EISOMO LYA 18
Okwo Wakubasa Kumanya Abakirisito B’amazima
Amabilioni g’abantu nibeyeta Bakirisito. Kyonkai ebintu ebyo Balikukora omu mikalire n’ebyo balikwesiga nibyahurana. Kityo, twakumanya tutai Abakirisito b’amazima?
1. Okuba Mukirisito nikumanyisaki?
Abakirisito begesibwa anga bahondezi ba Yesu Kirisito. (Shoma Ebikorwa 11:26.) Nibolekya batai nk’okwo bonene begesibwa ba Yesu? Yesu akagamba ati: “Kamuraikara mukwete ebigambo byange, muraba muli begesibwa bangekwo.” (Yohana 8:31) Ekyo nikimanyisa nk’okwo Abakirisito b’amazima nibetagwa kworobera emyegeso ya Yesu. Nk’okwo emyegeso ya Yesu yabaire neyebemberwa amahandiko, ebintu ebya Abakirisito b’amazima balikwesiga nibyetagwa kwebemberwa Ebibulia.—Shoma Luka 24:27.
2. Abakirisito b’amazima nibolekya batai engonzi?
Yesu akagambira ati abegesibwabe: “Mugonzangane okwo inye nabagondize.” (Yohana 15:12) Yesu akolekya atai okwo alikugonza abegesibwabe? Akakozesa akanya ali hamoi nabo, akabatamu omwoyo n’okubajuna. Nangu akeihayo oburorabwe aha rw’enshonga yabo. (1 Yohana 3:16) Kwakwo, n’Abakirisito b’amazima tibali kufumora bushai ekikwete aha ngonzi. Nibolekya batyo kuraba omu bigambo n’omu bikorwa byabo nk’okwo nibagozangana.
3. Ni mulimoki ogwo Abakirisito b’amazima balikukora omu kihika?
Yesu akaha abegesibwabe omulimo. ‘Akabatuma kuranga Obukama bwa Ruhanga.’ (Luka 9:2) Abakirisito abakara tibarangiliraga mbali bakoreraga myegashanizo honkai, shana barangiliraga omu mbaga amoi n’omu maju g’abantu. (Shoma Ebikorwa 5:42; 17:17.) Kwakwo, n’Abakirisito b’amazima kany’aka nibarangilira amazima ag’Ebibulia hona hona mbali abantu balikuzoka. Nibagonza batani babo kandi nibashemelerwa kukozesa akanya kabo n’amani gabo kurangilira amakuru agali kumaramara n’againa eshubi kuruga omu Bibulia.—Mariko 12:31.
MANYURUZA
Enjuza omanye okwo Abakirisito ab’amazima bali kwahurana n’abantu abatali kuhondera bulebero n’emyegeso ya Yesu.
4. Nibahiga amazima g’Ebibulia
Abakirisito aba karai baketaho ekigambo kya Katonda
Abantu abandi abali kweyeta Bakirisito tibali kwekaza kuhiga amazima agali g’omugasho agali omu Bibulia. Yolekya EVIDEO, mushube mufumoreho ekibazo ekili kuhonderaho.
-
Amakanisa agandi agali kweyeta g’Ekikirisito gakozire gatai kigume omu bantu kwega ebintu ebyo Yesu yayegesize?
Yesu akegesa amazima ag’ekigambo kya Katonda. Shoma Yohana 18:37, mushube mufumoreho ekibazo eki:
-
Omu kuhonderana n’ebigambo bya Yesu, nitubasa tutai kumanya Abakirisito “abali omurubaju rw’amazima”?
5. Nibarangilira amazima agali omu Bibulia
Abakirisito aba karai baketaho bakarangilira abandi
Yesu orwo yabire atakashubire mwiguru, akaha abegesibwabe omulimo oguli kugendelera kukworwa kugoba kany’aka. Shoma Matayo 28:19, 20 n’Ebikorwa 1:8, mushube mufumoreho ekibazo eki:
-
Omulimo gw’okurangilira gwakukozirwe kugoba kanyaki, kandi gwakugobire nkahai?
6. Nibatura omu kwigana nabilinya ebyo bali kurangilira
Nikihai ekya haire obwesige Tom nk’okwo yakwasa Abakirisito b’amazima? Yolekya EVIDEO, mushube mufumoreho ebibazo ebili kuhonderaho.
-
Omu video egi, nikihai ekyakozire Tom alekere kwetahaya omu dini?
-
Kubaki nayesiga nk’okwo akwasize amazima?
Ebikorwa biina amani kushaaga ebigambo. Shoma Matayo 7:21, mushube mufumoreho ekibazo eki:
-
Nikintuki ekili ky’omugasho muno ahali Yesu—isi, bintu ebyo tulikugamba nk’okwo nitwesiga anga bintu ebyo tulikukora?
7. Nibagonzangana
Abakirisito aba karai baketaho n’okubagonza
Isi, aliho Abakirisito ababaire bali tayari kufa aha rw’enshonga ya Abakirisito batahi babo? Yolekya EVIDEO, mushube mufumoreho ebibazo ebili kuhonderaho.
-
Omu video egi, kubaki Llyod yabaire ali tayari kufa abase kulinda murumuna waitu Johanson?
-
Isi, notekeleza akakora nk’Omukirisito w’amazima?
Shoma Yohana 13:34, 35, mushube mufumoreho ebibazo ebi:
-
Abegesibwa ba Yesu, yaani, Abakirisito b’amazima, nibakolera batai abanyansi na aba amahanga agandi?
-
Nibakora batyo batai omu kanya k’endashana?
ABANTU ABANDI NIBAGABA BATI: “Abakirisito bakozire ebintu bingi ebili bibi. Isi, nikibasikana kubamu edini y’amazima omuli bonene?”
-
Ni ihandikoki elyo wakubasa kushomera omuntu kumwolekya nk’okwo nomanya Abakirisito b’amazima?
OMUBIGUFI
Abakirisito b’amazima nibahondera emyegeso y’Ebibulia, nibolekya engonzi ezitainamu kakweyenda, nibarangilira amazima ag’ekigambo kya Katonda.
Isi ebi wakubihorora otai?
-
Ebintu ebya Abakirisito b’amazima balikwesiga nibye bemberwaki?
-
Ningeshoki elikumanyisa Abakirisito b’amazima?
-
Abakirisito b’amazima nibakora mulimoki?
ENJUZA MUNO
Yega bingi ebikwete aha kikundi kya abantu abali kwekaza kuhondera obulebero n’emyegeso ya Yesu Kirisito.
Leba okwo omukazi ayabaire ali nyehonge Omukatoliki okwo yaboine eka y’amazima ey’eby’omwoyo.
“Bakakozesa Ebibulia Kuhorora Ebibazo Byange Byona!” (Mnara wa Mlinzi, Omwezi gwa Kanai 1, 2014)
Yega omanye okwo Abakirisito b’amazima bali kwolekya engonzi orwo balinya abo bali kwegashaniza nabo balikwetaga obujuni.
Okwo Tulikujuna Barumuna Baitu Orwo Balikugwebwaho Ekibundo—Ekichweka (3:57)
Enjuza omanye okwo Abakirisito aba karai na Abakirisito b’amazima ab’omu kany’aka okwo balikukora ebintu ebyo Yesu yagambire, ebya kubamanyisize okwo bali begesibwabe.
“Ningeshoki Ezilikumanyisa Abakirisito b’Amazima?” (Mnara wa Mlinzi, Omwezi gwa Kashatu 1, 2012)
