EISOMO LYA 15
Yesu N’ohai?
Yesu ni omoiho omu bantu abaina eiranga abali kumanyika omu hisitoria. Abantu bangi nibamanya eibaralye, kyonkai tibalikumanya bingi ebimukweteho. Nabandi baina ebitekelezo ebili kwahurana ebikwete ahali Yesu. Kyonkai Ebibulia neyegesaki ekikwete ahali Yesu?
1. Yesu n’ohai?
Yesu kitondwa ekina amani ekili kutura omwiguru. Yehova akamutonda ali wambere atakatonzire ebintu ebindi byona byona. Nihyo nshonga nayetwa “muzigaijo mara mukuru w’ebitondwa byona.” (Abakolosai 1:15) Ebibulia neyeta Yesu eti ‘Omwanawe omumoi’ owa Katonda aha rw’enshonga Yesu wenene wenkai niwe Yehova yatonzire limoi limoi. (Yohana 3:16) Yesu akema na Yehova, kukora emilimo yamujuna kutonda ebintu ebindi byona. (Shoma Emigani 8:30.) Yesu akyaina obukwatane burungi muno ahali Yehova. Nakora ali mahika ali mugambi wa Katonda, niwe, “Kigambo,” alikugobya amakuru n’ebiragiro bya Katonda.—Yohana 1:14.
2. Kubaki Yesu yaizire omu nsi?
Emyaka nk’enkumi ibili oti erabireho, omu kukora eky’okutangaza Yehova akakozesa omwoyoge ogutakatifu kufurura oburora bwa Yesu kuruga omwiguru n’okubuta omu rubunda rwa bikira ayabaire nayetwa Maria. Omu ngeli egyo, Yesu akazarwa ali muntu. (Shoma Luka 1:34, 35.) Yehova akatuma Yesu omu nsi abe Masiha, anga Kirisito, abase kurokora abantu. * Yesu akagobesheleza oburangi bwona obuli omu Bibulia obukwete ahali Masiha, nekyo kikaba kyangu omu bantu kushobokerwa nk’okwo wenene “N’iwe Kirisito, omwana wa Ruhanga asingire.”—Matayo 16:16.
3. Kany’aka Yesu ali nkahai?
Orwo Yesu yamazire kufa ali muntu, Yehova akamuhimbura ali kitondwa ky’omwoyo yashuba yagya omwiguru. Orwo yagobire okwo, “Katonda akamukuza yamuha ekitinwa eky’eiguru muno.” (Abafilipi 2:9) Kany’aka, Yesu aina obutwazi obutalengwa. Ekitinwakye kya kabili kuruga ahali Yehova.
MANYURUZA
Yega omanye Yesu nohai, kandi kubaki kili ky’omugasho muno kwega ebimukweteho.
4. Yesu ti Katonda Rushobora byona
Norwo Yesu alikitondwa ky’omwoyo eky’amani omwiguru, Ebibulia neyegesa nk’okwo nakunira Yehova orw’okuba ogwo niwe Ishe kandi niwe Katondawe. Kubaki nitugamba tutyo? Yolekya EVIDEO obase kubona kilinya eky’Ebibulia elikwegesa ekikwete aha kitinwa ekyo Yesu ainakyo n’ekina Katonda Rushobora byona.
Ebihandiko ebili kuhonderaho nibitujuna kubona obukwatane obuliho ahali Yehova na Yesu. Shoma buli ihandiko mushube mufumoreho ebibazo ebili kuhonderaho.
Shoma Luka 1:30-32.
-
Omumalaika akashoborora atai obukwatane obuliho ahali Yesu na Yehova Katonda, “Ali eiguru y’ebintu byona”?
Shoma Matayo 3:16, 17.
-
Orwo Yesu yamazire kubatizibwa, eiraka elya rugire omwiguru likagambaki?
-
Notekeleza likaba lili iraka ly’ohai?
Shoma Yohana 14:28.
-
N’ohai ali mukuru kandi aina obushobora kushaaga? Isi, ni tata anga mwana?
-
Yesu akagamba okwo Yehova niwe Ishe, ekyo nikitwegesaki?
Shoma Yohana 12:49.
-
Isi, Yesu natekeleza nk’okwo wenene na Ishe muntu omoi? Isi iwe oina bitekelezoki?
5. Ni kihai ekya yolekize nk’okwo Yesu niwe Masiha?
Ebibulia eina oburangi bungi obwajunire abantu kumanya okwo Yesu niwe Masiha, olinya ayaronkirwe Katonda abase kurokora abantu. Yolekya EVIDEO obase kubona oburangi nanka obwo Yesu yagobesheleize orwo yaizire omu nsi.
Shoma oburangi obu obw’Ebibulia mushube mufumoreho ebibazo ebili kuhonderaho:
Shoma Mika 5:2 obase kubona mbali Masiha yakuzalirwe. *
-
Isi, oburangi obu bukagobeshelezibwa orwo Yesu yazairwe?—Matayo 2:1.
Shoma Ezaburi 34:20 na Zekaria 12:10 obone ebintu ebyarangirwe ebikwete aha rufu rwa Masiha.
-
Isi, oburangi obwo bukagobeshelezibwa?—Yohana 19:33-37.
-
Isi, notekeleza Yesu akatekateka karai oburangi nanka obumu kweteho bugobeshelezibwe?
-
Ekyo nikikwolekyaki ekikwete ahali Yesu?
6. Nitugoshoka orwo tulikwega ebikwete ahali Yesu
Ebibulia nekomeleza omugasho ogw’okwega ebikwete ahali Yesu n’omurukagwe. Shoma Yohana 14:6 na 17:3, mushube mufumoreho ekibazo eki:
-
Kubaki kintu ky’omugasho kwega ebikwete ahali Yesu?
Yesu akatukomorolera emihanda ey’okuba banywanyi ba Katonda. Akegesa amazima agakwete ahali Yehova, n’okuraba ali wenene nitubasa kubona oburora obw’eirai lyona
ABANTU ABADI NIBAGAMBA BATI: “Abajulizi ba Yehova tibali kwesiga Yesu.”
-
Omuntu alikugamba atyo wakumuhorora otai?
OMUBIGUFI
Yesu kitondwa ky’omwoyo ekina amani. Wenene mwana wa Katonda kandi niwe Masiha.
Isi ebi wakubihorora otai?
-
Kubaki Yesu nayetwa muzigaijo kandi mukuru w’ebitondwa byona”?
-
Yesu akakora milimoki atakaizire mu nsi?
-
Nitumanya tutai nk’okwo Yesu niwe Masiha?
ENJUZA MUNO
Aha rwokuba Yesu ni Masiha yega bingi ebishagireho ebikwete aha murukagwe.
Enjuza obone nke Ebibulia neyegesa nk’okwo Katonda akaba ali Ishe Yesu nka abantu okwo bazarwa.
“Kubaki Yesu Nayetwa Mwana wa Katonda?” (Emakala eli omutandao)
Enjuza omanye kubaki Ebibulia etalikuunga mukono omwegeso gw’obushatu.
“Isi, Yesu Ni Katonda?” (Mnara wa Mlinzi, Omwezi gwa Kanai 1, 2009)
Shoma omanye okwo emikalire y’omukazi nanka okwo yahindukire orwo yahenjwize kilinya eky’Ebibulia elikugamba ekikwete ahali Yesu.
^ Eisomo lya 26 na 27 lirafumoraho kubaki abantu nibetagwa kurokorwa n’okwo Yesu alikuturokora.
^ Leba Ebishoborozo Ebyongeirweho 2 ebikwete oburangi obwarangire akanya akalikwo ako Yesu yakwizireho omu nsi.
