Kushaga omuntu wenawena, Yesu akatula omwiguru ali ekitondwa ky’omwoyo atakazairwe munsi. (Yohana 8:23) Niwe yatonzirwe mbele, akema amoi na Mungu kutonda ebintu ebindi byona. Nayetwa “omwana omumoi” wa Mungu orwokuba wenene wenka niwe yatonzirwe aliwenka na Mungu. (Yohana 1:14) Yesu kandi nayetwa “Kigambo” aharwokuba niwe yabaire alimgambi wa Mungu.​—Shoma Emigani 8:22, 23, 30; Abakolosai 1:15, 16.

Mungu akatuma Omwanawe omunsi omukufulura oburora bwa wenene kuruga omwiguru nokubuteka omwibunda lyo omwisiki Omuyaudi alikwetwa Maria. Aharwekyo Yesu tiyabaire aine ishe, omuntu. (Luka 1:30-35) Yesu akaija omunsi (1) kwegesa amazima agakwete ali Mungu, (2) kututelao obulebelo okwo twakubasa kukora ebyo Mungu alikwenda, norwo katwakuba tuli omubushasi (3) kugira oburol’abwe obugobaine bube “kichunguzo.”​—Shoma Matayo 20:28.

Ekichunguzo nekintu ekilikukolwa kibase kuchungura omuntu. (Okuruga 21:29, 30) Mungu akaba atagendeleile abantu kabagurusha n’okufa. Nitumanya tutai ekintu ekyo? Mungu akagambila omuntu wambele, Adamu, nk’okwo kayakukozile kilinya ekyo Ebibulia eyeta “entambara” ya kufile. Kuba Adamu atakozile entambara, tiyakufile. (Embandizo  2:16, 17; 5:5) Okwo Ebibulia elikugamba orufu “rukaletwa” omunsi kulabila ali Adamu. Kityo, Adamu akasikisa oluzalolwe lwona entambala amoi na eki bonabony’o kye entambala orufu. Ntwetaga ekichunguzo tubase kuchungurwa kuluga aha kibonabony’o kyo orufu ekyo twasikile kuruga ali Adamu.​—Shoma Abaroma 5:12; 6:23.

Nowa ayakubasize kulipa ekichunguzo abase kutuchungura kuruga omurufu? Orwo tulikufa, nitulipa ekibonabony’o kye entambala zeitu. Omuntu atagobaine tiyakubasa kulipila ntambara zabandi.​—Shoma Ezaburi 49:7-9.

Yesu tinkaichwe, orwokuba akaba agobaine. Aharwekyo Yesu akaba atasaine kufa orwenshongo y’entambala, orwokuba akaba atakakoraga ntambala yonayona. Kyonka, Yesu akafa aharwenshonga y’entambala zabandi. Mungu akatuma Omwanawe atufelekelele kworekya engonzi ziango aha bantu. Yesu akashuba yatwoleka engonzi ahakukunila ishe n’okufa orwenshonga y’entambala zaitu.​—Shoma Yohana 3:16; Abaroma 5:18, 19.

Orwo yabaire ali omunsi, Yesu akatamba endwara, yahimbula abafu, no kujuna abantu ababaire bali omumashasi. Kityo, akolekya ebintu ebyo alikolela abantu abagorogoki omukanya akali kwija. (Matayo 15:30, 31; Yohana 5:28) Yesu kayafile, Mungu akamuhimbula ali ekitondwa ky’omwoyo. (1 Petero 3:18) Aho, Yesu akalinda ali amkono gwa bulyo gwa Mungu mpaka orwo yaharwe obushobora byo kutwala ali Mukama ahaigulu yensi yona. (Abaheburania 10:12, 13) Mbwenu, Yesu natwala ali Mukama omwiguru, nabaondezibe nibaranga amakuru ago, agarungi omunsi yona.​—Shoma Danieli 7:13, 14; Matayo 24:14.

Omwanya gugufi, Yesu naija kukoza obushobora bw’Obutwazi bwa wenene kwiyao amashasi gona na bali kukola kagabao. Bona abali kwesiga Yesu n’okumukunira nibaija kushemelerwa oburora omunsi elaba eli paradiso.​—Shoma Ezaburi 37:9-11.