EISOMO LYA 04
Katonda N’ohai?
Omu hisitoria yona, abantu bafukamiire bakatonda aba buli ngeli. Kyonkai, Ebibulia negamba Katonda omoi ali “mukuru kukira baruhanga abandi bona.” (2 Amakuru 2:5) Katonda ogwo n’ohai? Na kubaki mukuru kushaaga bakatonda abadi bona ab’abantu bali kufukamira? Omwisomo eli, turayega okwo Katonda ogwo alikwemanyisa alihwe.
1. Eibara lya Katonda nilihai, na nikihai ekilikwolekya nk’okwo nayenda tulimanye?
Katonda nayemanyisa omuli ichwe kuraba omu Bibulia. Nagamba ati: “Inye ndi Yehova. Elyo nilyo ibara lyange.” (Shoma Isaya 42:5, 8, NWT) Eibara “Yehova” litoitoirwe kuruga omu Kiheburania na nilimanyisa “Wenene niwe aikukora bibeho.” Yehova nayenda tumanye eibaralye. (Okuruga 3:15) Ekyo nitukimanya tutai? Aha rw’eshonga akekomeleza nk’okwo eibaralye nilizoka omu Bibulia emirundi elikushaaga 7,000! * Eibara Yehova lya “Katonda ow’amazima omwiguru n’omu nsi.”—Obwijukiro bw’ebiragiro 4:39.
2. Ebibulia netwegesaki ekikwete ahali Yehova?
Ebibulia negamba nk’okwo omuli bakatonda bona ab’abantu balikufukamira, Yehova niwe Katonda wenkai ow’amazima. Kubaki? Aha rw’enshonga nanka. Yehova niwe mutwazi wa byona, kandi niwe ali “Eiguru muno, eiguru y’ensi yona.” (Shoma Ezaburi 83:18, NWT) Wenene niwe “Rushobora byona,” aha rw’enshonga aina obushobora bwokukora ekintu kyona kyona ekyalikwenda kukora. Wenene niwe yatonzire ebintu byona,’ okutamu n’obulimwengu nabuli kintu ekilikurora ekili omu nsi. (Okushurulirwa 4:8, 11) Yehova wenene wenkai niwe asingireho ebiro byona, na kandi naija kugendelera kubaho eirai lyona.—Ezaburi 90:2.
MANYURUZA
Enjuza omanye okwahurana okuliho aha mabara ga Katonda ag’ekitinwa n’eibara lya wenene nyabwe. Kandi oshube oyege okwo akumanyisize eibaralye na kubaki akozire atyo.
3. Katonda aina amabara gangi ag’ekitinwa, kyonkai aina eibara limoi elya wenene nyabwe
Kugya kubona okwahurana okuliho aha kitinwa ky’omuntu n’eibara lya wenene nyabwe, yolekya EVIDEO, mushube mufumoreho ekibazo eki:
-
Eibara ly’ekitinwa “Rugaba,” nilyahurana litai n’eibara lya wenene nyabwe?
Ebibulia negamba nk’okwo abantu nibafukamira bakatonda bangi n’abakama bangi. Shoma Ezaburi 136:1-3, mushube mufumoreho ekibazo eki:
-
“Katonda alikushaaga bakatonda” na “Rugaba alikushaaga barugaba” n’ohai?
4. Katonda nayenda omanye eibaralye n’okulikozesa
Nikihai ekili kwolekya nk’okwo Yehova nayenda omanye eibaralye? Yolekya EVIDEO, mushube mufumoreho ebibazo ebi:
-
Isi, notekeleza Yehova nayenda abantu bamanye eibaralye? Isi kubaki?
Yehova nayenda abantu bakozese eibaralye. Shoma Abaroma 10:13, mushube mufumoreho ebibazo ebi:
-
Kubaki nitwetagwa kukozesa eibara Yehova?
-
Iwe noyehulira otai orw’omuntu alikwijuka eibara lyawe n’okulikozesa?
-
Notekeleza Yehova nayehulira atai orw’olikukozesa eibaralye?
5. Yehova nayenda obe munywanyiwe
Omukazi nanka kuruga Kambodia alikwetwa Soten akagamba nk’okwo okwega eibara lya Katonda kukamuletera “ehisia ezili kwazo.” (hisia za kipekee) Yolekya EVIDEO, mushube mufumoreho ekibazo eki:
-
Omu video egi, Soten akehulira atai orwo yamazire kwega eibara lya Katonda?
Omu mirundi mingi, ili omuntu abase kuba munywanyi wawe nayetagwa kumanya eibara lyawe. Shoma Yakobo 4:8a, mushube mufumoreho ebibazo ebi:
-
Yehova nayenda okoleki?
-
Okumanya n’okukozesa eibara lya Katonda kurakujuna kutai kuba Munywanyiwe?
ABANTU ABANDI NIBAGAMBA BATI: “Iwe olikamweta mabaraki, kyonkai abayo Katonda omoi wenkai.”
-
Isi, iwe noyesiga nk’okwo eibara lya Katonda ni Yehova?
-
Nobasa kugamba nshongaki elikwolekya nk’okwo Katonda nayenda okozese eibaralye?
OMUBIGUFI
Yehova ibara lya Katonda omoi wenkai ow’amazima. Nayenda tumanye n’okukozesa eibara elyo tubase kuba banywanyibe.
Isi ebi wakubihorora otai?
-
Kubaki Yehova nayahurana n’abakatonda abandi ab’abantu bali kufukamira?
-
Kubaki nitwetagwa kukozesa eibara lya Katonda?
-
Nikihai ekili kyolekya nk’okwo Katonda nayenda obe munywanyiwe?
ENJUZA MUNO
Enjuza omanye enshonga itanu ezili kukomeleza nk’okwo Katonda abayo.
Enjuza omanye kubaki kintu ekili kutaha omu magezi kwesiga nk’okwo Katonda akabaho eirai lyona.
“Isi, Katonda Akatondwa Ohai?” (Mnara wa Mlinzi, Omwezi gwa Munana 1, 2014)
Yega omanye kubaki nitwetagwa kukozesa eibara lya Katonda, n’orwo tutali kumanya okwo eirai babaire nibaligamba.
Isi, nitubasa kweta Katonda eibara lyona lyona? Yega omanye kubaki nitubasa kugamba nk’okwo aina eibara elya wenene nyabwe
^ Kugya kumanya amakuru agashaagireho aha kikwete ekili kumanyisibwa n’eibara lya Katonda nakubaki lihirwe omu tafsiri ezindi ez’Ebibulia, leba Enyongeza A4 omuli Biblia Takatifu—Tafsiri ya Ulimwengu Mpya.
