Katonda aba ngonzi. Kubaki edini zingi ezilikwekora nizikolera Katonda zikozire ebintu bingi muno ebili bibi? Norw’enshonga edini ezo zebishuba; nizihabisa amazima agakwete ahali Katonda. Nizihabisa zitai amazima agakwete ahali Katonda? Katonda nayehulira atai ekikwete aha kintu ekyo? Isi naija kuzikoraki?

1. Emyegeso y’edini z’ebishuba nehabisa etai amazima agakwete ahali Katonda?

Edini z’ebishuba “[zihindwire] amazima ga Katonda arw’enshonga y’ebishuba.” (Abaroma 1:25) Obulebero nibwobu, edini zingi tizilikwegesa abali kuzihondera eibara lya Katonda. Kyonkai, Ebibulia negamba nk’okwo abantu nibetagwa kukozesa eibara lya Katonda. (Abaroma 10:13, 14) Ekintu ekilikibi orwo kilikubaho, abebembezi b’edini abandi nibagamba nk’okwo ngonzi za Katonda. Kyonkai ebyo bishuba bishai. Katonda talikuleta nakati bintu bibi. (Shoma Yakobo 1:13.) Nikijunaza muno kumanya nk’okwo ebishuba by’edini bikozire abantu bagumirwe kugonza Katonda.

2. Ebikorwa eby’edini z’ebishuba bihabisize bitai amazima agakwete ahali Katonda?

Edini z’ebishuba nizikolera abantu ebintu ebitali kugendanwa na ngonzi za Yehova. Ebibulia negamba nk’okwo “amafu [g’edini z’ebishuba] gaba gangi muno kugoba omwiguru.” (Okushurulirwa 18:5, NWT) Omu karine zingi, edini z’ebishuba zetaize omu siasa, ziungire omukono endashana kandi zikozire abantu bangi kufa. Abebembezi ab’edini abandi bagaiga aha rw’eshonga nibakaka abahondezi babo babahe esadaka. Ebikorwa ebyo nibyolekya nk’okwo tibalikumanya Katonda kandi tibasaine kumukolera.—Shoma 1 Yohana 4:8.

3. Katonda nayehulira atai ekikwete aha dini z’ebishuba?

Iwe koraba notamwa ebikorwa ebikukorwa n’edini z’ebishuba, isi notekeleza Yehova nayehulira atai? Nagonza abantu, kyonkai natamwa abebembezi b’edini abalikuhabisa amazima agamu kweteho n’okukolera kubi abahondezi babo. Natushubiza okwo edini z’ebishuba zilasilikibwa kandi ‘tiziliboneka rundi.’ (Okushurulirwa 18:21) Omu kanya akali hai, Katonda naija kusilikya edini zona ez’ebishuba.—Okushurulirwa 18:8.

 MANYURUZA

4. Ti dini zona ezili kwikilizibwa omu maisho ga Katonda

Abantu bangi nibesiga nk’okwo edini ninke embarabara eza buli ngeli ezili kutuhabura kugya ahali Katonda. Isi, ago mazima? Shoma Matayo 7:13, 14, mushube mufumoreho ekibazo eki:

• Ebibulia negambaki aha ekikwete ambarabara elikugya omu burora?

Yolekya EVIDEO, mushube mufumoreho ekibazo ekili kuhonderaho.

• Isi, mazima Ebibulia neyegesa nk’okwo edini zingi nizikilizibwa omu maisho ga Katonda?

 6. Katonda nayenda kujuna abantu baruge omu dini z’ebishuba

Shoma Okushurulirwa 18:4, * mushube mufumoreho ekibazo eki:

• Iwe noyehulira otai orw’olikumanya nk’okwo Katonda nayenda kujuna abantu baruge omu dini z’ebishuba?

7. Gendelera kwega ebikwete ahali Katonda owa amazima

Isi, edini z’ebishuba nizetagwa kuhindura ebitekelezo byawe ebikwete ahali Katonda? Tekeleza omwana alikwanga kuhondera enyolekelera eli nungi kuruga ahali Ishe. Omwana ogwo naruga omwabo nagya kutera obujanga (kuishi maisha mapotovu). Ishe taikuunga mukono ebikorwa by’omwana ogwo. Kubaki tikirungi kutweka Ishe mushango ogwo aha rw’enshonga y’obushengi (uasi) bw’omwanawe?

• Isi, nikigasha kutweka omushango Yehova n’okulekera kwega ebimukweteho aha rw’eshonga y’ebikorwa by’edini z’ebishuba?

 OMUBIGUFI

Edini z’ebishuba zihabisize amazima agakwete ahali Katonda kuraba omu myegeso yazo ey’ebishuba n’ebikorwa byazo eby’obukatili. Katonda naija kusilikya edini zona ez’ebishuba.

Isi ebi wakubihorora otai?

• Oina bitekelezoki ebikwete aha bikorwa n’abintu ebili kwegesibwa edini z’ebishuba?

• Yehova nayehulira atai aha kikwete adini z’ebishuba? 

• Katonda naija kutwara hatuaki kwolekera edini z’ebishuba?