EISOMO LYA 01

Ebibulia Nebasa Kukujuna Etai?

ZANISA

Ichwe ichwena nitwebaza ebibazo ebikwete aha mikalire, okubonabona, orufu, na aha kanya akalikwija. Kandi twina akahangahango akakwete aikora lya bulikiro, nkokubona ametage nokugira eka eina ebyera. Abantu bangi bamanyire nk’okwo Ebibulia niyo ebajunire kubona empororo y’ebibazo omikalire, na kandi obuhanuzi bwayo nibwesigwa aha kikwete aha mikalire yabulikiro. Isi, iwe nomanya omuntu wenawena ayakubasa kugoshoka omu kwega Ebibulia?

1. Ebibulia nehorora bibazoki?

Ebibulia nehorora ebibazo ebi eby’omugasho: Oburora bukabanza butai? Emikalire eina kigendeleroki? Kubaki abantu nibabonabona? Nikihai ekilikubaho orw’omuntu alikufa? Norwo buli muntu alikwenda emilembe, aho kubaki omu nsi alimu endashana? Isi, nikihai ekiragwaho ensi egi omu kanya akalikwija? Ebibulia netutamu omwoyo tuhige empororo zebibazo ebyo, nabantu bangi baboine empororo ezilikugasha.

2. Ebibulia nebasa etai kutujuna tushemelerwe emikalire bulikiro?

Ebibulia netuha obuhanuzi burungi. Obulebero ni bwobu, netwegesa okwo twakugira eka ein’ebyera. Kandi, netuhanulira okwo twakwemera emikazo nokwo twakushemelerwa emilimo. Orayega bilinya eby’Ebibulia elikwegesa aha kikwete aha bintu ebyo, n’ebindi bingi omwichapisho eli. Twina obwesige okw’oraikiriza nk’okwo “Ebihandiko byona ebili [omu Bibulia] . . . nibigasha.”—2 Timoteo 3:16.

Eichapisho eli ti Bibulia. Kyonka lirakujuna kuhenjuza Ebibulia. Kityo, nitukutamu omwoyo oshome ebihandiko ebili omu masomo aga kandi obiganise n’ebintu eby’olikwega.

MANYURUZA

Yega omanye okwo Ebibulia ejunire abantu, n’okwo wakubasa kushemelerwa kugishoma, na kubaki noyetaga kuhiga obujuni obase kugishobokerwa.

3. Ebibulia nebasa kutuhabura

Ebibulia nink’etochi elikwaka muno. Twakubasa kukoza Ebibulia kumanya okwo twakukora oburamuzi burungi nokushobokerwa ebintu ebirabaho omu kanya akalikwija.

Shoma Ezaburi 119:105, mushube mufumoreho ebibazo ebi:

Ogu ayahandikire eihandiko eli akaba aina bitekerezoki ebikwete aha Bibulia?
Isi, iwe oina bitekerezoki ebikwete aha Bibulia?

4. Ebibulia nehorora ebibazo ebyo tulikwebaza

Omukazi nanka akashobokerwa okwo Ebibulia eina empororo z’ebibazo ebyabaire nibimwitakubi omu myaka mingi. Yolekya EVIDEO, mushube mufumoreho ebibazo ebi:

EVIDEO: Otakufa Mutima Nakati! (1:48)

Omu video egi, omukazi ogu akebaza bibazoki?
Okwega Ebibulia kukamujuna kutai?

Ebibulia netutamu omwoyo tubaze ebibazo. Shoma Matayo 7:7, mushube mufumoreho ekibazo eki:

Isi, iwe oyebaza bibazoki ebyo Ebibulia yakubasa kuhorora?

5. Nobasa kushemelerwa kushoma Ebibulia

Abantu bangi nibashemelerwa kushoma Ebibulia mara nibagoshoka omu kukora batyo. Yolekya EVIDEO, mara mushube mufumoreho ebibazo ebi:

EVIDEO: Okushoma Ebibulia (2:05)

Omu video egi, abasigazi na abaisiki bakaba nibehulira batai ekikwete aha kushoma?
Kubaki kany’aka nibenda kushoma Ebibulia?

Ebibulia negamba nk’okwo nebasa kutuha enyorekelera elikutuha eshuubi n’okutugumisa. Shoma Abaroma 15:4, mushube mufumoreho ekibazo eki:

Isi, noshemelerwa endagano ey’Ebibulia eyokukuha eshuubi n’okukugumisa?

6. Abantu abandi nibabasa kutujuna kushobokerwa Ebibulia

Okushaaga kushoma Ebibulia bali bonkai, abantu bangi bamanyire nk’okwo nibagishobokerwa kurungi muno orwo balikujunwa abantu abandi. Shoma Ebikorwa 8:26-31, mushube mufumoreho ekibazo eki: