazi bwanyu. Nayenda mugile omugasho n’obumanyi bwa abazeile banyu. (Abakolosai 3:20) Kandi Yehova nayenda mugile amashemelerwa agali kuruga akumukolela wenene n’Omwana wa wenene.​—Shoma Mwegesa 11:9–12:1; Matayo 19:13-15; 21:15, 16.

Kisaine kukola emilimo n’ekika, babase kutekatekela abana babo ekya kulya, obwikalo, n’ebijwalo. (1 Timoteo 5:8) Kyonka abana banyu babase kugila amashemelerwa, nimwetaga kubegesa bende Mungu nokwega kuruga ali wenene. (Abaefeso 6:4) Enyegendeleza yanyu y’okwenda Mungu neija kubainegeza muno abana banyu. Kamlayesiga Ekigambo kya Mungu, ebilagilo ebyo mulikubaa mbibasa kugajuna babe ne milebele milungi.​—Shoma Obwijulikilo by’Ebilagilo 6:4-7; Emigani 22:6.

Abana mbaija kushemelerwa kamulabatamu ekika n’okubasima. Mbetaga kugororwa amoi nokuanwa. Kubamanyiza omuanda ogwo nkwija kubajuna kutantala emimanyilile eya kubakola babulwe amashemelerwa. (Emigani 22:15) Kyonka, omuano tigusaine kukolwa omundwano anga omubukatili.​—Shoma Abakolosai 3:21.

Abajulizi ba Yehova bachapishe ebitabo by’engeli zingi ebyokugenderera kujuna abazaire na abana. Ebitabo ebyo mbigendanwa n’Ebibulia.​—Shoma Ezaburi 19:7, 11.