EISOMO LYA 2
Ebibulia Netuha Eshuubi
Abantu omu nsi yona nibemera ebyemba ebilikubagiza obujune, obutini, nangu n’obushasi. Isi, oragwirweho ehali eyakukozire oyehulire otyo? Rundi noshasha aha rwenshonga y’oburwaire anga aha rwenshonga ofereirwe omuntu owolikwenda. Rundi noyebaza oti, ‘Isi, emikalire yange elihinduka ebe mirungi?’ Ebibulia nehorora ekibazo ekyo omu ngeli elikumaramara.
1. Ebibulia netuha shuubiki?
Ebibulia negamba enshonga ezilikukora ensi eijure ebyemba, kwakwo netuha amakuru garungi okwo ebyemba ebi byakanya kagufi kandi omu kanya akalihai birawaho. Endagano ezili omu Bibulia nizibasa kukuha “eshuubi omu makiro agalija.” (Shoma Yeremia 29:11, 12.) Endagano ezo nizitujuna kwemera ebyemba kany’aka, kugira emilebere mirungi, nokugira ebyera eby’erai lyona.
2. Ebibulia netushubizaki ekikwete akanya akalikwija?
Ebibulia negamba nk’okwo omu kanya akalikwija “rufu achweke, talibaho rundi kuchura anga kulira anga kushasha.” (Shoma Okushurulirwa 21:4.) Ebyemba ebyakutukora tufe omutima omikalire yaitu kany’aka, nink’obunaku, okuburwa kw’ehaki, endwara, n’orufu, tibilibaho rundi. Ebibulia netushuubiza okwo abantu barashemelerwa kutura erai lyona omu nsi eli Paradiso.
3. Wakubasa otai kugira obwesige okwo endagano z’Ebibulia ziragobesherezibwa?
Abantu bangi nibenda kugira emikalire mirungi, kyonka tibaina bwesige omu byo balikushubira nka biragobesherezibwa. Kyonka endagano ezili omu Bibulia ziragobesherezibwa. Nitubasa kugira obwesige obukwete andagano ezo omu ‘kuleba omu Bihandiko Bitakatifu kumanyuruza.’ (Ebikorwa 17:11) Orwolikwega Ebibulia, orashobokerwage ebintu ebirakujuna kwesiga eby’Ebibulia elikugamba ebikwete aha kanya akalikwija.
MANYURUZA
Enjuzaho ehali nanka ezo Ebibulia elikushuubiza ezikwete akanya akalikwija. Leba eshuubi eyotulikuhabwa omu Bibulia okwo elikujuna abantu kany’aka.
4. Ebibulia netuha eshuubi eyokutura eirai lyona tutaina byemba
Leba omu hondejanyo gw’endagano ezili omu Bibulia. Nindaganoki ey’olikwenda muno? Isi kubaki?
Shoma ebihandiko ebilikwolekya endangano ezi, oshube otekereze ebibazo ebi:
-
Isi, ebihandiko ebi nibikuha eshuubi? Isi, nibibasa kuha eshuubi abantu b’eka yawe na banywanyi bawe?
Tekereza notura omu nsi
|
ETAINAMU MUNTU . . . |
BULI MUNTU . . . |
|---|---|
|
|
|
|
|
|
|
|
|
|
5. Eshuubi y’Ebibulia nebasa kuhindura emikalire yawe
Abantu bangi nibahendeka omutima anga kutamwa aha rwenshonga y’ebintu ebyo balikwemera. Abandi nibekaza muno kuleta amabadiliko. Leba endagano ey’Ebibulia eya nk’okwo ehali nizijakuhinduka okwo elikujuna abantu kany’aka. Yolekya EVIDEO, mushube mufumoreho ebibazo ebi:
-
Omu video egi, ni kuburwa kwe ehaki okwangeliki okwaisire kubi Rafika?
-
Norwo okuburwa kw’ehaki okwo yaboine kutahoire, kyonka Ebibulia ekamujuna etai?
Ebibulia netuha eshuubi ey’akanya akalikwija elikutujuna kugira ebyera nokutahendeka mutima norwo twina ebyemba. Shoma Emigani 17:22 na Abaroma 12:12, mushube mufumoreho ebibazo ebi:
-
Isi, notekereza eshuubi eyotulikuhabwa Ebibulia nebasa kuhindura emikalire yawe kany’aka? Nakubaki?
ABANTU ABANDI NIBAGAMBA BATI: “Endagano ez’Ebibulia ezikwete akanya akalikwija tibintu ebili kwokwokwo.”
-
Kubaki noyetagwa kuhenjuza kumanya nkagali mazima?
OMUBIGUFI
Ebibulia netuha eshuubi elinungi ey’akanya akalikwija elikutujuna kwemera ebyemba.
Isi ebi wakubihorora otai?
-
Kubaki abantu nibetaga eshuubi?
-
Ebibulia netushuubizaki ekikwete akanya akalikwija?
-
Eshuubi ey’akanya akalikwija nebasa kukujuna etai kany’aka?
ENJUZA MUNO
Yega omanye okwo eshuubi yakubasa kukujuna kwemera ebyemba.
“Eshubi—Isi, Nebasa Kutujuna?” (Amkeni!, Omwezi gwa Kanai 22, 2004)
Leba eshuubi ey’akanya akalikwija okwo ejunire abantu abaina endwara ezitalikwikya.
“Isi, Ebibulia Nebasa Kunjuna Kandaba Ndwaire Oburwaire Obutalikwikya?” (Emakala eli omutandao)
Orw’olikuleba evideo egi ey’omuziki, yetekereze iwe n’eka yawe nimushemelerwa emikalire omu Paradiso ey’akanya akalikwija ak’Ebibulia elikutushuubiza.
Shoma emikalire y’omwanaharakati owa amasuala g’e kijamii okwo yahindukire orwo yayegire ekikwete aha shuubi ey’akanya akalikwija elikuzoka omu Bibulia.
“Tindikwegomba Rundi Kuhindura Bulimwengu” (Mnara wa Mlinzi Omwezi gwa Mushanju 1, 2013
