EISOMO LYA 12

Nikihai Ekirakujuna Kugendelera Kwega Ebibulia?

ZANISA

Okwega Ebibulia ni nk’orugendo. Kyonkai, kwinamu echangamoto. Omu kanya akandi, rundi wakugiramu okulengeshanyia nka oragendelera kwega Ebibulia. Kubaki kintu ky’omugasho kugendelera kwekaza? Okwihamu echangamoto nikihai ekirakujuna kugendelera kwega?

1. Kubaki kintu ky’omugasho kwega Ebibulia?

“Ekigambo kya Ruhanga kina oburora n’amani.” (Abaheburania 4:12) Ebibulia eina eiguzi aha rw’enshonga neyolekya ebitekelezo n’ehisia za Katonda kukwolekera. Nekujuna kugira obumanyi, eshubi, n’obushobokerwa bw’amazima. Ekintu ekili ky’omugasho muno nikubona okwo Ebibulia elikukujuna kuba munywanyi wa Yehova. Orw’olikwega Ebibulia nojubura amani ga wenene gakore emikalire yawe ebe mirungi.

2. Kubaki kintu ky’omugasho kushobokerwa eiguzi ly’amazima g’Ebibulia?

Amazima agali omu Bibulia nink’empanika ezina eiguzi (hazina zenye thamani). Nihyo nshonga Ebibulia netutamu omwoyo ‘tugure amazima tutaligaguza.’ (Emigani 23:23) Orwo tulikushobokerwa eiguzi ly’amazima ag’Ebibulia, turayekaza kugendelera kwega n’orwo tulikwemera echangamoto.—Shoma Emigani 2:4, 5.

3. Yehova nabasa kukujuna atai kugendelera kwega?

Aha rw’enshonga niwe mutonzi omushobora wabyona kandi munywanyi wawe, Yehova nayenda kukujuna oyege ebimukweteho. Arakuha “ekihika n’amani g’okukora.” (Shoma Abafilipi 2:13, NWT) Kityo, omu kanya akandi koraba noburwa ekihika ky’okwega anga kuhondera eby’olikwega, nabasa kukujuna. Kandi nabasa kukuha amani g’okusinga echangamoto n’okugingizigwa. Shaba ahali Yehova obutosha, omushabe akujune ogendelere kwega Ebibulia.—1 Abatesalonika 5:17.

MANYURUZA

Leba okwo wakubasa kugendelera kwega Ebibulia okwihamu okugira emilimo mingi anga orw’olikwemera okugingizibwa kuruga omu bantu abandi. Oshube otekeleze okwo Yehova yakubasa kukujuna ogendelere kwega.

4. Oyekomeleze okwega Ebibulia nikuba kintu kw’omugasho omuli liwe

Omu kanya akandi rundi wakubona oina emilimo mingi muno kugoba aha kuburwa akanya kw’ekwega Ebibulia. Nikihai ekyakubasa kukujuna? Shoma Abafilipi 1:10, mushube mufumoreho ebibazo ebi:

Notekeleza nibintuki ebili “by’omugasho muno” omu mikalire?
Nikintuki ekyo wakubasa kukora ili okwega Ebibulia kube kw’omugasho omuli iwe?

Kolikuteka omushenye omundoo okashuba okongeramu amabare, amabare ago tigaweremu
Korabanzamu amabare ago omundoo orabona omwanya gwokutekamu omushenye ogwo. Nikwo kikali, korayebembeza ebintu ebili by’omugasho omu mikalire, orabasa kubigobesheleza kandi orabona akanya kokukora ebintu ebindi

Okwega Ebibulia nikugobesheleza obwetage bwaitu obwe eby’omwoyo, obwo nibwo bwetage bwaitu obw’okumanya Katonda n’okumwegashanizaho. Shoma Matayo 5:3, mushube mufumoreho ekibazo eki:

Turagoshoka tutai katurabona okwega Ebibulia kuba kintu ky’omugasho omu mikalire yaitu?

5. N’orwo oragingizibwa gendelera kwega

Omu kanya akandi, rundi abantu bakulengesa kukuhenda omwoyo olekere kwega Ebibulia. Leba obulebero bwa Francesco. Yolekya EVIDEO, mushube mufumoreho ebibazo ebili kuhonderaho.

EVIDEO: Akabona Emigisha aha Rw’enshonga Y’okwegumisiliza (5:22)

Omu video egi, eka na abanywanyi ba Francesco bakakoraki orwo yabagambire ebintu ebyo yabaire nayega?
Akagoshoka atai orwo yagendeleire kwega Ebibulia?

Shoma 2 Timoteo 2:24, 25, mushube mufumoreho ebibazo ebi:

Banywanyi bawe n’abantu b’eka yawe nibehulira batai aha kikwete abintu eby’olikwega?
Omu kuhonderana n’enjuru ezi, noyetagwa kukoraki omuntu nanka karaba atali kushemelerwa orwo alikukubona noyega Ebibulia? Isi kubaki?

6. Oyesige Yehova arakujuna

Orwo tulikugendelera kwilira hai ahali Yehova, nikwo n’ekihika kyaitu eky’okumushemeleza kilikugendelera kweyongera. Kyonkai, nobasa kugumirwa kuhindura emikalire ili obase kutura kwigana n’amatekage. Otakufa mutima korayehulira otyo. Yehova arakujuna. Yolekya EVIDEO, mushube mufumoreho ebibazo ebili kuhonderaho.

EVIDEO: Yehova Natujuna Kuhindura Emikalire Yaitu (3:56)

Omu video egi, Jim akahindura atai emikalireye abase kushemeleza Yehova?
Washemelerwaki kuruga aha buleberobwe?

Shoma Abaheburania 11:6, mushube mufumoreho ebibazo ebi:

Yehova naija kukoleraki balinya abali “kumuhiga omu kihika,” abalikwekaza kumumanya n’okukora ebintu ebili kumushemelera?
Ekyo nikikwegesaki aha kikwete okwo Yehova alikwehulira orwo alikubona ekihika kyawe eky’okwega Ebibulia?

RUNDI OMUNTU YAKUKUBAZA ATI: “Kubaki noyega Ebibulia?”

Orahorora otai ekibazo ekyo?

OMUBIGUFI

N’orwo omirundi mingi kitali kyangu kwega Bibulia, okukora otyo nikubasa kukujuna oshemelerwe emikalire eirai lyona. Gendelera kwesiga Yehova, nawe arakuha emigisha.