EISOMO LYA 28
Yolekya Esiimi omu Bintu Ebyo Yehova na Yesu Bakukoleire
Iwe wakwehulira otai orwo munywanyi wawe yakukugemulira ekintu ekili kirungi? Ombutarengeshanyia, wakushemelerwa muno n’okwolekya munywanyi wawe ogwo okwo olikusiima ekigemuro ekyo. Yehova na Yesu batuhaire ekigemuro ekili kirungi muno kushaaga ebigemuro ebindi byona. Nikigemuroki ekyo, naichwe nitubasa kwolekya tutai esiimi zaitu?
1. Twakubasa kwolekya tutai esiimi zaitu omu bintu ebyo Katonda na Kirisito batukoleire?
Ebibulia netushubiza nk’okwo “wena alimwikiliza [Yesu]” nabasa kutura eirai lyona. (Yohana 3:16) Ekyo nikimanyisaki? Okwikiliza Yesu kukwatirainemu bingi. Nitwetaga kwolekya omwesigo gwaitu kuraba omu buramuzi bwaitu n’omu bikorwa byaitu. (Yakobo 2:17) Orwo tulikwolekya omwesigo kuraba omu bikorwa n’omu bigambo byaitu, nitugumisa obunywanyi bwaitu ahali Yesu na ahali Yehova ishe.—Shoma Yohana 14:21.
2. Nitukioki elili ly’omugasho elilikutuha akashango ak’okwolekya esiimi omu bintu ebyo Yehova na Yesu batukoleire?
Omu bwaigoro orwo Yesu yabaire atakafire, akagambira abegesibwabe engeli endijo eyo bakwolekize esiimi aha rw’ekitambokye. Akabandisa eitukio elili ly’omugasho ely’Ebibulia elikweta “Ekyakula kya bwaigoro eky’Omukama,” anga Okwijuka okufa kwa Kirisito. (1 Abakorinto 11:20) Yesu akabandisa eitukio elyo ili entumwaze n’Abakirisito bona ab’amazima baijuke nk’okwo akahayo oburorabwe aha rw’eshonga yaitu. Yesu akaragira ati ekikwete aitukio elyo: “Mukorega mutyo okunyijukiraho.” (Luka 22:19) Orw’olikuterana kwijuka okufa kwa Yesu, noyolekya esiimu aha rw’engonzi zingi muno ezo Yehova na Yesu batwolekize.
MANYURUZA
Enjuza omanye emihanda endijo eyo twakubasa kwolekya esiimi aha arw’engonzi zingi muno ezo Yehova na Yesu batwolekize. Yega omanye kubaki okwijuka okufa kwa Kirisito kuli kw’omugasho muno.
3. Nitwolekya esiimi kuraba omu bikorwa byaitu
Tekeleza rundi omuntu nanka akakurokora otalibwa maizi. Isi, wakubasa kwebwa ekintu eky’omuntu ogwo yakukoleire? Anga, wakubasa kuhiga akashango k’okumwolekya esiimi aha rw’ekintu ekyo yakukoleire?
Yehova niwe ntabuko y’oburora bwaitu. Shoma 1 Yohana 4:8-10, mushube mufumoreho ebibazo ebi:
-
Kubaki ekitambo kya Yesu kigemuro ekili kirungi muno?
-
Noyehulira otai ekikwete aha bintu ebyo Yehova na Yesu bakukoleire?
Nitubasa kwolekya tutai esiimi omu bintu ebyo Yehova na Yesu batukoleire? Shoma 2 Abakorinto 5:15 na 1 Yohana 4:11; 5:3. Orwo muramara kushoma buli ihandiko, mufumoreho ekibazo eki:
-
Omu kuhonderana n’eihandiko elyo nitubasa kwolekya tutai esiimi zaitu?
4. Orondore Yesu
Engeli endijo ey’okwolekya esiimi zaitu ni kurondora Yesu. Shoma 1 Petero 2:21, mushube mufumoreho ekibazo eki:
-
Nobasa otai kurondora Yesu?
Yesu akaba nagonza ekigambo kya Katonda, narangilira amakuru garungi, n’okujuna abandi
5. Oterane akiro ky’okwijuka okufa kwa Kirisito
Obase kumanya ekyabaireho orwo Yesu yabandisize ekyakulya ekya bwaigoro eky’Omukama, shoma Luka 22:14, 19, 20. Mushube mufumoreho ebibazo ebi:
-
Nikihia ekyabaireho omu kanya k’ekyakulya kya bwaigoro eky’Omukama?
-
Omukate n’edivai nibishananganisibwa naki?—Leba orujuru rwa 19 na 20.
Yesu akenda abegesibwabe baijuke ekyakulya ekya bwaigoro eky’Omukama omu murundi gumoi omwaka, omu tarehe elikwigana n’ekiro ekyo yafereireho. Kityo, Abajulizi ba Yehova nibaterana buli mwaka babase kwijuka okufa kwa Kirisito omu kuhondera okwo yaragiire. Obase kwega ekikwete aha rukiiko orwo oruli rw’omugasho, yolekya EVIDEO. Mushube mufumoreho ekibazo ekili kuhonderaho.
-
Nikihai ekili kukoleka omu kanya k’okwijuka okufa kwa Yesu?
Omukate n’edivai bulebero bushai. Omukate nigushananganisibwa omubili gwa Yesu oguhikilire ogwo yagizire kuba kitambo aha rw’enshonga yaitu. Edivai neshananganisibwa obwamba bwe
ABANTU ABANDI NIBAGAMBA BATI: “Ili obase kurokorwa noyetagwa kwesiga Yesu wenkai.”
-
Nobasa kukozesa otai eihandiko lya Yohana 3:16 na Yakobo 2:17 kwolekya nk’okwo aliho ebintu ebindi ebili kwetagwa?
OMUBIGUFI
Nitwolekya esiimi omu bintu ebyo Yesu atukoleire omu kumwesiga, n’omu kuterana kwijuka okufakwe.
Isi ebi wakubihorora otai?
-
Okwesiga Yesu nikumanyisaki?
-
Wakubasa kwolekya otai esiimi zawe omu bintu ebyo Yehova na Yesu bakukoleire?
-
Kubaki kintu ky’omugasho muno kuterana aha kwijuka okufa kwa Kirisito?
ENJUZA MUNO
Okufa kwa Kirisito nikutwinegeza kukoraki?
Yega omanye bingi ebikwete aha mwesigo n’okwo wakugwolekya.
“Yolekya Omwesigo Gwawe Aha Ndagano za Yehova” (Mnara wa Mlinzi, Omwezi gwa Ikumi 2016)
Omu baruro eli kugamba eti “Ninyehulira Ndige, Ngumire, na kandi Ninshemelerwa kurora,” leba okwo emikalire y’omukazi nanka yahindukire orwo yamazire kwega ekikwete aha kitambo kya Kirisito.
“+Ebibulia Nehindura Emikalire” (Mnara wa Mlinzi, Omwezi gwa Munana 1, 2011)
Yega omanye kubaki abantu bake nibo balikulya omukate n’okunywa edivai omu kanya k’okwijuka okufa kwa Kirisito.
