1. N’ohai ayatuhaire oburora?

YEHOVA niwe “Mukama nyakumelerae.” (Yeremia 10:10) Niwe mutonzi waitu, nawe atuhaire oburora. Ebibulia negamba eti: “N’iwe watonzire byona aha rw’okuba okenda byahangwa byabaho.” (Okushurulirwa 4: 11) Nikwo, Yehova nayenda turore. Oburora gabo kuruga ahali Yehova.​—Shoma Ezaburi 36:9.

2. Nitwetaga kukoraki tubase kugira emikalire mirungi?

² Yehova natutekatekera ametage nke ekyakulya n’amaizi tubase kurora. (Ebikorwa 17:28) Ekishagireho, nagonza tushemelerwe emikalire yaitu. (Ebikorwa 14:15-17) Twakugira emikalire mirungi, katwakworobera emiku ya Katonda.​—Isaya 48:17, 18.

3. Yehova akakoraki orwo Kaini yaisire Abeli?

³ Ebibulia netwegesa nk’okwo Yehova nayetaho oburora bwaitu nobw’abandi. Obulebero bumoi nibwobu: Kaini omwana wa Adamu na Eva orwo yanigalire murumunawe Abeli, Yehova akatatira Kaini ati, oramanya ekiniga kyawe. Kyonka Kaini tiyahulilize Katonda, akagendelera kunigara aha nzindo “achokera murumunawe Abeli, amwita.” (Embandizo 4:3-8) Yehova akabonabonesa Kaini orw’enshonga akaita Abeli. (Embandizo 4:9-11) Kityo, kintu kibi muno kugira ekiniga n’obubi orw’enshonga nibibasa kututahya omu bintu by’obukuutu anga obukatili. Abantu abaina obukuutu tibalibona burora bweirai lyona.  (Shoma 1 Yohana 3:15.) Tubase kushemeleza Katonda, nitwetaga kugonza abandi.​—1 Yohana 3:11, 12.

4. Omuhango ogwo Katonda yahaire Abaisiraeli ogukwete aha burora nigutwegesaki?

⁴ Emyaka eyahondeireho, Yehova akorekya nayetaho oburora orwo yahaire Musa emihango ikumi. Omuhango gumoi gukaba nigugamba guti “Otaliita.” (Obwijukiro bw’ebiragiro 5:17) Orw’omuntu yakwisire mutahiwe agendeleire, nawe yakwisirwe.

5. Okwihyamu enda Katonda nakubonatai?

⁵ Okwihyamu enda Katonda nakubonatai? Yehova nayetaho n’oburora bw’omwana atakazairwe. Omuhango ogwo Yehova yahaire Abaisiraeli, akabagambira okwo omuntu wena wena ayakuhutaize omukazi aina enda nayo ekarugamu n’omwana akafa, omuntu ogwo yakwisirwe. (Shoma Okuruga 21:22, 23; Ezaburi 127:3.) Ekyo nikitwegesa okwo okwiyamu enda ntambara.​—Shoma Ekishoborozo Ekyongeirweho  28.

6, 7. Nitubasa kworekya tutai nk’okwo nitubona oburora nka Yehova okwo alikububona?

⁶ Nitubasa kworekya tutai nk’okwo nitubona oburora bwaitu n’obwabandi nka Yehova okwo alikububona? Tutakora bintu ebyakubasa kutwita anga kwita abantu abandi. Kityo tutakunywa sigara, tutakulya emirungi (obugoro) anga kunywa emibazi elikutamiiza orw’enshonga nibibasa kutwema kubi n’okutwita.

⁷ Katonda niwe atuhaire oburora n’omubili gwaitu, naichwe nitwetaga kutura kwigana n’ekigendelerokye. Aha rw’ekyo nitwetagwa kugwikazage. Katutakozire tutyo, tulaba tutasaine omu maisho ga Katonda. (Abaroma 6:19; 12:1; 2 Abakorinto 7:1) Yehova taikilize mwegashanizo gwaitu, katutetaireho burora obwo atuhaire. N’orwo kitalikyangu kulekera emyegendeshereze egyo,  katurayekaza Yehova aratujuna kulekera emimanyilire engyo orw’enshonga ayetaireho oburora bwaitu.

8. Twakubasa kwolekya tutai okwo tulikwetaho oburora bwaitu n’obwabandi?

⁸ Twegire nk’okwo oburora gabo y’eiguzi lihango. Yehova namanya okwo turayekaza kwikazage oburora bwaitu n’obwa abandi. Kityo nitwetaga kubugage emotoka, epikipiki, n’ebindi ebyo tulikubuga. Tulekere emizano mibi anga ey’obukuutu. (Ezaburi 11:5) Kandi nitwekaza kwikaza emilembe omu maka gaitu. Yehova akaragira Abaisiraeli ati: “k’olyombeka enju, ogyombekeho n’akago aha rushwi otarija okaletera enju yawe entambara y’obwita muntu. kuba omuntu yakwema aha rushwi akuntuka.”—Obwijukiro bw’ebiragiro 22:8.

9. Nitwetagwa kukolera tutai ebigunju n’ebitunganwa?

⁹ Kandi Yehova nayetaho okwo tulikukolera ebigunju n’ebitunganwa. Najubura bibagwe orw’enshonga y’ekyakulya n’ebijwaro, anga biitwe orwo nibyenda kutuhutaza. (Embandizo 3:21; 9:3; Okuruga 21:28) Kityo, tutakubibonabonyia n’okubiitila bushai.​—Emigani 12:10.

10. Nitumanya tutai okwo obwamba nibwo burora?

¹⁰ Obwamba butakatifu omu maisho ga Yehova, orw’okuba nibwo burora. Orwo Kaini yamazire kwita Abeli, Yehova akamugambira ati: “Obwamba bwa murumuna wawe bwemire omw’itaka nibuntakira.” (Embandizo 4:10) Obwamba bwa Abeli nibwo bwabaire buli burorabwe, kandi Yehova akabonabonesa Kaini orw’enshonga akaita Abeli. Orwo ebiro by’omutunga gwa Noa byarabireho, Yehova akashuba yayorekya nk’okwo obwamba nibwo burora. Akajubura eka ya Noa babage ebigunju orw’enshonga y’ekyakulya kushai.  Akabagambira ati: “Buli kyekurura ekina oburora, kibe kyakulya kyanyu. Nk’okwo nabahaire ebimera nimbaha buli kantu.” Kyonka Yehova akabatanga ekintu kimoi: “Otalilya nyama einamu oburora—obwamba bwayo—mutabulya.”​—Embandizo 1:29; 9:3, 4.

11. Nimuhangoki ogukwete aha bwanba ogwo Katonda yahaire Abaisiraeli?

¹¹ Emyaka 800 kayabaire yarabireho kwema orwo Yehova yagambiire Noa atalilya bwamba, akashuba yagambira abantube ati; “Omwisiraeli wena wena anga omufuruki arabafurukiragamu, arashangwaga ahigire akakwata ekigunju anga ekinyonyi ekyakulibwa, asheshe obwamba bwakyo amare abushweke n’eitaka.” Akashuba yayongeraho ati: “Mutalilya bwamba bwa kitondwa kyona kyona.” (Eby’abalevita 17:13, 14) Yehova akaba akyayenda abantube babone okwo obwamba buli takatifu. Bakajuburwa kulya enyama, kyonka ti bwamba. Orwo bakubagire ekigunju bakushesire obwamba bwakyo.

12. Abakirisito nibabona batai obwamba?

¹² Kayahingwire emyaka mike Yesu afire, entumwa n’abagurusi b’enteko z’ekikirisito omuli Yerusalemu, bakaterana hamoi kuramura nimihangoki eyo Abaisiraeli bahairwe eyo Abakirisito balikwetagwa kuhonderwa. (Shoma Ebikorwa 15:28, 29; 21:25.) Yehova akabajuna bashobokerwe okwo obwamba omuli wenene bukaba bukyaina eiguzi lihango, nabo bakaba nibetaga kubukunira. Abakirisito abakarai tibalire bwamba, kubunywa anga kulya enyama ey’ekigunju ekimyoirwe. Okulya anga okunywa obwamba ntambara mpango elikushanangana okufukamira ebishushani anga okusiyana. Kuruga kanya ako n’okugendelera, Abakirisito ab’amazima tibalire anga kunywa obwamba. Isi, kany’aka? Yehova nagonza tukunire obwamba orw’enshonga butakatifu.

13. Kubaki Abakirisito ab’amazima tibali kwikiliza kutekwamu bwamba omu mubili?

 ¹³ Isi, ekyo nikyorekya nk’okwo Abakirisito ab’amazima nibetaga kwanga kutekwamu obwamba omu mubili? Ego. Yehova naturagira tutanywa anga kulya obwamba. Dakitari kayakukugambira otanywa marwa, isi, wakwikiliza bagakurabye omu misi? Ndenga chei! Aha rw’ekyo, omuhango gw’okutalya anga kunywa bwamba nigworekya okwo titwina kwikiliza kutekwamu bwamba omu mubili.​—Shoma Ekishoborozo Ekyongeirweho 29.

14, 15. Kubaki nikigasha Abakirisito bakunire oburora n’okworobera Yehova?

¹⁴ Kyakuba kitai orwo dakitari yakukugambira ati, kolaba otatairwemu bwamba omu mubili noija kufa? Buli muntu nayetaga kukora oburamuzibwe obukwete aha kuhondera amateka ga Katonda ag’obwamba. Abakirisito nibakunira muno oburora orw’okuba gabo kuruga ahali Katonda. Kandi naichwe nituhiga emitambire endijo etali yakutekwamu bwamba, kyonka titulikwikiliza kutekwamu bwamba.

¹⁵ Orw’okuba oburora bwina eiguzi omu maisho ga Katonda, ichwe nitwekaza kwikazage emibili yaitu. Kyonka titulikwikiliza kutekwamu bwamba omu mubili tubase kugendelera kurora. Kisaine muno kworobera Yehova kukiraho okuhondera emihanda eyo atalikwikiliza, aha mugendelero gw’okurokora oburora bwaitu. Yesu akagamba ati: “Aligonza kuhungya oburorabwe bulimufera, kandi alyanga oburorabwe aha bwange, ogwo alibwihura.” (Matayo 16:25) Nitworobera Yehova orw’enshonga nitumugonza. Nawe namanya ebintu ebilikutugasha. Nka wenene nitukunira oburora n’okububona buli butakatifu.​—Abaheburania 11:6.

16. Nikintuki ekyo Abakozi ba Katonda balikumanya geigeigei?

 ¹⁶ Abakozi ba Katonda abesigwa, baragaine kworobera omuhango gwa Katonda ogukwete aha bwamba. Tibalikulya anga kunywa bwamba, kandi tibalikwikiliza kukoza bwamba omu kutambirwa kwabo. * Aha rw’ekyo nibaikiliza okutambirwa omu ngeli endijo babase kurokora oburora. Nibamanya okwo Omutonzi w’oburora namanya ebintu ebina omugasho ahali bonene. Isi, noyesiga otyo?

17. Yehova akajubura Abaisiraeli bakoze batai obwamba?

¹⁷ Kulabira ahali Musa, Yehova akaha Abaisiraeli amateka aga: “Oburora bw’omubili buli omu bwamba, kandi mbubahaire ahali arutare kwatilira emyoyo yanyu; [mubase kuganyirwa] aha rw’okuba obwamba nibwo bwatililira.” (Eby’abalevita 17:11) Abaisiraeli orwo bakoraga entambara, bakushabire Yehova abaganyire omu kumuha ekitambo ky’ekigunju n’okushaba omukuhani asheshe obwamba bwakyo ahali arutare eya rwensinga. Yehova akaikiliza Abaisiraeli bakoze obwamba aha rw’enshonga y’ekitambo kushai.

18. Ekitambo kya Yesu nikitukora tubase kubonaki?

¹⁸ Yesu orwo yaizire omu nsi, akahindura amateka g’okutamba ebitambo by’ebigunju, aha kwetamba wenene, ichwe tubone kuganyirwa entambara zaitu. (Matayo 20:28; Abaheburania 10:1) Oburora bwa Yesu bukaba buli bw’eiguzi lihango, niyo nshonga orwo yahimbwirwe n’okushuba omwiguru, Yehova yakuhaire  abantu akanya kokwija kutura eirai lyona.—Yohana 3:16; Abaheburania 9:11, 12; 1 Petero 1:18, 19..

19. Nitwetaga kukoraki tubase kurangilira abantu bona ebikwete ahali Yehova?

¹⁹ Nitusiima Yehova orw’enshonga y’egabo nungi ey’oburora. Nitwenda kumanyisa abandi nk’okwo kabarayesiga Yesu, barabasa kurora eirai lyona. Nitubenda, aha rw’ekyo nitukora byona ebyotulikubasa tubase kubegesa okwo bakubasa kubona oburora. (Ezekieli 3:17-21) Nk’entumwa Paulo, nintwija kugamba tuti: “Tinayefunyire kubagambira byona ebyo Katonda alikugonza.” (Ebikorwa 20:26, 27) Naichwe, nitworekya okwo tulikukunira oburora omu kushoborora abandi ebikwete ahali Yehova n’okwo alikubona oburora buli bw’eiguzi.