EISOMO LYA 25

Katonda Aina Mugendeleroki omu Bantu?

ZANISA

Ebibulia negamba nk’okwo oburora bw’abantu buba ‘bugufi mara bw’enaku zingi.’ (Yobu 14:1) Isi, Katonda nagonza tuture omu mikalire egyo? Kakiraba kitali kityo aina mugendeleroki kwolekera abantu? Isi, omu gendelero ogwo nigwija kugobeshelezibwa? Enjuza obone empororo elikutumaramara elikuzoka omu Bibulia.

1. Yehova nayenda tuture emikalire eya ngeliki?

Yehova nayenda tuture emikalire eli mirungi muno. Orwo yatonzire abantu bambere Adamu na Eva, akabata omu paradiso eli nungi muno, omu bustani ya Edeni. Ashuba “Abaha omugisha abagambira ati: ‘Muzare mukanye, mwijure ensi mugigeleere.’” (Embandizo 1:28) Yehova akaba nagonza bazare abaana, bakore ensi yona kuba paradiso nokulebelera ebigunju. Akab’agendeleire abantu bona bagire obubili obuhikilire kandi bature eirai lyona.

N’orwo ebintu bitali bityo kany’aka, * omu gendelero gwa Katonda tigukahindukire. (Isaya 46:10, 11) Akyayenda abantu abali kumukunira bature eirai lyona bahikilire.—Shoma Okushurulirwa 21:3, 4.

2. Nitubasa tutai kugira emikalire eina mugendelero kany’aka?

Yehova akatutonda twina obwetage bw’eby’omwoyo,’ yaani, okwegomba kumumanya n’okumwegashanizaho. (Shoma Matayo 5:3-6.) Nagonza tugire obunywanyi katiga ahali wenene, ‘tukore ebyalikwenda, tumugonze,’ n’okumukolera ‘n’omwoyo gwaitu gwona.’ (Obwijukiro Bw’ebiragiro 10:12; Ezaburi 25:14) Orwo tulikukora tutyo, nitugira ebyera by’amazima n’orwo tulikwemera ebyemba. Orwo tulikwegashaniza ahali Yehova, emikalire yaitu negira omugendelero gw’amazima aha rw’enshonga nitutura kuhonderana n’amatekage.

MANYURUZA

Yega omanye engonzi zingi ezo Yehova yayolekize orwo yatonzire ensi aha rw’enshonga y’abantu, nakilinya ekilikugambwa omu kigambokye ekikwete amugendelero gw’oburora.

3. Yehova nagonza abantu bashemelerwe emikalire eina omugendelero

Yolekya EVIDEO, mushube mufumoreho ekibazo ekili kuhonderaho.

EVIDEO: Kubaki Katonda Yatonzire Ensi?—Ekichweka (1:41)

Ensi yaitu egi elinungi kubaki Katonda yagitonzire?

Shoma Omwegesa 3:11, mushube mufumoreho ekibazo eki:

Eihandiko eli nilikwegesaki ekikwete ahali Yehova?

4. Omugendelero gwa Yehova tigukahindukaga

Shoma Ezaburi 37:11, 29 na Isaya 55:11, mushube mufumoreho ekibazo eki:

Nitumanya tutai nk’okwo omugendelero gwa Yehova aha bantu tigukahindukaga?

Enju ebomokire aha rw’eshonga y’okutagikazage nebasa kurengibwa. Kwakwo, n’orwo abantu balemirwe kwikazage ensi, Katonda naija kugirengya aha rw’enshonga yabali kumugonza

5. Okwegashaniza ahali Yehova nikukora emikalire yaitu ebe n’omugendelero gw’amazima

Nitugira ebyera orwo tulikumanya omugendelero gw’oburora. Yolekya EVIDEO, mushube mufumoreho ekibazo ekili kuhonderaho.

EVIDEO: Nkega Ekikwete Amugendelero gw’Oburora (5:03)

Terumi akagoshoka atai orwo yayegire akikwete amugendelero gw’oburora?

Shoma Omwegesa 12:13, mushube mufumoreho ekibazo eki:

Aha rw’okuba Yehova atukoleire ebintu bingi muno, nitubasa tutai kumwolekya esiimi?

RUNDI OMUNTU YAKUKUBAZA ATI: “Emikalire eina mugendeleroki?”

Isi iwe wakuhorora otai ekibazo ekyo?

OMUBIGUFI

Yehova nagonza tushemelerwe emikalire eirai lyona omu hali ehikilire aha omu nsi. Orwo tulikumwegashanizaho kuruga omu mwoyo gwaitu gwona, emikalire yaitu eya kany’aka negira omugendelero.