EISOMO LYA 06
Oburora Bukabanza Butai?
“[Katonda] niwe aba nchuro y’oburora.” (Ezaburi 36:9) Isi, iwe noyesiga otyo? Abantu abandi nibatekeleza nk’okwo oburora tibwatonzirwe, shana bukabaho bushai bwonene bwonkai. Ago kagaraba gali mazima, aho tukabaho bushai titwatonzirwe. Kyonkai Yehova karaba niwe yatonzire oburora, ombu tarengeshanyia emikalire yaitu eina omugendelero. * Enjuza obone eky’Ebibulia elikugamba ekikwete antabuko y’oburora nakubaki nitubasa kwesiga nk’okwo negamba amazima.
1. Obulimwengu bukaruga nkahai?
Ebibulia negamba eti: “Obubere Ruhanga akatonda eiguru n’ensi.” (Embandizo 1:1) Abana sayansi bangi nibaikiliza nk’okwo obulimwengu bwina entabuko. Katonda akatonda atai obulimwengu? Akakozesa amanige, nigwo mwoyogwe ogutakatifu kutonda buli kantu omu bulimwengu kutamu enyanyinyi n’esayari.—Embandizo 1:2.
2. Kubaki Katonda yatonzire ensi?
Yehova [ensi] “tiyagitonzire lili ishwa, akagitonda keturwamu abantu.” (Isaya 45:18) Ensi akagitonda yagiteka ahali arungi ebe bwikaro obw’eirai lyona obw’abantu. (Shoma Isaya 40:28; 42:5.) Esayansi neyolekya nk’okwo ensi sayari elikweshana. Ensi niyo sayari yonkai elikubasa kugendeleza oburora bw’abantu.
3. Nikihai ekilikukora abantu batashanangana na bigunju?
Orwo yamazire kutonda ensi, Yehova akatonda ebitondwa. Ekyambere, akatonda ebimera n’ebigunju omu nsi. “Ruhanga (yashuba) yatonda omuntu alikumushusha.” (Shoma Embandizo 1:27.) Kubaki abantu bitondwa ebili kweshana? Tutonzirwe omukushusha Katonda, kityo nitubasa kwolekya engeshoze nk’engonzi n’ehaki. Kandi akatutonda twina obushobora bw’okwega endimi, kushemelerwa ebintu ebili birungi muno, nangu n’omuziki. Okushaagaho ebigunju, ichwe nitubasa kwegashaniza ahali Katonda waitu.
MANYURUZA
Enjuza omanye ebintu ebili kwolekya nk’okwo oburora bukatondwa n’okwo ebaruro eli omu Bibulia ekwete aha bitondwa okwo elikutaha omu magezi. Yega ebintu ebili kwolekibwa engesho az’abantu okwo bili kutwegesa ekikwete ahali Katonda.
4. Oburora bukatondwa
Abantu nibahaisilizibwa orwo balikukora ebintu omu kulebera ebintu eby’easili. Aha rw’ekyo n’ohai alikwetagwa kuhaisilizibwa omu kutonda ebintu eby’easili? Yolekya EVIDEO, mushube mufumoreho ekibazo eki:
-
Nibintuki eby’abantu bakozire omu kulebera ebintu eby’easili?
Buli nju ekozirwe n’okwombekwa n’omuntu nanka. Kyonkai n’ohai ayatonzire n’okukora ebintu eby’easili? Shoma Abaheburania 3:4, mushube mufumoreho ebibazo ebi:
-
Iwe noshemelerwa bintuki eby’easili?
-
Isi, nikitaha omu magezi kwesiga nk’okwo obulimwengu na buli kintu ekilimu kikatondwa? Kubaki noyesiga otyo?
Isi, nomanya?
Nobasa kubona emakala n’evideo ezikwete aha makuru aga omuhondejanyiho ogu “Isi Mulimo gw’Okubuni?” ne “Ebitekelezo Ebikwete Aha Ntabuko Y’oburora.”
“Buli nju agira agyombeka, kyonkai omwombeki wa buli kantu aba Ruhanga”
5. Ebaruro ey’Ebibulia ekwete aha kutonda netaha omu magezi
Omu kitabo ky’Embandizo omutwe 1, Ebibulia neshoborora ebikwete aha ntabuko y’ensi n’oburora obugirimu. Isi, noyesiga ebaruro egyo, anga egyo migani bushai? Yolekya EVIDEO, mushube mufumoreho ebibazo ebi:
-
Isi, Ebibulia neyegesa nk’okwo ensi n’oburora obugirimu bikatondwa omu biro mukaga ebina oburai bwa ama saa 24?
-
Isi, notekeleza ebaruro y’Ebibulia ekwete aha kutonda y’amazima kandi netaha omu magezi? Is kubaki?
Shoma Embandizo 1:1, mushube mufumoreho ekibazo eki:
-
Abana sayansi nibagamba nk’okwo obulimwengu bwina entabuko. Ebitekelezo ebyo nibigendanwa bitai n’amakuru ago washoma omu Bibulia?
Abantu abandi nibagamba nk’okwo Katonda akakozesa amageuzi kutonda oburora. Shoma Embandizo 1:21, 25, 27, mushube mufumoreho ebibazo ebi:
-
Isi, Ebibulia neyegesa nk’okwo Katonda akatonda oburora buli bw’ehali y’aha ansi n’okubuleka bwehindure kuba nfuru, bushube bube kigunju, n’aha nzindo kuba muntu? Anga, akatonda oburora obwa buli ngeli? *
6. Abantu bitondwa ebili kweshana ebya Katonda
Ichwe titulikushanangana na bigunju ebyo Katonda yatonzire. Shoma Embandizo 1:26, mushube mufumoreho ekibazo eki:
-
Orwo kuba tukatondwa omu kushusha Katonda, obushobora bwaitu obw’okwolekya engonzi n’ekisha nibutwegesa Katonda aina ngeshoki?
ABANTU ABANDI NIBAGAMBA BATI: “Ebaruro eli omu Bibulia ekwete ahali kutonda migani bushai.”
-
Isi iwe oina bitekelezoki? Na kubaki?
OMUBIGUFI
Yehova akatonda obulimwengu n’oburora obwa buli ngeli.
Isi ebi wakubihorora otai?
-
Ebibulia neyegesaki ekikwete aha ntabuko y’obulimwengu?
-
Isi, Katonda akatonda oburora bw’ehali y’aha nsi n’okubuleka bwehindure kuba bitondwa ebya buli geli, anga niwe yatonzire ebitondwa byona?
-
Kubaki abantu bitondwa ebili kweshana?
ENJUZA MUNO
Leba ebintu by’easili okwo bili kwolekya nk’okwo aliyo Omutonzi.
“Ebintu by’Easili Nibitwegesaki?” (Amkeni!, Omwezi gwa Mwenda 2006)
Leba okwo Ishe mwana alikushoborora omwanawe ebaruro ey’Ebibulia ekwete aha bitondwa.
Enjuza omanye nk’omwegeso gw’amageuzi nka nigugendanwa n’Ebibulia.
“Isi, Katonda Akakozesa Amageuzi Kutonda Oburora Obwa Buli Ngeli?” (Emakala eli omutandao)
Enjuza omanye nk’obuchukuzi bw’ekisayansi obw’ebintu eby’eirai nka nibwolekya nk’okwo oburora bukatondwa, anga bukabaho bushai.
Ebibazo Bitanu Ebili By’omugasho Ebikwete Aha Ntabuko y’Oburora (eburoshua)
^ Eisomo lya 25 nilifumoraho Katonda aina mugendeleroki kwolekera abantu.
^ Omu Bibulia, ekigambo “buli ngeli” nikishoborora ekikundi ekihango eky’ebintu ebili kurora.
