EISOMO LYA 09
Ohilire Ahali Katonda Kuraba Omu Nshara
Isi, omu kanya akandi iwe noyehulira nk’okwo noyetaga enyolekelera omu mikalire yawe? Isi, oina ebibazo eby’omugasho ebyo wakwenda kubona empororo? Isi, noyetagwa kumaramarwa nokutekwamu omwoyo? Isi, wakwenda kwehulira oli haihi muno na Yehova? Enshara nebasa kukujuna omu hali ezo zona. Kyonkai nitwetaga kushaba tutai? Isi, Katonda nahuliliza enshara zona? Nobasa kukoraki ili ogire obwesige nk’okwo arahuliliza enshara zawe? Leka tubone.
1. Nitwetagwa kushaba ali ohai, na kandi nitubasa kushabaki?
Yesu akatwegesa nk’okwo nitwetagwa kushaba ahali isheichwe ow’omwiguru wenkai. Yesu wenene akashaba ahali Yehova. Akagambati: “Mushomega enshara muti: ‘Isheichwe asingire omwiguru . . . ’” (Matayo 6:9) Orwo tulikushaba ahali Yehova, nitugumisa obunywanyi bwaitu ahali wenene.
Nitubasa kushaba ekintu kyona kyona. Ombutalengeshanyia, ili Katonda abase kuhorora enshara zaitu, nizetagwa kugendanwa n’engonzize. “Kyona kyona ekyo turamushaba kuhonderana okwo alikwenda [Katonda], aratuhulira.” (1 Yohana 5:14) Yesu akatuha obulebero obw’ebintu ebyo twakubasa kugamba omu nshara zaitu. (Shoma Matayo 6:9-13.) Nitubasa kushaba ekikwete akahangahango akotwinako omu butebwa kusiima Katonda omubintu eby’atukoleire n’okumushaba ajune abandi.
2. Nitwetagwa kushaba tutai?
Ebibulia netutamu omwoyo ‘tumugambire agaitu gona.’ (Ezaburi 62:8) Kityo nitwetagwa kushaba omu bugorogoki mara kuruga omu mwoyo. Nitubasa kushaba omwiraka anga kushabira aha mwoyo tushutamire omu ngeli yona yona elikwolekya nk’okwo nitukunira Yehova. Nitubasa kushaba omu kanya kona kona nabuli hantu hona hona.
3. Katonda nahorora atai enshara zaitu?
Wenene nazi horora omu ngeli etali emoi. Yehova atuhaire ekigambo kya wenene, Ebibulia, elikuhorora ebibazo byaitu. Okushoma ekigambo kya Katonda nikubasa “[kuha] obumanyi abatainabwo.” (Ezaburi 19:7; shoma Yakobo 1:5.) Yehova nabasa kutujuna kugira obuchulezi bw’amagezi orwo tulikwemera ebyemba. Kandi nabasa kukozesa abakozibe kutujuna orwo tulikuba twina obwetage.
MANYURUZA
Enjuza omanye okwo wakubasa kushaba kuruga aha mwoyo omu ngeli elikushemelera Katonda, kandi obone okwo enshara yakubasa kukujuna.
4. Katonda atuhaire amateka ago tulikwetagwa kuhondera aha kikwete anshara
Nibintuki ebyakukora nka Katonda arahuliliza enshara zaitu anga atazihulilize? Yolekya EVIDEO.
Yehova nayenda tushabe ahali wenene. Shoma Ezaburi 65:2, mushube mufumoreho ebibazo ebi:
-
Isi, notekeleza “Omuhuliliza w’enshara” nayenda oshabe ahali wenene? Isi kubaki?
Nitwetagwa kwekaza kutura kuhonderana na amateka ga Katonda aho nirwo arahuliliza enshara zaitu. Shoma Mika 3:4 na 1 Petero 3:12, mushube mufumoreho ekibazo eki:
-
Nitwetaga kukoraki tubase kugira obwesige nk’okwo Katonda arahuliliza enshara zaitu?
Omu kanya k’endashana, embaju zona nizishaba zibase kusinga. Isi, nitubasa kutegeleza Katonda ahorore enshara ezo?
5. Nitwetagwa kushaba kuruga aha mwoyo
Abantu abandi begesibwe kushaba omu kushuba shubamu ebigambo byonene byonene. Isi, okwo nikwo Katonda alikwenda tushabe ahali wenene? Shoma Matayo 6:7, mushube mufumoreho ekibazo eki:
-
Nobasa kwelinda otai otagamba “bigambo byonene byonene” buli orw’olikushaba enshara zawe?
Buli kiro, nobasa kutekeleza omugisha nanka ogw’otungirwe omu mikalire yawe oshube osiime Yehova aha rw’omugisha ogwo. Kora kora otyo buli kiro omwilimansi limoi, orashaba ebintu mushanju ebitali kushanangana buzira kugarukamu ekintu kyonene kyonene.
Ish’eka omurungi nashemelerwa kufumora n’omwanawe kuruga aha mwoyo. Kwakwo na Yehova, nayenda tushabe ahali wenene kuruga aha mwoyo
6. Enshara gabo kuruga ahali Katonda
Enshara yakubasa kutujuna etai okukiraho orwo tulikwemera ebyemba omu mikalire? Yolekya EVIDEO.
Ebibulia netushubiza nk’okwo enshara nebasa kutujuna kugira obuchulezi bw’amagezi. Shoma Abafilipi 4:6, 7, mushube mufumoreho ebibazo ebi:
-
N’orwo omu kanya akandi ebyemba byaitu bitalikuhwa orwo tulikushaba, enshara yakubasa kutujuna etai?
-
Isi iwe nibintuki eby’olikwenda kushaba?
Isi, nomanya?
Ekigambo “amina” nikimanyisa “kibe kityo” anga “nikwo.” Kwema omu makiro g’Ebibulia, abantu nibagamba “amina” aha nzindo y’enshara.—1 Amakuru 16:36.
7. Tekateka akanya k’okushaba
Omu kanya akandi twakugira emilimo mingi muno kugoba akanya k’okwebwa kushaba. Nikihai ekili kwolekya nk’okwo Yesu akabona okushaba kuba kintu ky’omugasho muno? Shoma Matayo 14:23 na Mariko 1:35, mushube mufumoreho ebibazo ebi:
-
Yesu akakoraki abase kukwasa akanya k’okushaba?
-
Nobasa kukoraki ili okwase akanya k’okushaba?
ABANTU ABANDI NIBAGAMBA BATI: “Enshara ngeli yokukujuna kwehulirage kyonkai taliho alikuzihuliliza.”
-
Isi iwe oina bitekelezoki?
OMUBIGUFI
Orwo tulikushaba kuruga aha mwoyo nitwehulira tuli haihi muno ahali Katonda, nitugira obuchulezi bw’amagezi, n’amani agotulikwetaga tubase kushemeleza Yehova.
Isi ebi wakubihorora otai?
-
Nitwetagwa kushaba ahali ohai?
-
Nitwetagwa kushaba tutai?
-
Nitugoshoka tutai orwo tulikushaba?
ENJUZA MUNO
Bona empororo ez’ebibazo eby’abantu bangi balikwebaza ebikwete anshara.
Yega omanye kubaki nikigasha kushaba n’okwo wakubasa kurengya enshara zawe.
Enjuza omanye eky’Ebibulia elikwegesa ekikwete ali olinya owo tulikwetaga kushabaho.
“Isi, Nikigasha Kushaba Aha Abatakatifu?” (Emakala eli omutandao)
Omu video egi ey’omuziki, leba okwo twakubasa kushaba tuli hona hona anga omu kanya kona kona.
