EISOMO LYA 10
Enkiiko z’Abajulizi ba Yehova Nizibasa Kukugoshora Zitai?
Isi, oranyegezibwe aha rukiiko rw’Abajulizi ba Yehova? Koraba otakakiikaga, rundi wakutina orw’olikuralizibwa omurundi gwambere. Rundi wakwebaza oti: Nikihai ekilikukorwa omu nkiiko ezo? Kubaki enkiiko ezo zina omugasho? Kubaki ninyetagwa kukiika?’ Omwisomo eli orayega okwo enkiiko ezo zakubasa kukugoshora n’okukujuna kugira obukwatane burungi ahali Katonda.
1. Kubaki kintu ky’omugasho muno kuterana hamoi?
Omuhandiki nanka ow’Ebibulia akagamba enshonga eziliz’omugasho muno ez’okuterana hamoi, akagamba ati: “Ndasingiza Omukama omu mbaga ekiikire.” (Ezaburi 26:12) Kwakwo, abajulizi ba Yehova nibashemelerwa kuterana hamoi. Omu nsi yona, bonene nibaterana buli wiki kusingiza Katonda, kuhoya, n’okushaba. Buli mwaka, nibaterana omu mirundi mike bali bikundi ebihango babase kwegashaniza ahali Katonda.
2. Noija kwegaki omu nkiiko zaitu?
Omu nkiiko zaitu, ichwe nitwega ekigambo kya Katonda, “mara nokukishoborora.” (Shoma Nehemia 8:8.) Kora kika enkiiko, orayega abikwete ahali Yehova n’engeshoze ezilikushemera. Orw’olikwega bingi ebikwete okwo alikukwenda, nikwo oragendelera kugira obukwatane burungi ahali wenene. Kandi orayega okwo arabasa kukujuna kugira emikalire mirungi.—Isaya 48:17, 18.
3. Oragoshoka otai omu kwema hamoi n’abandi omu nkiiko?
Yehova naturagira ati “tumanyangane, tutekanganemu ekihika eky’okugozangana n’okugira ebigiro birungi, tutalekera kuterana.” (Abaheburania 10:24, 25) Omu nkiiko zaitu, oratanganwa abantu abali kwendangana muno, abali kwenda kwega bingi ebikwete ahali Katonda nka iwe. Orahulira nibafumora ebikwete aha bintu ebilikutamu omwoyo kuruga omu Bibulia. (Shoma Abaroma 1:11, 12.) Kandi oramanyangana n’abandi ababasize kwemera ebyemba ebilikugwaho abantu abashumikire obushwere anga abatakagire omu bushwere. Ezi nshonga zike ezilikutukora tukunire omuku gwa Yehova ogw’okuterana hamoi obutosha!
MANYURUZA
Yega omanye ebintu ebili kukorwa omu nkiiko za Abajulizi ba Yehova, kandi kubaki kintu ky’omugasho kwekaza kukika enkiiko ezo.
4. Enkiiko za Abajulizi ba Yehova
Omu karine ya mbere, Abakirisito bakaba baina emimanyilire y’okuterana kwegashaniza ahali Yehova. (Abaroma 16:3-5) Shoma Abakolosai 3:16, mushube mufumoreho ekibazo eki:
-
Abakirisito ab’ekarine ya mbere bakaba nibegashaniza batai ahali Yehova?
Kany’aka, Abajulizi ba Yehova baina emimanyilire yokuterana omu bichweka byabo mbali bali kukolera emyegashanizo. Kwija kubona ebili kukorwa omu nkiiko, yolekya EVIDEO. Mushube, mulebe epicha elikwolekya enkiiko eli arupapuro oru mushube mufumoreho ebibazo ebi:
-
Nibintuki ebyo wabona omu nju y’Obukama ebili kugambwa omu Abakolosai 3:16?
-
Omu video n’epicha egi nikintuki ekya kushemelera ekikwete aha nkiiko?
Shoma 2 Abakorinto 9:7, mushube mufumoreho ekibazo eki:
-
Kubaki otali kwenzibwa mahela ga kutaha omu nkiiko za Abajulizi ba Yehova?
Enjuza hamoi na mwalimu wawe ebintu ebirafumorwa omu nkiiko omu wiki egi.
-
Notekeleza orashemelerwa n’okugoshorwa na kichwekaki omu rukiiko?
Isi, nomanya?
Omuli jw.org, nobasa kubona ekichweka n’akanya ak’ekiiko zilikukorerwamu omu nsi yona.
-
Enkiiko zaitu nizitamu emyegeso, amaigizo, n’evideo. Enkiiko nizibanza n’okumarwa omu ruhoya n’enshara
-
Omu bichweka by’enkiiko zaitu abali kuhuliliza nibahabwa akanya k’okuhorora
-
Abantu bona nibanyegezibwa—abantu abaina eka, abatakashumikire bushwere, abagurusi, amoi n’abaana
-
Omu kutahamu tolikwenzibwa mahela kandi taliho sadaka ezili kushombokibwa omu nkiiko za Abajulizi ba Yehova
5. Ekihika nikyetagwa obase kukika enkiiko
Tekeleza ehali okwo yabair’eli omu ka ya Yesu. Babase kugoba rwensinga, buli mwaka bakaba nibatambuka ebiro nanka oburai bw’ekilometa 100 oti omu kichweka ekina amabanga kuruga Nazareti kugya Yerusalemu. Shoma Luka 2:39-42, mushube mufumoreho ebibazo ebi:
-
Isi, notekeleza ekihika kikaba nikyetagwa kutambuka orugendo orwo rwona kugya Yerusalemu?
-
Kubaki rundi wakwetaga kugira ekihika obase kukiika enkiiko?
-
Isi, notekeleza kintu ky’omugasho kugira ekihika ekyo? Isi kubaki?
Ebibulia negamba nk’okwo kintu ky’omugasho muno kuterana hamoi kwegashaniza. Shoma Abaheburania 10:24, 25, mushube mufumoreho ekibazo eki:
-
Kubaki nitwetagwa kukika enkiiko obutosha?
ABANTU ABANDI NIBAGAMBA BATI: “Okuterana hamoi na abandi tikintu kya mugasho. Okushomera Ebibulia omu ka nikimara.”
-
Nihandikoki anga buleberoki obuli omu Bibulia obuli kwolekya ekintu ekyo Yehova alikwenda tukore?
OMUBIGUFI
Okukika enkiiko kurakujuna kwega bingi ebikwete ahali Yehova, kugumisa obunywanyi bwawe ahali wenene, n’okumwegashanizaho oyemire hamoi n’abandi.
Isi ebi wakubihorora otai?
-
Kubaki Yehova natutamu omwoyo tuterane hamoi?
-
Noija kwega bintuki omu nkiiko za Abajulizi ba Yehova?
-
Notekeleza oragoshoka omuli ngeliki endijo omu kukiika enkiiko za Abajulizi ba Yehova?
ENJUZA MUNO
Kilikitai koraba notina kukika enkiiko? Leba ekya junire omushaija kwenda enkiiko n’orwo yabaire nayehulira obutini.
Leba okwo omusigazi nanka yashemeleirwe enkiiko n’okwo yakozire abase kugendelera kukiika.
Yega omanye okwo abandi bali kwehulira ekikwete aha kukika enkiiko.
“Kubaki Noyetagwa Kukiika Enkiiko Omu Nju y’Obukama?” (Emakala eli omutandao)
Leba obone emikalire y’omushaija ayabaire nayema hamoi na abashuuga (wahalifu) okwo yahindukire orwo yakikire enkiiko za Abajulizi ba Yehova.
“Buli Kanya Natambukaga Nyina Embundu” (Mnara wa Mlinzi, Omwezi gwa Mushanju 1, 2014)
